Veðráttan - 01.11.1962, Page 1
VEÐRÁTTAN 1962
MÁKAUAllYFIBLIT SAMIB A VEIHIRSTOFUKNI
Nóvember
Tíöarfar var yfirleitt talið hagstætt, einkum austan lands. Vegir voru greiðfærir nema
fyrstu daga mánaðarins.
Fyrstu fjóra daga mánaðarins mátti heita úrkomulaust á Suðurlandi og á Vesturlandi
norður til Breiðafjarðar, en norðantil á landinu og á Austfjörðum var nokkur snjókoma.
Vindur var austlægur. Lægðir voru sunnan við land, og þ. 1. og 2. var grunn lægð að
eyðast milli íslands og Noregs. Hæð þokaðist austur á bóginn norðan við land. Hiti var
2°—4° undir meðallagi þ. 1.—3., en náði meðallagi þ. 4.
Hlýindakafla gerði dagana 5.—12., hiti var 6° yfir meðallagi þ. 10., og varð það hlýjasti
dagur mánaðarins miðað við meðallag. Þ. 7. var 5° hlýrra en í meðalári, en aðra daga
þessa tímabils var hiti 2°—4° yfir meðallagi.
Lægðasvæði var vestur af Bretlandi þ. 5.—6., vindur austanstæður og sums staðar
nokkur úrkoma, en hvergi mikil nema á Austfjörðum og Suðausturlandi. Þ. 7. snerist
vindur til suðausturs vegna lægðar á Grænlandshafi. Orkomusvæði lægðarinnar fór
norðaustur yfir landið daginn eftir, og gerði þá vestanátt með éljum. Kröpp lægð, sem
fór norður Grænlandshaf þ. 9.—10., olli sunnan hvassviðri og mikilli úrkomu vestan lands
og sunnan, en norðaustantil á landinu var víðast úrkomulítið. Þ. 11. og 12. grynnkaði
lægðin og þokaðist norður og norðaustur fyrir landið. Vindur var hægari, og áttin snerist
frá suðri til vesturs. Austan lands var þurrt og einnig á Norðurlandi fyrri daginn, en
annars voru skúrir eða slydduél þessa tvo daga.
Hiti fór 1° niður fyrir meðallag þ. 13., og næstu fjórir dagar urðu köldustu dagar
mánaðarins. Þ. 15. var 5° kaldara en i meðalári, en þ. 14., 16. og 17. var hitinn 6° undir
meðallagi. Lægð hreyfðist frá Jan Mayen og norður fyrir Noreg þ. 13., og þ. 14.—17. var
lægðasvæði yfir Skandinavíu. Þ. 13. og fram eftir degi þ. 14. var norðanátt og talsverð
snjókoma nema á Suðurlandi. Síðdegis þokaðist hæð inn yfir landið úr vestri, og vindur
varð hægur. Hæðin fór austur yfir landið þ. 15., en lægð á sunnanverðu Grænlandshafi
olli austanátt á Suðvesturlandi. Lægðin hreyfðist suðaustur í haf, og næstu tvo daga var
hæð yfir landinu og vestanvert við það. Sums staðar voru snjóél, en víðast var úr-
koman óveruleg.
Hæðin þokaðist suður á bóginn þ. 18. og 19. Hægri suðlægri átt brá fyrir, og heldur
hlýnaði i veðri. Þ. 18. var 2° kaldara en í meðalári, en þ. 19. var hiti 1° yfir meðallagi.
Veður var þurrt að mestu nema á Vesturlandi.
Þ. 20.—21. voru grunnar lægðir á Grænlandshafi. Vindur var yfirleitt hægur, suðlæg
átt með dálítilli úrkomu vestan til á landinu, en annars breytileg átt og þurrt veður.
Hiti var 1°—3° yfir meðallagi.
Kröpp lægð fór norður Grænlandshaf þ. 22. og olli allhvassri sunnanátt með talsverðri
úrkomu suðvestan og vestan lands, en annars staðar var hún minni. Lægðin fór hratt
norðaustur, og eftir henni fylgdi hæðarhryggur. Úrkoma var yfirleitt lítil þ. 23., vindur
norðanstæður fram eftir degi, og hiti fór 1° niður fyrir meðallag, en þ. 22. var 5° hlýrra
en í meðalári.
Önnur kröpp lægð fór norðaustur Grænlandshaf þ. 24.—25., og þ. 26. lá lægðadrag
til vesturs frá Norður-Noregi, og smálægð var milli Vestfjarða og Grænlands. Fyrsta
daginn var hvöss sunnanátt, en síðan snerist vindur til vesturs, og veðrið herti að mun.
Norðan lands snjóaði alla dagana. Um allt sunnanvert landið rigndi allmikið fyrsta
daginn, en tvo síðari dagana var úrkomulítið á Suðausturlandi. Á Austurlandi var þurrt
að mestu alla dagana. Hiti var 2°—4° yfir meðallagi þ. 24.—25., en fór niður í með-
allag þ. 26.
Dagana 27.—29. var 1°—2° kaldara en í meðalári. Hæðarhryggur fór austur yfir
land þ. 27. Vindur var hægur, en áttin norðlæg framan af. Næstu tvo daga var lægð á
hreyfingu austur á bóginn sunnan við land. Hún olli austan hvassviðri við suðurströnd-
ina þ. 28. og slyddu eða rigningu um allt land. Daginn eftir var breytileg átt og víða
dálítil él.
(81)