Ársrit Ræktunarfélags Norðurlands - 01.01.1980, Blaðsíða 57
repju oft tilviljanakennt og virðist ráðast af framboði versl-
unarvöru. A síðustu árum má þó merkja greinilega breytingu
til batnaðar, einkum í höfrum.
Ástæðurnar fyrir þessu skipulagsleysi eru sjálfsagt margar,
en áreiðanlega vegur ekki minnst aðstöðuleysi og mannfæð
tilraunastöðvanna. I tilraunaskýrslum eru oft taldar upp til-
raunir sem voru á áætlun en tókst ekki að gera þar á meðal má
mjög oft finna grænfóðurtilraunir. Einnig má nefna, að
grænfóðurtilraunir eru mjög viðkvæmar fyrir beit, og lítið slys
í þeim efnum getur eyðilagt tilraun gjörsamlega. Þá er
stundum getið um að gæsir hafi stórspillt eða eyðilagt til-
raunir. Niðurstöður þeirra tilrauna sem hér er greint frá hafa
birst jafnharðan og þær hafa legið fyrir. En eins og skoðun
þeirra leiðir í ljós gefa þær allbreytilega mynd, og því ekki von
að mikið væri lagt upp úr stofnamun, einkum þar sem teg-
undamunur er jafn geypilegur og raun ber vitni. I mörgum
tilraunanna má eflaust skýra einstök frávik með einhverju
sem upp á hefur komið, eins og t.d. var nefnt um Peniarth á
Sámsstöðum 1979. Ef þeirri tilraun er sleppt úr uppgjörinu
vaxa meðalyfirburðir Peniarth úr 3,4 í 4,5 hb, og meðalfrávik
munarins minnkar úr 1,7 í 1,4. En þegar fjöldi tilraunanna er
jafn mikill og til dæmis er í samanburði Peniarth og Maris
Quest breyta frávik einstakra tilrauna, eins og það sem dæmið
er tekið af hér að ofan litlu um heildarniðurstöðuna, jafnvel
þó frávikið sé mikið.
Fáar upplýsingar eru gefnar um jarðveg í tilraunaskýrsl-
unum, og ekki greinanlegur neinn munur á röðun stofna í
uppskerumagni við mismunandi jarðvegsgerð. Engu að síður
getur hann verið til staðar. Ekki er heldur greinanlegur neinn
munur í röðun milli tilraunastöðva. En þessar grænfóðurtil-
raunir og tölulegar upplýsingar um innflutning og leiðbein-
ingar um notkun einstakra stofna sýna greinilega brotalöm í
úrvinnslu og miðlun upplýsinga. Sérstaklega er þetta greini-
legt hvað snertir fóðurkálsstofna.
Fram að 1971 höfðu Silona og Rape Kale verið reyndir
saman í 21 tilraun. í tveim hafði Rape Kale gefið meiri
uppskeru en Silona, í sjö tilraunum álíka (þ.e. Silona +. 4
59