Veðráttan - 01.09.1955, Qupperneq 1
VEÐRÁTTAN 1955
MÁNAÐARYFIRLIT SAMIÐ Á VEÐURSTOFUNNI
September
Tíöarfariö var yfirleitt hagstætt. Þó var úrkomusamt fyrri hluta mánaðarins á
Suður- og Vesturlandi, en þar gerði þurrk um miðjan mánuðinn og hirtust þá víða
hey að fullu. Heyfengur varð mjög rýr á óþurrkasvæðinu öllu, en norðan lands og
austan var heyfengur með ágætum. Uppskera úr görðum var allmisjöfn, en þó yfirleitt
léleg. Gæftir voru stirðar fyrri hluta mánaðarins. Afli báta var æði misjafn, en togarar
öfluðu vel síðari hluta mánaðarins.
Fyrstu tvo daga mánaðarins var vestan- og suðvestanátt og lægðasvæði norðvestan
við landið, en dagana 3.—7. fór hver lægðin á fætur annarri norðaustur yfir vestanvert
landið. Var þá oft tvíátta, norðlæg átt á Vestfjörðum, en suðvestan- og sunnanátt
annars staðar. Alla þessa daga var nokkur rigning um sunnan- og vestanvert landið.
Dagana 3., 5. og 6. rigndi lítils háttar á Norðausturlandi og Austfjörðum, en aðra daga
var þurrt í þessum landshlutum. Þ. 5. var hitinn 2° lægri en i meðalári, og var það
kaldasti dagur mánaðarins miðað við meðallag. Aðra daga fram til þ. 7. var hiti frá 1°
undir meðallagi að 1° yfir því.
Vindur var milli austurs og suðvesturs dagana 8.—12. og oft hvass við suðurströnd-
ina (Vm. þ. 8. E 10, ESE 10; þ. 9. ESE 10). Alla þessa daga var nokkur rigning um
allt land. Einna minnst var hún norðaustan lands. Hitinn var frá 1° undir meðallagi
að 2° yfir því. Þ. 9. og 11. fóru lægðir norðaustur yfir landið.
Dagana 13.—23. var vindur milli norðurs og austurs. Fyrir norðvestan og norðan
land var háþrýstisvæði, en suður og suðaustur í hafi voru víðáttumiklar lægðir. Var
oft hvassviðri við suðurströndina og á Vestfjörðum (þ. 15., 16. og 18. Vm. E 10; þ. 19.
Vm. E 11; þ. 20. Vm. ENE 12; þ. 21. Rh. NE 10, Lmbv. vh. 10, Æð. NE 10, Vm. E 13).
Þ. 13. og 14. var þurrkur sunnan lands, og fram til þ. 17. var yfirleitt þurrt við Faxa-
flóa og Breiðafjörð, en annars staðar var rigning eða súld dag hvern. Þ. 23. nálgaðist
lægð suðurströndina. Hiti var 3° hærri en í meðalári, og var það hlýjasti dagur mán-
aðarins að tiltölu, en þ. 13.—22. var hiti frá 1° undir meðallagi að 2° yfir því.
Dagana 24.—26. fór lægð austur með suðurströndinni og síðan norðaustur fyrir land.
Vindur varð norðlægur eða norðvestlægur með lítils háttar rigningu eða slyddu norðan
lands og á Vestfjörðum. Hiti var frá meðallagi að 1° yfir því. Þ. 27. snerist enn á ný
til suðvestan- og sunnanáttar vegna lægðar, sem fór norður Grænlandshaf (þ. 28. Krv.
WSW 10, Sd. WSW 10, Mðrd. SW 10, S 10, Vst. SE 10; þ. 30. Skrk. vh. 10). Lægðin
fór síðan norðaustur yfir landið, og var komin norðanátt um allt land að morgni þ. 30.
Þrjá fyrstu dagana (27.—29.) var rigning sunnan lands og vestan, en þ. 30. var víðast
þurrt á Suðurlandi, en lítils háttar úrkoma nyrðra. Hitinn var 2° yfir meðallagi þ. 27.
og 28., en frá meðallagi að 1° undir því tvo síðustu daga mánaðarins.
LoftvœgiÖ var 9.2 mb undir meðallagi, frá 8.7 mb á Galtarvita að 9.7 mb í Vest-
mannaeyjum. Hæst stóð loftvog á Hornbjargsvita þ. 14. kl. 10, 1024.0 mb, en lægst í
Stykkishólmi þ. 4 kl. 11, 971.2 mb.
Hitinn var 0.6° yfir meðallagi á öllu landinu. Á Norðausturlandi og Austfjörðum
var yfirleitt 1°—2° hlýrra en venja er til, en í öðrum landshlutum var vik hitans frá
meðallagi innan við 1°. Víðast var heldur hlýrra en í meðalári.
Sjávarhitinn við strendur landsins var 0.2° undir meðallagi. Hlýjast var að tiltölu
í sjó við Fagradal, 1.5° yfir meðallagi, en kaldast við Raufarhöfn, 1.3° undir meðallagi.
Sjávarhiti við Gróttu mældist 8.3° og við Grindavík 9.7°.
Xfrkoman á öllu landinu var um meðallag. Um vestanvert landið mældist víða
heldur meiri úrkoma en i meðalári. Við Faxaflóa var þó yfirleitt heldur minni úrkoma
(33)