Árbók Landsbókasafns Íslands - Nýr flokkur - 01.01.1994, Blaðsíða 25
ÞJÓÐARBÓKHLAÐA
25
annarra atriða, er máli skiptu, bárust borgarstjóra seint í maí 1971.
Borgaryfirvöld fjölluðu nokkru síðar um erindi ráðuneytisins, og
varð niðurstaðan sú, að borgarráð samþykkti á fundi sínum 30. júlí
1971 fyrirheit um allt að 20.000 m2 lóð við Birkimel og Hring-
braut, en hafði fyrirvara á um endanleg lóðamörk og afhendingu
lóðar og benti í því sambandi á erfiðleika, sem nú væru á því að
afhenda land innan marka íþróttavallarins.
Þar sem byggingarnefnd gerði aldrei ráð fyrir því, að bókhlöðu-
byggingin skerti til muna not manna af íþróttavellinum þann tíma,
sem honum var ætlaður á Melunum, má segja, að nefndin hafi
þarna fyrst haft fast land undir fótum og getað hafízt handa um að
láta teikna bókhlöðuna.
Upp úr fundum, sem byggingarnefnd átti í lok septembermán-
aðar með ýmsum aðilum, arkitektum og verkfræðingum, samdi
nefndin áætlun, er hún ræddi við Magnús Torfa Ólafsson
menntamálaráðherra 1. október, en síðan var að ósk ráðherra lögð
skriflega fyrir menntamálaráðuneytið í bréfi byggingarnefndar,
dags. 2. október 1971.
I þeirri áætlun var t.a.m. gert ráð fyrir, að íslenzkir arkitektar
teiknuðu bókhlöðuna, en brezkur arkitekt, sérfróður um þá
húsagerð, er hér um ræðir, yrði hins vegar ráðunautur.
Magnús Torfi Ólafsson menntamálaráðherra svaraði bygging-
arnefnd bréflega 7. október 1971 og segir þar, að menntamála-
ráðuneytið samþykki fyrir sitt leyti, að byggingarnefnd viðhafi
þau vinnubrögð við undirbúning byggingarframkvæmda, sem í
bréfi nefndarinnar til ráðuneytisins 2. október 1971 greinir.
I nóvember 1971 gaf byggingarnefnd út forsögn um bókhlöð-
una, er að stóðu ásamt Óla J. Ásmundsssyni arkitekt þeir Finnbogi
Guðmundsson, Grímur M. Helgason og Ólafur Pálmason úr
Landsbókasafni og Einar Sigurðsson úr Háskólabókasafni. Þá var
og arkitektunum Manfreð Vilhjálmssyni og Þorvaldi S. Þorvalds-
syni falið að teikna bókhlöðuna, en sem ráðunautur byggingar-
nefndar var ráðinn fyrrnefndur H. Faulkner-Brown arkitekt. Til
liðs við arkitektana voru ráðnir byggingarverkfræðingarnir Bragi
Þorsteinsson og Eyvindur Valdimarsson, Sigurður Halldórsson
rafmagnsverkfræðingur, Kristján Flygenring vélaverkfræðingur
og Reynir Vilhjálmsson landslagsarkitekt. Þá var Karl Guðmunds-
son verkfræðingur ráðinn til að vinna með hönnuðunum og vera
þar tengiliður og driffjöður.
Miklar vonir voru lengi bundnar við, að unnt yrði að hefja