Ársrit Ræktunarfélags Norðurlands - 01.01.1976, Blaðsíða 88

þeir gott hey. Algengasta veilan í fóðruninni fyrir burðinn
virðist vera ónákvæmni í kjarnfóðurgjöf og er þá oftast gefið
of lítið af því. Þá hættir sumum við að byrja of seint og vera
þá gjarna að auka kjarnfóðurgjöfina fram á síðasta dag fyrir
burð. Kjarnfóðurgjöf í geldstöðu er annars mjög háð hey-
gæðum og einstaklingseðli gripanna og meðferð þeirra. Þá
kom fram háraunhæft neikvætt samhengi milli heygæða og
súrdoða, þ.e. að því fleiri kg sem þurfti í hverja fóðurein-
ingu af 'heyi því meira var um súrdoða miðað við svipaða
bústærð og afurðir að öðru leyti. í framhaldi af þessu skal
þess getið að sérstök ferð var gerð í V.-Húnavatnssýslu dag-
ana 18. og 19. maí í vor til að kanna súrdoðavandamálið á
nokkrum bæjum þar. Studdi sú ferð áðurnefndar niður-
stöður varðandi orsakir súrdoða.
Fundir, ferðalög o. fl.
Fundarhöld voru með meira móti sl. ár. Mætt var á þrem
fundum hjá S.-Þingeyingum: Á aðalfund Búnaðarsambands-
ins og hjá Búnaðarfélagi Bárðdæla í fyrrahaust og á fræðslu-
fund ásamt Sigurði Sigurðssyni dýralækni að Breiðumýri
þann 30. apríl í vor. Hjá Búnaðarsambandi Eyjafjarðar
flutti ég erindi á bændaklúbbsfundi að Hótel KEA í fyrra-
haust og mætti á einum þrem fræðslufundum seinni hluta
vetrar. Búnaðarsamband Skagafjarðar hélt fræðslufundi
dagana 18,—20. nóvember og var ég þar meðal fyrirlesara á
þrem fundum. Þá efndi Ræktunarfélagið til ráðunanta-
fundar hér á Akureyri þann 11. júní í sumar. Voru þar rædd
ýmis mál er vörðuðu starfsemi Rf. Nl. og hafði ég framsögu
um ýmis atriði varðandi fóðurleiðbeiningar út frá heyefna-
greiningum. Setin var landbúnaðarráðstefna á Blönduósi
á vegum Fjórðungssambands Norðlendinga dagana 21.—22.
júní í sumar. I fyrrahaust var farið vestur í A.-Húnavatns-
sýslu til að koma heysýnatöku í gang. Seinna var farið með
niðurstöður heyefnagreininga austur í N.-Þingeyjarsýslu og
fóðurleiðbeiningar veittar eftir bestu getu samkvæmt þeim.
Var í leiðsagnarhlutverki á vegum Ræktunarfélagsins í
90