Veðráttan - 02.12.1983, Blaðsíða 1

VEÐRÁTTAN 1983
ÁRSYFIRLIT SAMIÐ Á VEÐURSTOFUNNT
Tíðarf arsyf irlit.
TíOarfar var óhagstætt sunnanlands og vestan nema síSustu 4 mánuðina. Annars staðar
var sæmileg tíð nema í apríl og maí.
Loftvægi var 0.6 mb undir meðallagi, frá 0.7 mb yfir meðallagi í Vestmannaeyjum að
1.7 mb undir því á Dalatanga. Hæst stóð loftvoig á Eyvindará 1043.8 mb 19. febrúar kl. 15,
en lægst 5. janúar kl. 18—19 929.4 mib í Vestmannaeyjum, og er það lægsta loftvægi sem
mælst hefur á landinu frá 1933, en þá mældust 923.9 mb í Vestmannaeyjum.
Hiti var 1.5° undir meðallagi. Þetta er eitt af köldustu árum aldarinnar. Kaldara var
1979, hiti 2.1° undir meðallagi, en ámóta kalt 1981, 1969, 1918 og 1917. Árssveifla hitans,
þ.e. munurinn á heitasta og kaldasta mánuði, var minnst 8° í Vestmannaeyjum. Með
ströndum fram var ihún víðast 9°—11° nema á Norðausturlandi þar var hún um 12°.
Um meginhluta landsins var árssveiflan 12°—14° en mest 15.6°—15.7° í Reykjahlíð, Gríms-
stöðum, Brú og Möðrudal. Hámarkshiti fór hvergi yfir 25.0° nema í Vopnafirði 24. ágúst,
en þar komst hámarkið í 25.3°. Lágmark fór aldrei niður fyrir —25.0°, en kaldast varð
—24.9° í Möðrudal 17. janúar.
Úrkoma var meiri en í meðalári nema á 8 stöðvum (sjá kort bls. 98). Mest var úrkoman
á Kviskerjum 3168 mm, á 4 stöðvum var hún milli 2000 og 2500 mm og á 13 stöðvum
milli 1600 og 2000 mm. Minnst var úrkoman í Möðrudal 390 mm, og á 9 stöðvum var hún
milli 400 og 600 mm. Mesta sólarhringsúrkoma var 200.0 mm á Dalatanga 3. október og
daginn eftir mældust þar 128.6 mm. 1 Neskaupstað fór úrkoma yfir 100 mm þ. 2., 3. og
4. október. Alls mældist sólarhringsúrkoma meira en 100 mm í 11 skipti og milli 50 og
100 mm i 132 skipti.
Sólskinsstundir voru 75—79% af meðaltali áranna 1971—80 í Reykjavík, á Reykhólum,
Akureyri, Höskuldarnesi og Sámsstöðum. Fæstar að tiltölu í Reykjavík og á Sámsstöðum.
Flestar voru sólskinsstundir að tiltölu á Hólum 88% og á Hallormsstað og Hveravöllum
voru þær 83—86% af meðaltalinu fyrir 1971—80. Sólskinsstundir voru mest 30—31% af
þeim tíma sem sól er á lofti á Hallormsstað og Hólum, en 21—25% á hinum stöðvunum.
Veturinn (desember 1982—mars 1983) var lengst af talinn óhagstæður um mikinn
hluta landsins. Hiti var 0.9° undir meðallagi. Meðalhiti vetrarins á einstökum stöðvum
var frá 1.1° í Vík að —6.4° á Hveravöllum, —5.4° í Möðrudal og —5.1° á Grímsstöðum.
Á 5 stöðvum var vetrarhitinn frá frostmarki að 0.9° yfir því. Á 3 stöðvum var frostið
4.0°—4.5° og á 2 stöðvum milli 3.0° og 4.0°. tJrkoma var meiri en í meðalári nema á
nokkrum stöðvum austanlands, 3 stöðvum við suðurströndina og 3 stöðvum norðvestan-
lands. Á 3 stöðvum norðaustanlands mældist meira en tvöföld meðalúrkoma. Mesta
vetrarúrkoma var 1422 mm á Kviskerjum og 984 mm á Snæbýli, en minnst 90 mm i
Möðrudal.
Vorið (apríl—mai) var mjög kalt og óhagstætt gróðri. Hiti var 2.4” undir meðallagi.
Vorið 1979 var mun kaldara, en hiti var þá 3.3° undir meðallagi. Vik vorhita frá meðallagi
1931—60 hefur verið reiknað frá 1963 og eru þessi tvö vor langköldust frá þeim tíma.
Kaldast var á Hveravöllum —3.7° og í Möðrudal —3.3°. Hitinn var undir frostmarki á 20
öðrum stöðvum og á 5 stöðvum var frostið meira en —1.0°. Mildast var í Vík, á Vatns-
skarðshólum og Sámsstöðum 4.0°—4.2°. Á 8 stöðvum var hitinn 3.0°—3.9°. Úrkoma var
,ninni en í meðalári nema norðaustantil á landinu. Víða var hún helmingur af meðalúr-
komu eða minni, en á 3 stöðvum norðaustanlands mældist þreföld meðalúrkoma. Mest var
úrkoman 326 mm á Dalatanga, en minnst 6 mm á Þóroddsstöðum. Sólskinsstundir voru
flestar 343 á Miðfelli og 340 á Hveravöllum, sem er 6% umfram meðaltal áranna 1971—80
og 36% af þeim tíma sem sól er á lofti. 1 Reykjavík, á Reykhólum, Hólum og Sámsstöðum
voru sólskinsstundir 92—101% af meðaltali 1971—80 og 31—35% af þeim tíma sem sól er
á lofti. Á Akureyri, Höskuldarnesi og Hallormsstað voru sólskinsstundir 56—68% af
meðaltali 1971—80 og 18—27% af þeim tíma sem sól er á lofti.
(97)