Árbók Landsbókasafns Íslands - Nýr flokkur - 01.01.1985, Blaðsíða 27

BÆKUR í VÍÐIDALSTUNGU OG Á ÞINGEYRUM
27
B 46. Úr Raupakolls rímu tilgreinir JÓl. vísupart í orðabók sinni, AM
433 fol. V bls. 122: „handa smaarr og hjarta glaðr og hrædilegana vel-
skapaðr“. Raupararíma er nefnd í Rímnatali Finns Sigmundssonar I
394 og má vera að sé hin sama.
B 48. í rithöfundatali sínu, Additamenta 3 fol. (sbr. Safn Fræðafélags-
ins V 181), síðasta hluta bls. 111 segir JÓl. um sr. Jón Grímsson á
Hjaltabakka (dó 1723): „Hann giörde tvær Rjmur umm nordlendsk
Skalld, þá einu umm klerka, enn adra umm leikmenn, minner mig
þeirra Tal hlype sig nær til 200. Enn ei kann eg glóggt at segia hvert
hann hafe allstadar tilkynt meir enn nófnen töm, eg ætla, ef mig rett
minner, þad være sialldan. Eg sá þad skrif fliotlega i ungdæme mjnu
i Vijdedals T(ungu) og hyrdte þá ei ad taka miked effter slijku.“ í
bréfi til Arna Magnússonar 6ta okt. 1728 (PrivBrevv. 181—2) hefur
Bjarni Halldórsson góð orð um að senda honum Skálda rímu sr. Jóns
Grímssonar, en af því hefur ekki orðið.
B 49. Þessi bók er glötuð, sbr. Kvæðabók séra Gissurar Sveinssonar,
1960, inngang bls. 25, 26.
B 54. „Móýses hét guðs dýrlingr“ eru upphafsorð Veraldar sögu (útg.
Jakobs Benediktssonar bls. 3 og 17). Þau rit sem talin eru í B 54 hafa
verið skrifuð eftir skinnbók, AM 625 4to, sem Arni Magnússon
eignaðist, líklega árið 1706, hjá Jóni Arnasyni, síðar biskupi. A
þessari bók er m. a. Veraldar saga, Andreas saga postula, Blanda,
Skriftaboð Þorláks biskups og Messuskýring og allra tíða. í bókinni
er miði og á hann ritað með hendi A. M.: „Blanda min komin frá
Jone Arnasyne Skolameistara. Lógmadrinn hefr lated hana uppskrifa
af Sr Þorvarde á Þingeyrum, alla, ni fallor“ (KatAM II 40). í B 54
eru nefnd þau rit sem lögmaðurinn (PVíd.) hafði látið séra Þorvarð
skrifa; þó hefur JÓl. gleymt Blöndu, en hún kemur fram á Þing-
eyrum, C 78. „Skriptbl.“ (mislesið, rétt Skriptaboð) Þorláks biskups
eru prentuð Dipl. Isl. I nr. 43, sjá Griplu V 77 o. áfr.
B 72. Amtmaðurinn er Niels Fuhrmann. Þess má geta að PVíd. hefur
sent honum eina lögbókarathugun sína, Skýr. 394.
B 77. Oddur, eflaust Oddur Sigurðsson lögmaður.
B 78. Hér virðist sem margra lögbóka sé getið í einni grein og hafi ein
þeirra verið Grágás með hendi Magnúsar Einarssonar. í skránni C er
nefnd Grágás með hendi Asgeirs (Jónssonar) er sé 729 bls. (C 71) og
önnur Grágás er standi aftan við forordningabók (C 72). Meðal bóka
sem Magnús Stephensen hefur átt og varðveittar eru í safni Árna
Magnússonar eru tvær merktar Páli Vídalín, Steph. 6 og Steph. 18.