Takmark - Lítið fréttabréf um heilbrigðismál - 01.05.1979, Blaðsíða 4

NADIA REYKIR EKKI!
Ég efast ekki um að þú, kaeri lesandi, reykir ekki. Hún veit nefnilega, af því að
kannast vel við nafnið Nadia Comm-
aneci — nafnið á rúmensku stúlkunni
sem vann hug og hjörtu áhorfenda á
Ólympíuleikunum síðustu í Montreal
með frábaerri frammistöðu sinni í fim-
leikum Þá var hún aðeins 14 ára að
aldri. Nú er hún orðin 17 ára og er enn
meðal bestu fimleikakvenna í heim-
inum Hver veit nema hún verði sigur-
sæl á næstu Ólympíuleikum
Nadia hefur þjálfað fimleika í mörg ár
og lagt hart að sér eins og allir verða að
gera sem ætla sér að komast í fremstu
röð íþróttamanna í hvaða íþróttagrein
sem er Hún hefur líka ávallt gætt þess
að stunda æfingar vel og lifa reglu-
sömu li'fi. Annars hefði hún ekki náð
svona langt í iþrótt sinni. Eitt af því sem
hún hefur forðast að gera er að reykja.
Veist þú hvers vegna? Auðvitað veit
Nadia eins og þú að reykingar skaða
heilsuna og valda sjúkdómum. En það
eru líka aðrar ástæður fyrir þvi að hún
Til fyrirmyndar
Það vakti mikla athygli þegar
tennisleikararnir Jimmy Connors
og Björn Borg voru að hefja leik í
meistarakeppni í Madison Square
Garden í Bandaríkjunum að þeir
báðu áhorfendurna að reykja ekki
á meðan þeir léku. Fyrst sló þögn á
hópinn en síðan kvað við dynjandi
lófatak.
Gott væri að fleiri tækju sér þá til
fyrirmyndar. xime, 24. apríi 1978.
Ef þú reykir ekki...
hún er íþróttakona, að reykingar hafa
slæm áhrif á þjálfun og árangur
íþróttamanna vegna þess að þær
draga úr starfsgetu líkamans, einkum
ef mikið er reykt og afleiðingin er m.a.
sú að hann þolir siður áreynslu eins og
í erfiðri þjálfun og keppni.
Veist þú hvernig á því stendur að
starfsgeta líkamans minnkar við að
reykja? Ástæðan fyrir því er fyrst og
fremst sú að reykingar torvelda lung-
um, hjarta og blóði að sjá líkamanum
fyrir nægilega miklu súrefni. Þegar
sigarettur eru reyktar setjast efni úr
reyknum ásamt slími, sem myndast
fyrirtilverknað þeirra, í lungun og valda
því að geta lungnablaðranna til þess að
þenjast út og taka við lofti, þegar
maður andar að sér, minnkar verulega.
Reykingar valda því líka að blóðið á
erfiðara með að taka við súrefninu. I
sígarettureyknum er kolsýrlingur sem
bætist við þann litla kolsýrling sem fyrir
er í blóðinu af eðlilegum ástæðum.
Þessi aukning á kolsýrlingi torveldar
súrefninu að komast inn i blóðið Af-
leiðingin af þessu er sú að blóðið fær
minna en ella af súrefni til þess að flytja
vefjum líkamans og hann ..þjáist" í
raun af súrefnisskorti. I þjálfun íþrótta-
manna er hins vegar stefnt markvisst
að því að auka starfshæfni lungna og
getu þeirra og hringrásarinnar til þess
að taka upp súrefni, því án súrefnis
þolir líkaminn ekki áreynslu til lengdar.
í sumum íþróttagreinum, eins og t.d.
hlaupum, hjólreiðum, sundi og skíða-
göngu er árangurinn í beinu samræmi
við getu lungna og hringrásar til þess
að taka upp súrefni.
Ef þú reykir...
Eitt af þeim skaðlegu efnum sem eru
í sígarettureyknum heitir nikótín Það
hefur margvísleg áhrif á starfsemi
likamans, t.d. lamar það taugakerfið,
þrengir æðar og eykur blóðþrýsting-
inn Þegar æðarnar, sem flytja hjarta-
vöðvanum blóð, þrengjast fær hann
ekki nóg af súrefni og það er ástæða
fyrir því að reykingamenn finna oft til í
hjartanu
Fleiri dæmi er hægt að nefna um
afleiðingar reykinga fyrir þjálfun
iþróttamanna Sumar afleiðingar, eins
og t.d sjúkdómar í öndunarfærum,
slæm melting og truflanir í starfi melt-
ingarfæranna, valda ekki aðeins
óþægindum heldur oft á tíðum líka því
að gera verður hlé á þjálfuninni —
kannski svo dögum skiptir, eða þá að t
draga þarf úr henni vegna þess að"
íþróttamaðurinn getur ekki á sér heil-
um tekið.
Á þessu getur þú séð að reykingar
og íþróttaþjálfun eiga ekki saman.
Áhrifin á líkamann eru þveröfug
Nadia gerir því rétt að reykja ekki.
Það á heldur enginn iþróttamaður að
gera og allra síst þeir sem eru ungir og
upprennandi í íþróttum, sem öðru,
nær maður ekki góðum árangri nema
maður leggi sig allan fram við æfingar
og gæti þess aö láta ekkert verða til
(Dess að hindra það að settum mörkum
verði náð Þú skalt því taka Nadiu þér til
fyrirmyndar — hún er góð fyrirmynd.
Reykingar skaða þig aðeins.
Iðkaðu íþróttir en reyktu ekki.
DR. INGIMAR JÓNSSON
námsstjóri í íþrottum