Árbók Landsbókasafns Íslands - Nýr flokkur - 01.01.1977, Blaðsíða 29
HALLDÓRS HERMANNSSONAR OG SIGURÐAR NORDALS
29
og greinir hann Sigurði frá afstöðu sinni í bréfi til hans, skrifuðu í
íþöku 30. október 1926:
„Kæri vinur,
Beztu þakkir fyrir kort yðar frá 6 þ. m. Hér er ég nú setztur að
aftur. Þegar á átti að herða, vildu þeir ekki missa mig héðan og
lögðu fast að mér að vera, og mér fannst ég ekki geta vel skorazt
undan því, sérstaklega þar sem mér þótti ólíklegt, að Árnanefndin
vildi fylgja mér í því að breyta stefnu með bókaútgáfur og gefa þær
framvegis út á einhverju stórmáli, helzt ensku. Ég hef líka mína
eigin skoðun á handrita- og skjalamálinu, sem ég gat varla komið
fram með sem danskur embættismaður, en sem ég tel mér nú frjálst
að bera fram. Það er æðiógeðfellt að verða að berjast við samlanda
sína í Khöfn um slíkt mál. Finnur reyndist illa í skjalamálinu til
þess síðasta. Á fundi nefndarinnar stakk hann upp á því, að ef skjölin
yrðu afhent, skyldi þess krafizt, að ljósmyndir væru teknar af þeim
öllum helzt á kostnað ísl. ríkissjóðsins; það var fellt. En svo fékk hann
konsistorium til að samþykkja það, án þess að segja því frá ályktun
nefndarinnar. Erslev reiddist honum víst mikið af því, þótti það