Vísbending - 28.09.1988, Blaðsíða 4
VÍSBENDING
GRÆNLAND:__________________________
Fyrsta erlenda lánið skipar landinu á
bekk meö skuldugustu þjóðum
iieims_____________________________
Grænlenska heimastjórnin hyggst
taka sitt fyrsta erlenda lán á næstunni
að upphæð 74,6 milljón dollara. Á lán-
ið að fara til uppbyggingar atvinnulífs-
ins og þá sérstaklega sjávarútvegsins.
Hefur Chase Investment Bank verið
falið að útvega lánið hjá alþjóðlegum
lánastofnunum. Þar með verða Græn-
lendingar komnir í hóp skuldugustu
þjóða heims ef mælikvarðinn erlendar
skuldir á íbúa er lagður til grundvallar.
Erlendar skuldir á íbúa munu þá verða
1.388 dollarar og til samanburðar má
geta þess að erlendar skuldir á hvern
íbúa í Brasilíu eru 857 dollarar. Hing-
að til hefur heimastjórnin aðeins sleg-
ið lán hjá þeim tveimur bönkum sem
starfandi eru í landinu og svo á dönsk-
um lánamarkaði, en þaðan er reiknað
með viðbótarláni upp á 83,3 milljónir
dollara.
Láninu fylgir engin sérstök ríkisá-
byrgð frá danska ríkinu, en hins vegar
fylgir umsókninni bréf frá danska for-
sætisráðherranum þar sem hann tekur
fram að um tengsl sé að ræða á milli
landanna. Grænlendingar fylgja í
þessu sambandi fordæmi Færeyinga,
sem nýlega slógu lán til sex ára á al-
þjóðlegum fjármagnsmarkaði upp á
110 milljónir dollara. Fyrir það lán,
sem auðveldlega tókst að útvega,
greiða Færeyingar 1/4 úr prósentu um-
fram “money market rate“.
NOREGUR:____________________________
Fyrirhugaö að rýmka reglur um eign-
araðild erlendra aöila______________
Norska iðnaðarráðuneytið hefur
nýlega lagt fram tillögur sínar um að
rýmka reglur um eignaraðild erlendra
aðila í iðnfyrirtækjum. Er tilgangur-
inn sá að afla fyrirtækjunum meira
fjármagns, þar sem fjármögnun hefur
reynst treg á tiltölulega ófullkomnum
hlutafjármarkaði og einnig á lána-
markaði vegna hárra vaxta. Yfirleytt
er reglum í dag þannig háttað, að er-
lend eignaraðild er takmörkuð við
10% í bönkum og tryggingarfélögum,
40% í skipafélögum og 20% í iðnfyrir-
tækjum.
Samkvæmt tillögunum verður er-
lendum aðilum heimilt að eiga allt að
33% hlutafjár með atkvæðisrétti og
ERLEND
FRETOBROT
hver einstakur erlendur aðili má eiga
20% í stað 10% eins og nú háttar. Þá er
mælst til að stjórnarmeðlimir geti ver-
ið bæði norskir og erlendir að því til-
skyldu þó að formaður stjórnar verði
norskur og einnig að meirihluti stjórn-
ar verði skipaður Norðmönnum.
PORTÚGAL:__________________________
Afnema reglur um hámarksvexti
Nýlega tilkynnti portúgalski fjár-
málaráðherrann, Miguel Cadilhe, að
hámarksvextir yrðu ekki lengur í gildi
og að vaxtaákvörðun yrði þar með
frjáls. í gildi hafa verið hámarksvextir
upp á 17% (verðbólga er í kringum
10%) og stjórnvöld hafa þar að auki
getað tekið lán á lægri vöxtum hjá rík-
isbönkum til að fjármagna mikinn rík-
issjóðshalla.
Skuldir ríkisins nema allt að 80% af
landsframleiðslu og halli ríkissjóðs á
þessu ári verður væntanlega 9,5% af
landsframleiðslu. Að sögn ráðherrans
á að minnka hallann á næsta ári niður í
7,5% af landsframleiðslu og í kjölfar
vaxtafrelsisins mun seðlabankanum
gefast tækifæri til að beita sveigjan-
legri aðferðum við peningamálastjórn
sína.
MALTA:________________________
Óvíst um stuöning við ósk um aðild
að EB
Forsætisráðherra Möltu, Edward
Fenech Adami, hitti Margaret
Thatcher nýlega að máli í þeim til-
gangi m.a. að leita eftir stuðningi
hennar við ósk Möltu um aðild að Evr-
ópubandalaginu. Malta hefur gert
samkomulag við EB, en vill nú leita
eftir fullri aðild að bandalaginu og fet-
ar þar m.a. í fótspor Tyrklands.
Svar Thatchers var á þá leið að Bret-
ar myndu styðja nánara samband á
milli bandalagsins og Möltu, en full
aðild væri ótímabær. Pá var undir-
strikuð sú afstaða Breta að Evrópu-
bandalagið þyrfti tíma til að melta
nýorðna stækkun sína sem aðild
Portúgals og Spánar hefur haft í för
með sér. Þetta væru skilaboð sem öll
lönd, sem á annað borð hafa lýst yfir
áhuga á inngöngu í bandalagið, hefðu
fengið frá Bretum. Það eru hins vegar
ýmsir sem skýra afstöðu Breta í þessu
máli með því að þeir hafi áhyggjur af
nánum og vaxandi tengslum Möltu við
Líbíu. Með aðild Möltu að bandalag-
inu væru Líbíumenn þar með komnir
að vissu leiti inn fyrir landamæri EB.
SUDURKÓREA:__________________
Ólympíuleikarnir kunna að reynast
mikil gullnáma
Talið er ólympíuleikarnir í Seoul
muni kosta Suður Kóreumenn um
þrjá og hálfan milljarð dollara. Að
mati heimamanna eiga þeir hins vegar
að reynast hin besta fjárfesting og ætti
að skila þeim tvisvar sinnum þessa
upphæð í auknum útflutningi. Kóreu-
menn gera sér vonir um að innan fimm
ára verði útflutningur kominn upp í
175 milljarða dollara úr 100 milljörð-
um í dag.
Suður Kórea mun vera fyrsta Asíu-
landið fyrir utan Japan sem heldur
Ólympíuleika og þeim finnst vera full
ástæða til bjartsýni í ljósi þess árang-
urs sem Japanir hafa náð í efnahags-
málum, en þeir héldu Ólympíuleikana
árið 1964. Þar að auki eru nú fleiri
þjóðir en nokkru sinni fyrr sem taka
þátt í leikunum.
Það er hins vegar talið að heima-
menn telji mestan ávinning felast í
nánari viðskiptatengslum við komm-
únistaríkin og að Ólympíuleikarnir
ryðji þeim braut. Það eru einkum hinir
stóru markaðir í Kína og Sovétríkjun-
um sem þeir mæna til, bæði sem stórra
kaupenda og svo sem framleiðenda
hrávara.
Ritstj. og ábm.: Finnur Geirsson.
Útg.: Kaupþing hf. Húsi Verslunarinnar,
Kringlunni 7.103 Reykjavik. Sími 68 69 88.
Umbrotog útlitshönnun: Kristján Svansson.
Prentun: Isafoldarprentsmiöja hf.
öll réttindi áskilin. Rit þetta má ekki afrita meö
neinum hætti svo sem með Ijósritun eöa á
annan hátt að hluta eöa í heild sinni án leyfis
útgefanda.