Árbók Landsbókasafns Íslands - Nýr flokkur - 01.01.1994, Blaðsíða 32
32
FINNBOGI GUÐMUNDSSON
Manfreð fór í nóvemberlok til Japan að taka út skjaldasmíðina,
sem kallað er, en óskað var eftir því, að sérstakt sýnishorn yrði
kannað vandlega, áður en skjaldasmíðinni yrði hleypt af stað. Færi
gafst og á í leiðinni að skoða nokkrar byggingar, sem klæddar hafa
verið slíkum skjöldum, og ræða ýmis mikilsverð tækniatriði.
Við komu hinna japönsku álskjalda til landsins var í maímánuði
1983 hafin vinna við einangrun útveggja 3. og 4. hæðar og
uppsetningu skjaldanna. Stóð það verk að kalla út árið. Jafnframt
því var unnið að þaksmíðinni, og varð henni einnig lokið á árinu.
Ríkisstjórn Gunnars Thoroddsens reyndist bókhlöðumálinu
vel. Þótt framkvæmdahraði yrði minni en ákjósanlegt hefði verið,
hélzt samfelldur skriður á þeim, og var það stórum þakkarvert. En
eins og oft vill verða við stjórnarskipti, styður viðtakandi stjórn
ekki ætíð sum þau mál, er fráfarandi stjórn lét sér annt um.
Þjóðarbókhlöðumálinu var í því efni nokkur hætta búin, enda kom
þaðádaginn. í íjárlagafrumvarpinu í október 1983 fyrirárið 1984
voru einungis ætlaðar tvær milljónir til bókhlöðunnar, er síðar í
meðförum þingsins og fyrir atbeina Ragnhildar Helgadóttur
menntamálaráðherra voru hækkaðar í sjö milljónir.
Hluti þessa fjár gekk til að ljúka greiðslum fyrir verkþætti sl. árs
og til að búa í haginn fyrir það mikla verk, sem nú beið innan húss
og vonandi yrði unnt að snúa sér að af afli sem allra fyrst.
í tillögum byggingarnefndar 1. júní 1984 var lagt til, að bók-
hlöðusmíðinni yrði lokið 1988, en þá yrðu tíu ár liðin frá því, er
framkvæmdir hófust við Birkimel.
Þess er loks að geta, að Árni Gunnarsson skrifstofustjóri
menntamálaráðuneytisins var 20. október 1984 skipaður í bygg-
ingarnefnd Þjóðarbókhlöðu.
Veitt var á árinu 1985 tíu milljóna króna aukafjárveiting til
Þjóðarbókhlöðu, er kom til viðbótar sjö milljónum á fjárlögum
ársins og rúmum þremur milljónum, er geymdar voru frá árinu
1984.
Nýr áfangi var því boðinn út um sumarið, og hófust fram-
kvæmdir í september. Var hér um að ræða ílögn í gólf á fjórum
hæðum, lagnir ýmsar vegna hitakerfis og loftræsibúnaðar, ein-
angrun o.fl.
Samkvæmt lögunum um þjóðarátak til byggingar Þjóðarbók-
hlöðu, sem getið verður síðar og valda áttu straumhvörfum í mál-
efnum bókhlöðunnar, skyldi fást stórfé til framkvæmdanna á
árunum 1987-89. Dálítið forskot á það fé fékkst á árinu 1986, svo