Árbók Landsbókasafns Íslands - Nýr flokkur - 01.01.1977, Blaðsíða 15

KRINGUM KRINGLU
15
sem Finnur Jónsson vísar til þeirra, en neðan til á fyrri blaðsíðunni og
um miðbik þeirrar síðari djarfar fyrir strikum af þessu tagi dregnum
með stíl, eins og algengt er í handritum.) Spássíur hafa verið vel
breiðar, einkum ytri spássíur, en leturflötur er um það bil 17,1 sm. að
breidd en rúmir 23 sm. að hæð. Skriftin er tvídálka, línulengd nálægt
8 sm. og 42 línur í hverjum dálki.
Kaflaskipti eru sex í þessum fjórum dálkum, og kaflafyrirsagnir eru
rauðar að venju og óvanalega skýrar eins og reyndar skriftin öll.
Upphafsstafir eru tveir rauðir, tveir mosagrænir, einn grasgrænn og
einn blár. Á jöðrum þessara lita má víða sjá gular rendur, þannig að
vera má að upphafsstafirnir hafi verið teiknaðir með gulum lit áður
en þeir vóru málaðir með aðallitnum. Annar mosagrænu upphafs-
stafanna er auk þess með ofurlitlu rauðu flúri. Heldur lítið rúm hefur
verið ætlað fyrir upphafsstafi kafla, aðeins tvær línur lítið eitt inn-
dregnar, þannig að meira en helmingur hvers upphafsstafs er á spássíu
eða milli dálka.
Auk upphafsstafa kafla standa upphafsstafir fáeinna málsgreina
framan við dálkjaðar, þar sem svo stendur á að ný málsgrein hefst
með nýrri línu. Loks hefur skrifari sett v á spássíu á þeim tveim
stöðum þar sem vísur eru í texta.
Miðað við textann á blaðinu reiknaðist Finni Jónssyni svo til
(í inngangi Heimskringlu) að í Kringlu hefðu í öndverðu verið um
það bil 180 blöð.
7. Tngri utanmálsskrif
Á blaðinu eru þrjár greinar, skrifaðar á 16. öld. (1) Milli dálka á
fyrri síðu stendur „prou(erbium)“, og uppi yfir orðinu er mynd af
hendi sem bendir inn í fremri dálk þar sem Önundur Svíakonungur er
látinn taka sér í munn orðskviðinn ‘og er gott heilum vagni heim að
aka’, sbr. mynd á bls. 14. (2) Á hægri spássíu sömu blaðsíðu stendur
„Aff V[lf] j Jar[l]“ úti fyrir upphafi kafla sem ber fyrirsögnina ‘Frá
Knúti konungi og Úlfi jarli’. (3) Milli dálka á seinni blaðsíðunni
stendur „nohz“ (að því er virðist; Finnur Jónsson las „uaro“), og mun
það eiga við ummæli um Luci<u>skirkju í Hróarskeldu í línunni
vinstra megin við athugasemdina.
Finnur Jónsson fullyrti í inngangi sínum að ljósprenti Kringlu 1895
að (2) væri með sömu hendi og sumar spássíugreinar í Fríssbók. Jafn-
framt taldi Finnur að þetta væri að öllum líkindum með sömu hendi