Ársrit Ræktunarfélags Norðurlands - 01.01.1962, Side 54

54
ur til í harðbýlli löndum, til þess að breyta verðlitlum,
óætum jarðargróða í æta og eftirsótta vöru. Undir mildari
veðurskilyrðum, þar sem gerlegt er að framleiða matvæli
eða hráefni til iðnaðar beint úr skauti jarðar, er búfjárins
síður þörf, og alls staðar þar, sem tök eru á, stefnir nú þró-
unin að kvikfjárlausum búskap. Ástæðan til þessa er meðal
annars sú, hve örðugt er að fá fólk til að hirða búfé, en
engan veginn ávallt því til að dreifa, að búfjárræktin geti
ekki verið arðvænleg. Sömu erfiðleikarnir segja til sín hér,
en við eigum ekki hægt um vik að hverfa frá kvikfjárrækt-
inni, að minnsta kosti eins og sakir standa. Ekki er þó fyr-
ir það að synja, að vísindin í framtíðinni finni leið til að
breyta grasi og öðrum grófum jurtagróðri á einfaldan hátt
í mannafæðu, án meðalgöngu búfjárins.
Arðsemi búfjárins fer annars fyrst og fremst eítir því, hve
vel ræktað, vel valið og vel með farið búféð er, en í þeim
efnum getur oft verið ótrúlega mikill munur frá einu býli
til annars. Hverjum bónda er nauðsynlegt að gera sér þetta
fullkomlega ljóst og leita af alúð orsakanna, ef hann stend-
ur í þessu langt að baki því bezta í hans umhverfi. Kemur
þá til greina, að fá dýr til uppeldis af góðum stofni og nota
af fremsta megni þá aðstoð, sem félagsleg samtök í búfjár-
rækt veita, halda afurðaskýrslur, svo vitað verði með vissu
um afurðir og fóðurþörf hvers einstaklings og leggja kapp
á gott uppeldi, góða hirðingu, fóðrun og atlæti hvers grips,
svo afurðahæfni hans fái notið sín til fullnustu.
D. Vélar og verkfæri eru nú á tímum mjög stór uppbygg-
ingarliður í landbúnaði og sívaxndi. Er því mjög áríðandi
að viðhaf fulla hagsýni við öflun þeirra. Kemur þar bæði
til greina val hentugra véla og að nýta þær sem bezt.
Fyrst er þá að athuga hvaða véla býlið getur ekki án
verið og má gera ráð fyrir, að aflvél (traktor) verði þar efst
á blaði. Bóndinn verður þá að gera það rækilega upp við
sig hvaða stærð og gerð af traktor honum hentar bezt, fer
það eftir aðstæðum, landslagi og til hvers hann ætlar að