Veðráttan - 01.01.1993, Side 1
ISSN 0258-3836
VEÐRÁTTAN 1993
MÁNAÐARYFIRLIT SAMIÐ Á VEÐURSTOFU ÍSLANDS
Janúar
Tíðarfar var talið óstöðugt og óhagstætt um mestan hluta landsins. Víðast var allmikill snjór, samgöngur
erfiðar og stopular gæftir.
Þ. 1. og 2. var lægð yfir Grænlandshafi og vindátt lengst af suðvestlæg með éljum á Suður- og Vesturlandi,
en allkröpp lægð fór til norðausturs vestur af Færeyjum 1. Undir kvöld 2. snerist vindur til suðausturs vegna
lægðar langt suðvestur í hafi. Þá hlýnaði og rigndi um mestallt land í austan hvassviðri, norðaustanátt hélst þó
á Vestfjörðum með frosti lengst af. Að kvöldi 3. var skarpt lægðardrag yfir landinu, fremur hæg suðlæg átt með
skúrum var austan við dragið, en norðaustan hvassviðri og snjókoma vestan þess. Þ. 4. breiddist norðanáttin
yfir landið, en gekk jafnframt niður og undir kvöld var vindur víðast orðinn hægur og þá létti til.
Þ. 5. fór lægð til norðausturs fyrir suðaustan land og olli norðaustan strekkingi og snjókomu suðaustan- og
austanlands, en vestanlands var vindur hægur og skýjað. Þ. 6. kom lægð vestan að landinu. Hún olli fyrst
suðaustanátt og snjókomu eða slyddu á Suður- og Vesmrlandi, en síðan snerist vindur í hæga suðvestanátt. Þ.
7. voru lægðir í kringum landið og vindátt óráðin og hæg lengst af, en síðdegis snerist vindur til norðaustanáttar
með snjókomu suðaustanlands enda mjög djúp lægð á leið norðaustur milli íslands og Færeyja. Aðfaranótt 8.
varð einnig hvasst víða austanlands, en vestanlands var vindur hægur enda smálægð á Grænlandshafi. Þ. 9. var
lægðardrag yfir landinu, vindátt breytileg og víða dálítil él. Síðdegis 10. hvessti af norðaustri og gerði hríðarveður,
fyrst suðaustanlands, en síðar um land allt, er ein dýpsta lægð aldarinnar (ekki fjærri 915 mb í lægðarmiðju)
fór til norðausturs milli íslands og Færeyja. Þ. 11 hélst einnig versta veður um mikinn hluta landsins.
Þ. 12. og 13. var minnkandi norðaustanátt með éljum fyrir norðan, en syðra var lengst af úrkomulítið.
Smálægð oUi þó snjókomu syðst á landinu. Þ. 14. var fremur hæg suðaustlæg átt, smáél eða snjókoma var um
mikinn hluta landsins, en úikomu var þó mjög misskipt að magni til. Þ. 15. gerði enn norðaustan hvassviðri
um suðaustanvert landið er djúp lægð fór til norðausturs suðaustan við land. Vestanlands var vindátt hæg og
breytileg.
Þ. 16. -18. voru smálægðir í námunda við landið, breytileg átt og víða nokkur él. Þ. 19. var hæg austlæg átt
enda lægð suður undan á leið austur. Á Austur- og Suðausturlandi voru él, en annars þurrt að kalla. Þ. 20. var
skarpt lægðardrag skammt suður undan og vindur var af austri og norðaustri með éljum víðast hvar. Þó var
úrkomulaust víða inn til landsins á Vestur- og Norðurlandi. Þ. 21. var ákveðin norðaustanátt með éljum fyrir
norðan og austan, en annars var úrkomulftið. Þ. 22. fór smálægð til austurs með suðurströndinni og olli þar
snjókomu, en annars var vindur hægur og víða léttskýjað. Þ. 23. var smálægð fyrir vestan land og olli hún
smáéljum um vestanvert landið. Um kvöldið og aðfaranótt 24. gerði allhvassa norðanátt með miklu frosti. Á
Norðurlandi snjóaði, en sunnanlands létti til. Sá 24. varð kaldasti dagur mánaðarins að tiltölu og frost víða 10
- 20°.
Undir kvöld 24. snerist vindur til suðlægar áttar og fór að snjóa vestanlands og 25. var breytileg og síðar
vestlæg átt með éljum um mikinn hluta landsins. Við suðurströndina rigndi. Þ. 26. var hæðarhryggur á austurleið
fyrir vestan land. Smám saman létti til.
Þ. 27. gerði hvassa suðaustanátt með rigningu við suðvesturströndina enda lægð að nálgast frá Suður-
Grænlandi. Þ. 28. var suðlæg átt og hláka um allt land. Á Suður- og Vesturlandi rigndi en fyrir miðjan dag
snerist vindur til suðvesturs með éljum sunnan- og vestanlands, en norðaustanlands birti til. Þ. 29. gerði
suðaustan hvassviðri, með rigningu um mikinn hluta landsins, er djúp lægð hreyfðist norðaustur Grænlandshaf.
Undir kvöld snerist vindur til suðvesturs með éljum vestanlands og hélst það veður einnig 30. og þá með vægu
frosti. Austanlands létti til. Þ. 31. kom svo ný lægð norðaustur Grænlandshaf. Þá hlýnaði um land allt með
sunnan- og suðvestan hvassviðri. Um kvöldið kólnaði aftur vestanlands með vestanátt og éljagangi, en þó varð
31. hlýjasti dagur mánaðarins að tiltölu.
Loftvægi var 15,9 mb undir meðallagi áranna 1931 -1960, ffá 15,3 mb undir á Rkn og f Vm að 17,1 mb á
Dt. Hæst stóð loftvog á Eg þ. 26. kl. 24, 1019,9 mb, en lægst í Anes þ. 10. kl. 24, 936,2 mb.
(1)