Búnaðarsamband Austurlands - 01.01.1975, Blaðsíða 28
Þorsteinn Kristjánsson gerði síðan grein fyrir störfum sínum.
Ræddi hann sérstaklega um hey- og jarðvegssýnatöku. Við sjávar-
síðuna skortir kalk í heyið, en þörf er góðra rannsókna, áður en
farið er út í framkvæmdir við kölkun túna. Þá gerði Þorsteinn ýtar-
lega grein fyrir niðurstöðum úr kúaskýrslum og minntist að lokum
á starf sitt við bókhald R.S.A.
Jón Þorgeirsson þakkaði störf og skýrslur ráðunauta. Benti hann
á þá staðreynd, að ræktun hefur dregist saman og kvað slíkt ekki
mega halda svo áfram. Jón vænti útgáfu ársrits nú á þessu ári en
sneri síðan máli sínu til Páls Sigbjörnssonar og þakkaði honum góð
störf og kynni á liðnum 20 árum.
6. Starfsskýrsla framkvæmdastjóra R.S.A. og reikningar.
Jón Atli lýsti fyrst venjulegum starfsdegi sínum, sem fer mest í
margháttaðar útréttingar og símtöl. Þá ræddi hann um vinnu vél-
anna og verkefni þeirra. Hvatti hann búnaðarfélagsformenn til að
taka saman og senda vinnupantanir til R.S.A. svo að skipuleggja
megi vinnuna í tíma. Ýmislegt fleira gerði hann að umræðuefni, en
las síðan og skýrði reikninga R.S.A. fyrir árið 1973.
Að loknum kvöldverði gerði Jón Atli frekari grein fyrir fjárhags-
stöðu R.S.A. nú um s.l. áramót.
Jón Þorgeirsson lýsti vonbrigðum sínum yfir tveggja ára gömlum
reikningum, sem ekki hefðu lengur nokkra raunhæfa þýðingu.
Benedikt Sigfússon tók undir orð Jóns Þorgeirssonar. Taldi hann
og að greiða þyrfti jarðabótastyrkinn fyrir áramót, svo greiða
mætti vinnuna hið fyrsta.
Ingvar Friðriksson tók í sama streng og þeir sem um þetta hafa
rætt. Ræddi hann um tildrögin að stofnun R.S.A. og tók síðan undir
þá skoðun, að ráða þyrfti bókara að fyrirtækinu.
Aðalsteinn Aðalsteinsson spurði hvað selt hefði verið af vélum
og fyrir hve mikið. Sagði hann það grundvallarskilyrði fyrir áfram-
haldandi starfi R.S.A. að flýta reikningsuppgjöri.
Sigurður Guttormsson óttaðist, að R.S.A. yrði klofið niður, ef
ekki tekst að sýna gott starf og ljúka uppgjöri sem fyrst.
Þórður Pálsson sagði, að víst væri gott að fá glöggan reikning
32