Takmark - Lítið fréttabréf um heilbrigðismál - 01.05.1979, Blaðsíða 3

frá sér ákveðnum styrk sem
betur væri varið til líkams-
uppbyggingar en í þýðing-
arlausan sígarettureyk
JANUS GUÐLAUGSSON
landsliðsmaður í hand-
knattleik og knattspyrnu
Reyklaust landsliö í sundi
Á þeim tíma sem ég hef verið viðriðinn
landslið íslands í sundi, það er frá árinu
1964, hefur enginn sundmaður í því
reykt. Þetta á ekki aðeins við um lands-
liðið í sundi heldur um alla þá er æfa
sund af alvöru með hámarksgetu í huga.
Hvers vegna skyldi sundfólk ekki
reykja eins og margir aðrir? Ástæðurnar
eru augljósar öllum sem eitthvað þekkja
til þess. Sundfólkið eyðir mjög miklum
tíma til æfinga, meiri en flest annað
íþróttafólk. Sá sem ætlar að ná langt i
sundíþróttinni verður að verja 20—30
klst. á viku í æfingar.
Sundfólkinu er Ijóst að reykingar
draga úr afkastagetu þess. Það veit að ef
það reykti hefði það 20—30% minna þol
og þrek en ella Til hvers er þá að leggja
á sig allar þessar æfingar, ef brjóta á
strax niður það sem byggt er upp?
Ég hef átt þess kost að æfa með og
þjálfa sumt af besta sundfólki heimsins
um skemmri eða lengri tíma. Enginn
þessara sundmanna reykti og öllum
fannst slíkt fráleitt.
Það sem hér er sagt á ekki bara við um
afreksfólk í íþróttum. Sömu staðreyndir
gilda um hinn almenna borgara. Þrek
hans og þol mun minnka með reyking-
um, svo ekki sé nú minnst á kostnaðinn
og alla þá kvilla er fylgja þeim.
Lesandi góður, hugsa þú þig um
þrisvar áður en þú reykir.
Ég vona að allir dagar í framtíð þinni
verði reyklausir, séu þeir það ekki nú
þegar. Það er þér og öllu þjóðfélaginu
fyrir bestu.
GUÐMUNDUR Þ. HARÐARSON
þjálfarí landsliðsins í sundi.
REYKLAUSIR BEKKIR
í 119 SKÓLUM
Ef reykingar freistuðu
manns þá gæti maður alveg
eins lagt skóna á hilluna.
Hlauparar æfa fyrst og
fremst öndunar- og æða-
kerfi sitt og afreksgetan fer
að mestu leyti eftir aðlög-
unarhæfni þeirra þátta
líkamsstarfseminnar. Það er
Ijóst að tóbaksreykur í lung-
um og níkótín í æðum hafa
neikvæð áhrif á getuna. Það
væri álíka og að hlaupa í
lokuðu loftlausu herbergi,
maður fyndi fljótt til hálf-
gerðrar lömunar þar sem
vöðvar mundu þjást af súr-
efnisskorti
LILJA GUÐMUNDSDÖTTIR
Kristin
í millivegalengdahlaupum
Enn hafa borist yfirlýsingar frá sjö reyk-
lausum bekkjum, þannig að fjöldinn í vetur
komst upp í 274 Endanleg skipting eftir
fræðsluumdæmum er þessi: Reykjavík 57,
Reykjanes 52, Vesturland 24, Vestfirðir 25,
Norðurland vestra 16, Norðurland eystra 41,
Austurland 26 og Suðurland 33. Bekkir
þessir eru í samtals 119 skólum.
Eftir bekkjum er skiptingin þessi: 166
sjöttu bekkir, 69 sjöundu bekkir, 30 áttundu
bekkir og 8 niundu bekkir. Auk þess er einn
10. bekkur, það er fyrsti bekkur framhalds-
deildar, sem strangt tekið tilheyrir ekki
grunnskólanum en telst hér með
Viðbótarbekkirnir frá því í síðasta blaði eru
þessir: 6.K, 6.L og 6.M Álftamýrarskóla,
Reykjavík. - 6. bk. (st. 5) Barnaskóla Húsa-
víkur. - 6. F. Breiðholtsskóla, Reykjavík. - 6.
bk. Grunnskólanum Austur-Landeyjum.
Rangárvallasýslu. - 7. R.F. Langholtsskóla,
Reykjavík. Á skránni yfir reyklausa bekki í
desemberblaðinu féll niður 7 B Grunnskól-
anum í Borgarnesl.
Við biðjum lesendur að hafa í huga að
næsta vetur verður þráðurinn enn tekinn
upp og viðurkenningar veittar reyklausum
bekkjum sem þá verða. Vonandi verða þeir
margir. □
I sígarettunni sumir kveikja
og svæla og reykja.
í þeim er tjara og bíddu bara
því brátt muntu fara.
Líney Laxdal, 12 ára,
Barnask. Svalbarðseyri.
Reykingar eru ósiður.
Það verður enginn friður
innra með yður
fyrr en þú leggur hann niður.
Jón Kristinn Sigurðsson,
12 ára, Vogaskóla, R.
Ef sigarettu upp í þig þú treður
engan mann þú gleður.
Því reyklngar eru mesta mein
sem komið hefur í þennan heim.
Hermann Örn Ingólfsson,
12 ára, Barnaskóla Akureyrar.
Að ég ekki reyki
af því mér ég hreyki.
Ég vona að sama sé um þig
sannlega mundi það gleðja mig.
Anna Lísa Baldursdóttir,
12 ára. Barnaskóla Akureyrar.
Ef þú ert barnshafandi
og reykir eins og fjandi
þá muntu gera barni tjón
úr því þú reykir eins og flón.
Kristín, Erla og Hildur,
12 og 13 ára, Vogaskóla, R
Byrjaðu aldrei á að reykja
því eiturgufur lungun veikja
hindra öndun og æðaslátt
líkamann allan þær leika grátt.
Ragna Leifsdóttir, 12 ára,
Barnaskóla Akureyrar.