Ársrit Ræktunarfélags Norðurlands - 01.01.1962, Page 113
113
blygðunarlaus að flýka þeim skoðunum, er ég hér hefi
túlkað, þá er því til að svara, að ég hefi varla úr háum
söðli að detta, bráðlega aflóga. Lakast er, að þótt skipt yrði
um, mundi það, eins og nú horfir, tæpast leiða til mikilla
bóta í þessum málum, því það sjónarmið, er ég hér hefi
haldið fram, er viðhorf nútímans og ekkert annað en það,
sem þegar er að mestu staðreynd.
II. ÓSKILJANLEG NÆGJUSEMI
Nægjusemi er áreiðanlega ekki ein af höfuðdyggðum
nútímans. Kvartanir, barlómur og kröfupólitík eru þau
fyrirbæri mannlegra viðbragða, sem nú ber mest á í íslenzku
þjóðlífi, þar sem allir strita við að koma ár sinni sem bezt
fyrir borð og hirða lítt um, þótt það verði á kostnað annara,
en óttast það mest að verða afskiptir við útdeilingu þjóð-
arteknanna.
Þó er stundum undarlega skammt milli gagnstæðra öfga.
Þeir sem kveina hæst og krefjast mest af öðrum, gleyma
því oft að gera kröfur til sjálfra sín, svo þeirra þáttur í fram-
vindunni er óspunninn. Getur þá svo farið, að öfgafullar
útistöður þeirra við þjóðfélagið, bitni fyrst og fremst á
þeim sjálfum í aðbúð og afrakstri, svo þeir verði að ráð-
villtum, ósjálfbjarga meinagemlingum í tilverunni.
Fyrir nokkru síðan kom ég í fjós eitt. Mér finnst ávalt
nokkuð forvitnilegt að koma í fjós, því af þeim og um-
gengninni þar má margt læra. Þetta fjós var mjög lærdóms-
ríkt. iÞað mun hafa verið fyrir 10—12 kýr, tvísett með all-
breiðri miðtröð. Byggingin öll var að sjálfsögðu léleg, en
veggir þó úr steinsteypu og líklega sæmilega einangraðir.
Þakið var mikið lakara. Að vísu var það járnklætt og hafði
verið stoppað milli sperra, en klæðing undir stoppi var
léleg og víða biluð, svo stoppið hafði hrunið niður. Nú
voru líka komin göt á þakið hér og þar og tengsl þess við
veggina bágborin, svo víða húsaði undir vegglægjur. Ekki
8