Búnaðarsamband Austurlands - 01.01.1924, Blaðsíða 34
36
síðasta aðalfundi 27/b. 1924, og þar eð miklar líkur
eru til þess, að þessi skýrsla komi fyrir næsta aðal-
fund, nær hún aðeins yfir árið 1924.
1. janúar var byrjað á veðurathugunum í Qróðrar-
stöðinni fyrir veðurathugunarstarfsemina í Rvík, og
hefi ég haft þær með höndum, þegar ég hefi verið
staddur á Eiðum, en annar fenginn til að gæta þeirra
í fjarveru minni.
Frá 21.—24. janúar var bændanámsskeið haldið á Eg-
ilsstöðum og flutti ég þar 3 erindi.
Eins og undanfarna vetur ferðaðist ég þennan vet-
ur um nokkurn hluta sambandssvæðisins í fjárræktar-
erindum. í febrúar og marz skoðaði ég fé á flestum
bæjum í Loðmundarfirði, Víkum, Borgarfirði, Hjalta-
Staðaþinghá og Eiðaþinghá. Hefi ég þá ferðast um alt
sambandssvæðið í þessháttar erindum, að tveimur
hreppum undanskildum, Seyðisfjarðarhreppi og Mjóa-
fjarðarhreppi.
Fé á þeim hluta svæðisins sem hér um ræðir, er
að vænleika líkt og annarsstaðar í sýslunni, þó held-
ur vænna í fjörðum en á úthéraði. Og af fjárræktinni
þar er líka sögu að segja sem víðast hvar annars
staðar á svæðinu, að áhugi ^bænda fyrir að bæta fé
sitt virðist vera mikill, enda hafa margir gert til-
raunir í þá átt með aðfengnum hrútum, en þær
hafa gefist misjafnlega. Þó sá ég góðan árangur af
þesskonar viðleitni á tveimur bæjum í Loðmundarfirði,
Nesi og Ánastöðum, og hafði fé frá öðrum þeim bæ
verið bætt með hrút frá Parti í Húsavík, en á hinum
með hrút frá Dvergasteini í Seyðisfirði.