Ársrit Ræktunarfélags Norðurlands - 01.01.1980, Blaðsíða 102

þessu uppgjöri og ritaði með því dulítinn texta, en lengra er
þetta ekki á veg komið og bíður betri tíma.
Á liðnu ári kom aðeins út eitt fjölrit í ritaröðinni Fjölrit
BRT. Var það grein eftir Þórarin Lárusson og Guðmund
Helga Gunnarsson og sem nánar er skýrt frá í skýrslu Þórar-
ins. Fjölrit þetta var merkt nr. 10, en ennþá vantar inní nr. 9.
Hefi ég í hjáverkum verið að vinna að uppgjöri á kalktil-
raunum, sem lagðar voru út hér á Norðurlandi á vegum
Tilraunastöðvarinnar á Akureyri á árunum 1970 og 1971. Er
þetta í raun viðbót og lagfæring á erindi er ég flutti á ráðu-
nautafundi BI og Rala 1974. Er ætlunin að þetta uppgjör
verði Fjölrit nr. 9.
Ársrit Rf. Nl. fyrir 1979 er ekki komið út og á stjórnarfundi
11. jan. í vetur var samþykkt að gefa árgangana fyrir 1979 og
1980 út í einu hefti. Nú þegar er búið að setja ungann af ritinu
en ákveðið var að koma skýrslum þessum og fundargerð að-
alfundar 1980 í ritið og því sér það ekki dagsins ljós fyrr en í
september.
Á síðasta aðalfundi var því hreyft af undirrituðum að gefa
út pésa í fræðsluskyni. Af þessu hefur ekki orðið og ástæður
bæði tímaleysi okkar hjá Rf. og þar utan kostar öll útgáfa,
hversu lítil sem hún er, það mikið að óhjákvæmilegt er að ætla
til þessa nokkurt fé í fjárhagsáætlun ef af því á að geta orðið.
Pöntunarfélag — vörusala.
Á liðnu ári seldi Rf. vörur fyrir sem næst 1,8 milljón króna
eins og nánar greinir frá í reikningum. I desember s.l. var
síðan enn á ný sendur út vörulisti verulega aukinn og endur-
bættur. Það slys vildi til í þeirri útsendingu að listar komust
ekki til bænda í A.-Hún. en aðrir fengu þá með sæmilegum
skilum að því best verður vitað. Allmiklar pantanir bárust —
allt frá Öxarfirði vestur í Hrútafjörð ( að' A.-Hún. þó undan-
skilinni) — og var hægt að afgreiða ungann af þessum pönt-
unum síðast í apríl og fyrst í maí. I samræmi við tilgang
þessarar vörusölu Rf. hefur fyrst og fremst verið lögð áhersla á
það að bjóða upp á vörur sem erfitt er að fá annars staðar á
landinu, en vörur sem þó mega teljast til hagræðis fyrir
104