Veðráttan

Árgangur

Veðráttan - 01.02.1994, Blaðsíða 1

Veðráttan - 01.02.1994, Blaðsíða 1
ISSN 0258-3836 VEÐRATTAN 1994 MÁNAÐARYFIRLIT SAMIÐ Á VEÐURSTOFU ÍSLANDS Febrúar Veðráttan í mánuðinum var talin nokkuð hagstæð, einkum vestan- og norðanlands þar sem var úrkomulítið og bjart. Fremur hægviðrasamt var og gæftir nokkuð góðar. Færð á vegum var sæmileg á öllu landinu. Dagana 1. - 21. var fremur mild veðrátta á landinu. Suðlægar áttir voru rikjandi og var víðáttumikið lágþrýstisvæði yfir Atlantshafi. í upphafi mánaðarins var lægðarmiðja á vestanverðu Grænlandshafi og önnur yfir Suðausturlandi á hreyfingu norður. Snjóaði í snarpri norðvestanátt vestan til á landinu en rígning var víða austan til. Þ. 2. og 3. var svöl sunnan- og suðvestanátt með éljum um sunnan- og vestanvert landið en léttskýjað var norðaustanlands. Um kvöldið þ. 3. sneríst vindátt til suðausturs og síðar austurs og hvessti þegar leið á nóttina. Djúp lægð var við írland að þokast norðvestur og fór að rígna á Suðausturlandi með kvöldinu þ. 4. Dagana S. og 6. var stíf austanátt á landinu. Rigning var á Austurlandi, Austfjörðum og Suðausturlandi en úrkomulítið í öðrum landshlutum nema á norðanverðum Vestfjörðum þar var slydda og rígning. Aðfaranótt þ. 7. dró úr veðurhæðinni og stytti að mestu upp nema við ströndina austan til þar var súld eða rigning. Aðfaranótt þ. 9. lægði víðast hvar en undir morgun sneríst vindur til suðvesturs og þykknaði upp vestanlands en létti til austanlands. Næstu nótt þykknaði upp með vaxandi suðaustanátt og fór að rigna í suðaustan hvassviðrí vestan til um morguninn þ. 10. Upp úr hádegi snerist vindur til suðvesturs og Iétti til austanlands en slyddu- og snjóél voru vestan til. Um nóttina nálgaðist úrkomusvæði landið enn á ný með hvassri suðaustanátt. Skil fóru austur yfir landið þ. 11. í kjölfarið kólnaði og dagana 12. og 13. var suðvestlæg átt með éljum sunnan- og vestanlands en víða léttskýjað norðan- og austanlands. Aðfaranótt þ. 14. nálgaðist kröpp lægð landið úr suðri og fór hún norðnorðaustur yfir landið. Hlýnaði og rigndi um allt austanvert landið en vestan til var norðan- og norðvestanátt og snjókoma. Síðdegis þ. 14. lægði og létti víða til um leið og dálítill hæðarhryggur þokaðist austur yfir landið. Þ. 15. var hæg austlæg átt og víða snjókoma um norðanvert landið en skúrir eða él sunnan og austan til. Dagana 16. - 20. var suðaustlæg átt á landinu. Viðáuumikil nærri kyrrstæð lægð var suður af Hvarfi og lá lægðardrag norðaustur í átt til íslands. Síðdegis þ. 17. skall á norðaustan hvassviðri á Vestfjörðum og einnig var hvöss austan- og suðaustanátt á sunnan- og vestanverðu landinu og rigndi víða. Upp úr hádegi þ. 18. dró úr veðurhæðinni og stytti upp en næstu nótt gekk í suðaustan hvassviðri með rigningu um sunnan- og vestanvert landið en úrkomulítið var norðaustanlands. Heldur dró úr suðaustanáttinni aðfaranótt þ. 20. og var hæg sunnanátt og síðar hægviðri og smáskúrir við suðurströndina en víða léttskýjað í öðrum landshlutum þ. 20. og 21. Dagana 22. - 24. kólnaði og var austan- og norðaustanátt á landinu oftast fremur hæg. Hæð var fyrir norðan land og víðáttumikið lágþrýstisvæði suður af landinu. Léttskýjað var vestan til á landinu en smáél voru við ströndina norðan- og austanlands. Þ. 25. lægði og létti til um allt land. Síðustu daga mánaðarins var hægviðrasamt og bjart veður á landinu og talsvert frost. Með kvöldinu þ. 28. þykknaði upp og hlýnaði í vaxandi suðaustanátt vestanlands og úrkomusvæði nálgaðist landið úr suðvestri. Loftvægi var 0,6 mb undir meðallagi áranna 1931-1960, frá 2,1 mb undir því í Kvk að 2,4 mb yfir því á Dt. Hæst stóð loftvog,1031,8 mb, á Hbv þ. 23. kl. 24 og þ. 25. kl. 03 og lægst, 956,1 mb, áAkþ. 24. kl 12. (9)

x

Veðráttan

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Veðráttan
https://timarit.is/publication/278

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.