Ársrit Ræktunarfélags Norðurlands - 01.01.1962, Blaðsíða 144
144
hafa heimsótt jörð okkar, allt frá því á öndverðum Camb-
riumtíma, fyrir svo sem 500—600 millj. ára síðan. Enn vit-
um við ekki einu sinni hvort við eigum nýtt jökulskeið í
vændum, eða hvort hlýviðri það, sem nú ríkir, muni verða
langt eða stutt. Hvort enn muni hlýna til muna eða hvort
hámarki er náð. Vafalaust getum við þá búizt við nokkrum
hitasveiflum, áþekkum þeim, sem orðið hafa síðan síðasta
jökulskeiði lauk. 'Þótt þessar sveiflur verði að teljast smá-
vægilegar, þá hafa þó sumar þeirra líklega nægt til, að
gera land okkar óbyggilegt og allir munu nú á einu máli
um það, að þær smávægilegu hitabreytingar, sem hér hafa
orðið, síðan landið bygðist, hafi haft mjög mikil áhrif á
líf þjóðarinnar og afkomu.
Þótt skráð saga nái skammt vitum við samt talsvert um
það, sem gerzt hefur á hnetti okkar síðustu ármilljónirnar,
þó ekki nógu mikið til þess að geta af því dregið nokkra
viðhlýtandi ágiskun um hvað framundan er. í því máli get-
ur mannkynið, með öll sín vísindi, lítið gert annað en bíða
átekta og taka því, er verða vill, en meðan beðið er, styttir
það tímann, að reyna að ráða gáturnar, fylla í eyðurnar og
leita nýrra úrlausna, jafnvel þótt þær leiði okkur ekki í
allan sannleikann.
HELZTU HEIMILDIR:
W. B. Wright: The Quatarnary Ice Age. London 1937.
Arthur Holmes: Principles of Physical Geology. London o. v. 1944.
George Gamow: Biography of the Earth. New York 1953.
Fred Hoyle: Frontier of Astronomy. New York 1957.
Joseph E. van Riper: Man’s Physical World. New York o. v. 1962.
Ame Noe-Nygaard: Geology. Köbenhavn 1955.
W. B. Scott: An Introduction to Geology. New York 1932.