Veðráttan - 01.06.1962, Side 1

VEÐRÁTTAN 1962
MÁiVAÐARVFIIlLIT SAMIII A VEIHTRSTOFIJXXI
Júní
TiÖarfariÖ var kalt og óhagstætt. Grasspretta var minni en venjulega og sláttur ekki
hafinn í mánaðarlok nema á örfáum bæjum. Viða var kal það mikið i túnum, að til stór-
skemmda horfði.
Fyrstu sex daga mánaðarins var vindátt suðlæg hérlendis. Fyrir suðaustan land var
háþrýstisvæði fyrstu 3 dagana, en þ. 4.—5. fór kröpp lægð norðaustur Grænlandshaf og
yfir landið daginn eftir. Var hvasst af suðri og suðaustri þá þrjá daga. Fyrstu tvo dagana
var þykkt loft og nokkur rigning suðvestan lands og einnig norðan og norðaustan lands
þ. 1., en síðustu dagana fjóra rigndi á Vestur- og Suðurlandi allt austur í Hornafjörð. Þ. 5.
og aðfaranótt þ. 6. rigndi reyndar víðast hvar og var úrkomumagnið sérlega mikið á Suð-
austurlandi. Hitastigið þ. 2. og 4. var 3° hærra en í meðalári, og voru það hlýjustu dagar
mánaðarins, en þ. 1., 3., 5. og 6. var 2° hlýrra en venja er til.
Þ. 7. var lægðin komin norður fyrir land og kólnaði þá með norðaustlægri átt. Á norðan-
verðum Vestfjörðum voru slydduél, en skúrir suðvestan lands. Næstu tvo daga var hæg,
breytileg átt, skýjað en yfirleitt þurrt; var smáhæð yfir landinu þessa tvo síðasttöldu daga,
en þ. 10. snerist vindur til suðausturs með þokusúld og síðar rigningu suðvestan lands.
1 öðrum landshlutum var skýjað, en yfirleitt þurrt, og hélzt þetta veðurlag daginn eftir.
Hitastig þessa fimm daga var frá meðallagi að 1° undir því.
Vindur snerist til austurs þ. 12. vegna lægðar, sem þokaðist austur á bóginn alllangt
suður í hafi. Voru skúrir um allt land þ. 12. og 13., en síðan brá til hvassrar austnorðaustan-
og norðaustanáttar með rigningu, og snjókomu á hálendi, um austan- og norðanvert landið.
Var úrkomumagnið sérstaklega mikið á norðanverðum Vestfjörðum, Norðausturlandi og
Austfjörðum þ. 14. og 15. Þessa daga hafði lægðin þokazt norðaustur með austurströndinni
og farið dýpkandi. Heldur lægði daginn eftir, og úrkoman rénaði. Þokaðist lægðin norður
og grynnkaði, og háþrýstisvæðið yfir Grænlandi breiddist suður yfir hafið norður af Is-
landi. Norðan og austan lands var lítils háttar rigning þ. 16. og 17., en skúrir suðvestan
lands. Hitastigið þessa 6 sólarhringa var 1°—2° undir meðallagi nema þ. 13., en þá var 3°
kaldara en í meðalári. Var það kaldasti dagur mánaðarins miðað við meðallag, ásamt þ. 24.
Þ. 18. var lægð vestur af Skotlandi, og þokaðist hún norðaustur á bóginn daginn eftir
og dýpkaði. Fyrri daginn var hæg, austlæg átt með skúrum síðdegis á Suðurlandi, en
skýjað 5 öðrum landshlutum, en seinni daginn hvessti af austri með rigningu meðfram
suðurströndinni, á Austfjörðum og annesjum norðan lands. Daginn eftir brá til suðaustan-
áttar vegna lægðar suður af Islandi. Rigndi þann dag á Suðvesturlandi, og þokaðist úr-
komusvæðið norðaustur á bóginn og daginn eftir, þ. 21., rigndi um allt austanvert landið.
Næstu daga var hægviðri og smáskúrir víðast hvar. Var smálægð yfir landinu báða þessa
daga, en þ. 24. og 25. var yfirleitt bjart og þurrt veður. Þó voru nokkrar síðdegisskúrir
fyrri daginn. Þá tvo daga fór hæðarhryggur austur yfir ísland. Hitastig þ. 18.—25. var
l°-2° undir meðallagi nema þ. 24., sem áður er minnzt á.
Síðustu fimm dagana var nokkru hlýrra í veðri. Þ. 26. var suðvestanátt með rigningu
um vestanvert landið vegna lægðar, sem þokaðist norðaustur á bóginn á Grænlandshafi,
en daginn eftir birti til. Fór hæðarhryggur þá yfir landið. Næstu tvo daga var hæð fyrir
sunnan land, en smálægð yfir Grænlandshafi. Var suðlæg átt, rigning og þykkt loft um allt
land nema á Norðausturlandi og Austfjörðum þ. 28. og 29. Siðasta dag mánaðarins fór djúp
lægð norðaustur Grænlandshaf, hvessti þá af suðaustri og síðan suðvestri með mikilli
rigningu vestan og sunnan lands. Hiti þessa fimm daga var um eða aðeins undir meðallagi.
Loftvœgi var 2.8 mb undir meðallagi. Lægst að tiltölu var loftvægið á Stórhöfða í Vest-
mannaeyjum, 3.8 mb undir meðallagi, en hæst á Galtarvita, 2.1 mb lægra en venja er í júní.
Hæst stóð loftvog á Hólum í Hornafirði, 1027.2 mb þ. 8. kl. 11, en lægst á Kirkjubæjar-
klaustri þ. 14. kl. 17—19, 976.2 rob.
(41)