Árbók Landsbókasafns Íslands - Nýr flokkur - 01.01.1977, Blaðsíða 43
halldórs hermannssonar og sigurðar nordals
43
gagnrýnir þar margt, telur hana of dýra og vísa til að spilla fyrir
sölu annarra íslenzkra rita erlendis. Halldór telur sig geta úr flokki
talað um þessi mál, þar eð hugmyndin um slíka handritaútgáfu sé
upphaflega frá honum. „Árið, sem ég var við Árnasafn [1925-26],
stakk ég upp á því við Finn, að í tilefni af Alþingishátíðinni skyldi
Arnanefndin sækja um styrk frá Carlsbergssjóðnum eða dönsku stjórn-
inni og gefa út facsimile útgáfu af Grágás, Flateyjarbók eða einhverju
öðru merku handriti. Finnur tók þessu fjarri, kvað ekkert fé mundu
fást. Ég talaði um þetta við aðra, sem þótti það vel viðeigandi. En
svo fór ég vestur aftur, og varð svo ekkert úr því, en Munksgaard tók
síðar upp hugmyndina, þó hann ekki fengi hana beint frá mér.“
Sigurður heldur áfram umræðu um þessi mál í bréfi til Halldórs
4. maí 1935: „Eftir að ég skrifaði þér í febrúar, átti ég tal við Arup,
sem kom hingað snöggva ferð. Ég sagði honum frá þeim kröfum, sem
ég mundi vilja bera fram, ef ég yrði í þessari fyrirhuguðu nefnd, og
hann svaraði já og amen við því öllu. En í raun og veru trúi ég lítið á
loforð hans. Og enn hefur háskólinn hér ekki fengið nokkura opinbera
tilkynningu um allt þetta ráðabrugg, svo að ég álít óhugsandi, að
nefndin verði svo snemma skipuð, að hún geti haldið fund í sumar.
Mín afstaða í málinu er sú, að ég vil fallast á, að íslendingar taki
þátt í nefndarskipuninni sem tilraun. Síðan eigum við, sem áhuga
höfum fyrir því, að eitthvað sé gert, að koma okkur saman um pró-
gram fyrir starfsemi nefndarinnar í framtíðinni og gera kröfur um
fj árframlög til hennar. Ef Danir daufheyrast við þeim, segjum við
okkur úr nefndinni og ráðumst á Dani fyrir ráðsmennsku þeirra yfir
þessum fjársjóðum, handritum og peningum, sem þeir hafa sölsað
undir sig, og látum svo slag standa. Þetta tel ég Sterkari aðstöðu en
að neita því að taka þátt f nefndinni að óreyndu. Og ég vona fast-
lega, að þú fallist á að taka þátt í nefndinni í svipuðum hug, þar
sem þessi hugmynd er frá þér komin og ég treysti þér allra manna
bezt til þess að gera tillögur um starfsemi nefndarinnar með víðsýni
og hagsýni í senn.
Mér þykir leiðinlegt, að miður hefur fallið á með ykkur Munks-
gaard en áður, en treysti því, að það lagist aftur. Munksgaard hefur
sýnt mér og konu minni svo mikla vinsemd, að mér getur ekki annað
en þótt mjög vænt um hann persónulega, og áhugi hans og dugnaður
er a. m. k. fágætur og ótvíræður. Hann getur stundum verið dálítið
barnalegur í bráðlæti sínu. En allir hafa sína galla. Þú veizt sjálfur,
hve mikils hann metur þig og tillögur þínar, og ég trúi ekki öðru en