Búnaðarsamband Austurlands - 01.01.1975, Blaðsíða 42

Ekki er ástæða til að fjölyrða frekar um störf mín hjá B.S.A. sl.
ár, þar sem þeim hefur í öllum aðalatriðum verið hagað eins og
undanfarin ár.
Þegar ég nú í annað sinn tek mér hvíld fi’á störfum hjá B.S.A.
hefi ég alls starfað hjá því nær 20 ár. Það hefur vissulega oftast
verið ánægjulegt tímabil. Skemmtilegt hefur verið að fylgjast með
oft erfiðri en árangursríkri sókn bændanna til betri búhátta og
afkomu á þessu tímabili og taka á vissan hátt þátt í henni. I þess-
um störfum mínum hefi ég komist í persónuleg kynni við ákaflega
margt ágætis fólk, mér til mikils gagns og gleði.
Ég vil nota tækifærið og koma á framfæri þakklæti mínu til alls
bændafólks á sambandssvæðinu, fyrir ánægjuleg samskipti á þessu
tímabili bæði fyrr og síðar. Þá vil ég þakka stjórn sambandsins
ágæt samskipti á sl. ári sem og á liðnum árum. Einnig þakka ég
samstarfsmönnum mínum, ráðunautunum, ánægjulega og einstak-
lega snurðulausa samvinnu alla tíð.
STARFSSKÝRSLA
Þorsteins Kristjánssonar, ráðunautar
til aðalfundar Búnaðarsambands Auslurlands 1976.
Störfum ráðunauta er að jafnaði líkt háttað frá ári til árs, og
vart ástæða til að tíunda allt sem starfað er að, heldur að drepa á
helstu þættina og það sem til nýbreytni má teljast. Starfsskipting
milli okkar ráðunautanna var með líku sniði og áður, en Þórhallur
Hauksson starfaði með okkur Páli frá miðju síðastliðnu ári. En
þar eð verkaskipting okkar' er ekki glögg, munu nokkrar endur-
tekningar verða í skýrslum okkar.
Framræsla.
Aðalle|ga var mælt fyrir skurðum á Héraði, en minna var um
mælingar en árið áður. Lokið var við plógræslu á svæðinu síðast-
liðið sumar, og mældum við fyrir plógræsum að nokkru leyti. En
þeir sem sáu um ræsluna, skipulögðu hana mikið jafnóðum og hún
fór fram.
46