Veðráttan - 01.06.1955, Qupperneq 1
VEÐRÁTTAN 1955
MÁNAÐARYFIRLIT SAMIÐ Á VEÐURSTOFUNNI
Júní
Grasspretta var léleg framan af vegna þurrka, en það vel rættist úr, að í mánaðar-
lok var víðast fullsprottið. Aflabrögð togara voru yfirleitt góð, en smærri fiskiskip voru
að búa sig út á síldveiðar.
Fyrstu sex dagana var austlæg átt ríkjandi (þ. 2. Vm. E 10). Yfirleitt var þurrt
þessa daga og stundum léttskýjað. Suður í hafi var lægð, en háþrýstisvæði fyrir norðan
og austan land. Þ. 7.—9. var smálægð kyrrstæð yfir landinu, hægviðri og víða lítils-
háttar rigning. Hlýjustu dagar mánaðarins að tiltölu voru 2. og 3., þá var 4° hlýrra
en í meðalári, en aðra daga fram til þ. 9. var hiti frá 1° undir meðallagi að 3° yfir þvi.
Norðlæg og austlæg átt var rikjandi dagana 10.—13. Nokkur rigning var um
norðan- og austanvert landið, og þ. 12. snjóaði í fjöll norðan lands. Að kvöldi þ. 13.
var allhvöss suðaustanátt og töluverð rigning við suðurströndina, en dagana 14.—16.
var hæg breytileg átt og yfirleitt þurrt veður um allt land. Kaldast í mánuðinum að
tiltölu var þ. 13., en þá var 3° kaldara en í meðalári. Aðra daga milli 10. og 16. var
hiti frá meðallagi að 2° undir því. Lægðir voru fyrir sunnan og suðaustan land dag-
ana 10.—14., en þ. 15. og 16. fór háþrýstihryggur suðaustur yfir landið.
Lægð fór austur á bóginn fyrir sunnan land þ. 17.—21. Var suðaustan- og austan-
átt (þ. 19. Vm. E 10) og rigningar syðra, en hægviðri og þokusúld nyrðra. Gerði
stórrigningu á Suðausturlandi þ. 19. Þessa fimm daga var hitinn frá meðallagi að 2°
yfir þvi. Dagana 22.—24. fór lægðin norður á bóginn milli Islands og Noregs. Kólnaði
þá í veðri með norðan- og norðaustanátt og rigningu, einkum norðan lands og austan.
Hitinn var 1°—2° lægri en i meðalári.
Næstu tvo daga, þ. 25. og 26., var sunnan og suðaustan átt og rigning á Suður-
landi, en bjart veður nyrðra. Þ. 27. og 28. var lægð yfir landinu, og þ. 29. fór lægð
vestur yfir landið. Þessar lægðir ollu breytilegri átt og rigningu um allt land. Eink-
um rigndi þ. 28. og 29. á Norðausturlandi og Austfjörðum. Hitinn var 1° yfir meðal-
lagi þ. 25. og 26., en þ. 27.—30. frá meðallagi að 2° undir þvi.
LoftvægiO á öllu landinu var 0.3 mb undir meðallagi, frá 0.7 mb yfir meðallagi á
Dalatanga að 1.4 mb undir því í Vestmannaeyjum. Hæst stóð loftvog á Dalatanga þ. 6.
kl. 20—22, 1029.9 mb, en lægst á sama stað þ. 29. kl. 5, 987.3 mb.
Hitinn á öllu landinu var til jafnaðar 0.7° yfir meðallagi. Hlýjast var að tiltölu
í innsveitum á Suðvesturlandi og á Vestur- og Norðausturlandi eða yfirleitt 1°—2°
hlýrra en í meðalári. Kaldast var að tiltölu með ströndum fram á Austur- og Suður-
landi, en þar var hitinn viða lítið eitt undir meðallagi. Vægt frost mældist nokkrum
sinnum í mánuðinum. Þ. 3. mældist frost á Dalatanga; þ. 7. í Möðrudal og Gunnhildar-
gerði; þ. 8. á Hofi og Hallormsstað; þ. 13. í Möðrudal; þ. 14. á Grímsstöðum; þ. 16. á
Barkarstöðum, Grimsstöðum, Hofi, Möðrudal, Gunnhildargerði, Egilsstöðum og Þing-
völlum; þ. 24. á Barkarstöðum og þ. 25. í Möðrudal.
Sjávarhitinn við strendur landsins var 0.6° yfir meðallagi. Hlýjast var að tiltölu
við Grindavik, hiti 2.1° yfir meðallagi, en kaldast við Vestmannaeyjar, 0.1° kaidara en
í meðalári. Sjávarhiti við Gróttu mældist 9.8° og við Grindavik 11.6°.
Úrkoman á öllu landinu mældist í meðallagi. Um norðvestanvert landið og á Aust-
urlandi var hún minni en í meðalári, en annars staðar á landinu var yfirleitt meiri
(21)