Búnaðarsamband Austurlands - 01.01.1975, Blaðsíða 23

mismunandi aðstæður og meðferð. Éitt af því, sem komíð hefur
skýrt í ljós í þessum athugunum, er að sáðgresi, einkum vallarfox-
gras, hélt betur velli i þeim reitum sem fengu góðan skammt af
kalki og fosfór, heldur en þar sem þessi efni voru í lágmarki.
Þessum þætti tilraunanna hefur lengst af verið lítið sinnt, en
áhersla lögð á uppskerumælingar úr áburðartilraunum. Slíkum til-
raunum fer nú heldur fækkandi, og ístaðinn koma tilraunir með
grasstofna, grænfóður og ýmsa þætti varðandi meðferð túna.
Vélaskýrsluhald nautgriparæktarfélaga.
I byrjun siðastliðins árs, hófu um 30 bændur þátttöku í skýrslu-
haldi, sem byggist á tölvuúrvinnslu, og áttu þeir samtals 363 kýr.
Fáeinir þeirra hættu um síðustu áramót, en aðrir bættust í hópinn,
þannig að þátttaka hélst svipuð.
í Nf. Vopnafjarðar héldu 10 bændur skýrslur yfir 97 árskýr.
Meðalnyt þeirra var 3.931 kg, og kjarnfóðurgjöf 975 kg.
í Nf. Fljótsdalshéraðs héldu 17 bændur skýrslur yfir 152 árskýr,
sem mjólkuðu að meðaltali 3.685 kg, en kjarnfóðurgjöf 688 kg.
í Nf. Breiðdals og Fáskrúðsfjarðar voru 3 skýrslubændur með
21 árskú, meðalnyt þeirra 3.525 kg og kjarnfóðurgjöf 1.188 kg.
Meðalnyt árskúa í þessum félögum var 3.761 kg og kjarnfóðurgjöf
827 kg, sem er hvoru tveggja nálægt 100 kg yfir landsmeðaltali.
Á næstunni þyrfti að verða veruleg aukning á skýrsluhaldi hér
á svæðinu, þannig að hlutdeild okkar í kynbótastarfinu verði í sam-
ræmi við það gagn sem við höfum af því. En nauðsyn á víðtæku
skýrsluhaldi má vera augljóst, þar eð þetta er grundvöllur að vali
nauta á sæðingastöðvarnar, og því fleiri kýr sem skýrslufærðar
eru, því öruggara er val nautanna. Auk þess má benda á þá miklu
þýðingu sem slíkar upplýsingar hafa fyrir hvern bónda, viðkomandi
vali ásetningskvígna og hagkvæmri fóðrun, einkum kjarnfóðurnotk-
un.
Síðastliðið ár var ríflega helmingur allra kúa landsins á skýrsl-
um, þannig að við megum taka okkur rækilega á ef við ætlum að
nálgast landsmeðaltalið. Til að stuðla að auknu skýrsluhaldi, væri
eðlilegt og sjálfsagt að nota heimild samkvæmt búfjárræktarlögum,
27