Veðráttan - 02.12.1994, Blaðsíða 30

Ársyfirlit
Veðráttan
1994
Breytingar á skipulagi Veðurstofunnar
Snemma á árinu ákvað umhverfisráðherra að fengnum tillögum veðurstofustjóra að gera verulegar
breytingar á skipulagi Veðurstofunnar. Byggðust þessar tillögur á niðurstöðum úttektar á starfsemi
stofnunarinnar sem gerð hafði verið árið áður undir stjórn Tryggva Sigurbjarnarsonar ráðgjafar-
verkfræðings. Þann 16. apríl tók hið nýja skipulag formlega gildi. Allar deildir stofnunarinnar að
frátalinni skrifstofu voru lagðar niður en í þeirra stað komu fjögur svið og upplýsingatæknideild.
Forstöðumenn voru ráðnir Flosi Hrafn Sigurðsson fyrir tækni- og athuganasvið, Trausti Jónsson
fyrir úrvinnslu- og rannsóknasvið, Markús Á. Einarsson fyrir þjónustusvið, Ragnar Stefánsson
fyrir jarðeðlissvið og Þórir Sigurðsson fyrir upplýsingatæknideild. Vegna veikinda Markúsar Á.
Einarssonar var Guðmundur Hafsteinsson settur forstöðumaður þjónustusviðs frá 16. apríl.
Eldra skipulag stofnunarinnar sem var að grunni um 40 ára gamalt byggðist á fagskiptingu
starfseminnar (veðurspár, veðurfar, veðurathuganir, jarðskjálftar, snjóflóð, hafís o.þ.h.). Hið nýja
jarðeðlissvið er að mestu óbreytt frá jarðeðlisfræðideild en veðurfræðistarfsemin er í hinu nýja
skipulagi skipt eftir eðli verkefna: athuganir, úrvinnsla, rannsóknir og þjónusta. Þannig færðust t.d.
allar athuganir á Keflavíkurflugvelli undir tækni- og athuganasvið en áður höfðu þær verið undir
sérstakri deild Veðurstofunnar á Keflavíkurflugvelli. Rannsóknir á veðurfari, hafís, snjóflóðum
o.n. veðurtengdum þáttum færðust undir eina yfirstjórn og stefnt er að því að hvers konar
veðurþjónusta verði á ábyrgð þjónustusviðs. Ýmis meginverkefni sem tengjast öllum sviðunum
voru sett undir sérstaka verkefnisstjóra. Þór E. Jakobsson varð verkefnisstjóri í hafísmálum, Magnús
Már Magnússon í snjóflóðamálum og Unnur Ólafsdóttir verkefnisstjóri í flugveðurþjónustu. Hin
nýja upplýsingatæknideild sér að mestu um tölvumál, fjarskipti og rekstur gagnagrunna.
Með hinu nýja skipulagi var einkum þrennt haft að leiðarljósi. í fyrsta lagi að laga skipulag að
breytingum í starfsemi Veðurstofunnar, hliðstætt því sem gerst hefur á mörgum veðurstofum í V-
Evrópu. í öðru lagi að dreifa ábyrgð, auka skilvirkni og samræma ákvarðanatöku og í þriðja lagi að
efla upplýsingaflæði og auka samvinnu milli sviða.
Ýmsar breytingar urðu í kjölfar skipulagsbreytinganna: Breyta varð að nokkru bókhaldi
stofnunarinnar, reglulegir fundir veðurstofustjóra og sviðsstjóra/deildarstjóra voru teknir upp og
fundargerðum dreift til allra starfsmanna í tölvupósti. Starfsmannafundir innan sviða voru haldnir
reglulega svo og árlegur starfsmannafundur allrar stofnunarinnar, allt til að ná ofangreindum
markmiðum.
Veðurstöðvar
Ýmsar breytingar: Veðurathugunum var hætt á Búrfelli í byrjun árs. Kristín Friðrika
Svavarsdóttir tók aftur við athugunum á Reykhólum í ársbyrjun. Vilborg Friðriksdóttir tók við
athugunum á Núpi í júní af Björgvin R. Gunnarssyni. Erlendur Magnússon hætti athugunum á
Dalatanga í lok júlí og við tók Heiðar Woodrow Jones. Úrkomumælingum var hætt á Siglufirði í
ágúst, en þar hafði Örlygur Kristfinnsson athugað. Valtýr Hólmgeirsson hætti athugunum á
Raufarhöfn í október og við tók Vilhjálmur Hólmgeirsson. í sama mánuði tók Ingvar Helgason við
athugunum á Sámsstöðum af Kristni Jónssyni. í nóvember var úrkomumælingum hætt á Kleifum,
en þar hafði Stefán Jóhannesson athugað. Jónas G. Jónsson hætti athugunum á Húsavík í desember
og stöðin hætti í árslok.
Nýjar stöðvar: í maílokhóf Snorri H. Jóhannesson úrkomumælingar á Augastöðumí Hálsasveit.
I júní hófust úrkomumælingar á Dalshöfða í Vestur-Skaftafellssýslu, athugunarmaður er Ragnar
Jónsson. Veðurskeytastöð var stofnuð á Neðra-Hóli í Staðarsveit í lok júní, og kemur hún í stað
Garða í sömu sveit, þar sem athugunum var hætt. Athugunarmaður er Friðrika Ásmundsdóttir. Á
Skjaldþingsstöðum í Vopnafirði var stofnuð skeytastöð í júlí. Athugunarmaður er Jón Ingólfsson. í
(126)