Árbók Landsbókasafns Íslands - Nýr flokkur - 01.01.1994, Blaðsíða 9

BÓKAÚTGÁFA PÁLS SVEINSSONAR
9
kom út í heftum, sem alls mynduðu fjögur bindi, rúmar 1800
blaðsíður að lengd. Útgáfan hófst haustið 1857. Hún stóð yfir í sjö
ár, lokahefti fjórða og síðasta bindis sá loks dagsins Ijós 1864.
Um greiðslu til Steingríms fyrir þýðinguna er fátt vitað. Þó er
ljóst, að Páll hefur borgað honum nokkra fjármuni fyrir verkið
fyrstu árin, en miður þegar á leið, enda þá kominn í mikla
fjárþröng. Samkvæmt frásögn Benedikts Gröndals hefur Stein-
grímur og verið ráðinn „upp á hlut“. Gröndal segir um Pál
Sveinsson: „Hann gaf út Þúsund og eina nótt, sem Steingrímur
Thorsteinsson sneri, og var mikið þrekvirki að orka því svo að
segja fyrir ekkert, því Steingrímur fékk ekki annað fyrir en vonina
um helming ágóðans, og má nærri geta, hvað mikið það hefur
orðið, þegar við íslendinga er að eiga.“
Annað útgáfustórvirki sem þeir stóðu að báðir, Steingrímur og
Páll, var Ný sumargjöf, myndskreytt tímarit til skemmtunar og
fróðleiks, alger nýjung á íslenskum bókamarkaði. Þetta var ársrit,
sem hóf göngu sína árið 1859, kom út samfellt í fjögur ár,
1859-1862. Síðan féllu tvö ár úr vegna fjárskorts útgefanda.
Fimmti og síðasti árgangur kom loks út 1865.
Steingrímur mun hafa átt hugmyndina að útgáfu Nýrrar sum-
argjafar. Sú er a.m.k. hyggja Gröndals: „Steingrímur held ég hafí
fengið Pál í upphafi til að gefa út Sumargjöfina."
Ný Sumargjöf var fróðleiks- og skemmtirit í háum gæðaflokki.
Það flutti einkum þýtt efni, sem valið var af smekkvísi og snúið á
ágæta íslensku. Þar birtust smásögur eftir Dickens, Mérimée, Al.
Dumas, Washington Irving, H.C. Andersen, Bj. Björnson o.fl. Þar
komu og skemmtilegar sagnfræðilegar frásagnir, líflegir þættir úr
ríki náttúrunnar, fróðleiksmolar af ýmsu tagi, dæmisögur, stuttar
gamansögur og skrítlur. Frumsaminn skáldskapur er þar ekki
annar en kvæði eftir Steingrím í árganginum 1861, þar á meðal
Systkinin á berjarnó, einkar hugnæmt ljóð, sem öðlaðist vinsældir.
Steingrímur virðist hafa annast ritstjórn fyrsta, þriðja og fímmta
árgangs Nýrrar sumargjafar og lagt þar til meginefnið. Benedikt
Gröndal sá að mestu um annan árgang og fjórða árgang að
töluverðu leyti. í öðrum árgangi er snilldarþýðing hans á Brúðar-
draugnum eftir W. Irving.
í fjórum fyrstu árgöngum Nýrrar sumargjafar birtist töluvert af
myndum, og var það alger nýjung í íslensku tímariti. Ritið var
snyrtilegt að frágangi og vel prentað.
Hannes Pétursson kemst svo að orði: