Ársrit Ræktunarfélags Norðurlands - 01.01.1980, Blaðsíða 126

um. Tillögum hér að lútandi verði skilað til næsta aðal-
fundar Ræktunarfélagsins.“
Eggert Ólafsson ræddi tillöguna og fór fram á að hún
yrði send heim til búnaðarsambandanna til umfjöllunar.
Tillagan síðan samþykkt samhljóða.
„Aðalfundur Ræktunarfélags Norðurlands haldinn að
Hafralækjarskóla 22. ágúst 1980, lýsir ánægju yfir því, að
hafin skuli uppbygging að Hólum í Hjaltadal og leggur
áherslu á, að framkvæmdum verði hraðað í samræmi við
tillögur Hólanefndar og skólanefndar Hólaskóla. Fundur-
inn harmar að reglulegt skólahald skuli hafa lagst niður á
Hólastað og telur því áríðandi að þar verði haldin
búfræðinámsskeið á komandi vetri og kennsla samkvæmt
nýju búfræðslulögunum hefjist á Hólum haustið 1981.“
Samþykkt samhljóða.
„Aðalfundur Ræktunarfélags Norðurlands haldinn í
Hafralækjarskóla 22. ágúst 1980, heimilar stjórn félagsins
að gefa út fræðslurit um landbúnað annað hvert ár og þá í
stað Arsrits félagsins. Fræðslurit þessi verði keypt af
búnaðarsamböndunum á sama hátt og Arsritið, enda send
öllum bændum á svæði Ræktunarfélagsins.“
Samþykkt samhljóða.
„Aðalfundur Ræktunarfélags Norðurlands haldinn í
Hafralækjarskóla 22. ágúst 1980, beinir því til stjórnar
félagsins, að hún kanni möguleika á innflutningi maura-
sýru í stöðluðum umbúðum sem henta fyrir dreifibúnað
sláttutætara. Ennfremur verði athugað hvort til greina
kemur innflutningur á ýmis konar tæknibúnaði varðandi
votheysverkun á vegum pöntunarfélagsins.“
Samþykkt samhljóða.
„Aðalfundur Ræktunarfélags Norðurlands haldinn í
Hafralækjarskóla 22. ágúst 1980, skorar á Stéttarsamband
bænda, Framleiðsluráð og sölusamtök bænda að vinna
ötullegar að úrbótum varðandi meðferð og sölu
landbúnaðarafurða.“
Samþykkt samhljóða.
Jóhannes las tillögu frá nefndinni um könnun á aukinni
128