Vísbending


Vísbending - 12.02.1999, Síða 4

Vísbending - 12.02.1999, Síða 4
ISBENDING Framhald af síðu 2 Hlutverk stjórnar J Jmgjörð stjórnunar fyrirtœkja á að C_/ tryggja að stjórn geti mótaö stefnu og haft virkt eftirlit með framkvœmd hettnar og að stjórn beri ábyrgð gagtt- vart fyrirtœki og hluthöfum. A. Stjórnarmenn eiga að taka ákvarðanir á grundvelli nauðsynlegra upplýs- inga, vera í góðri trú, sýna tilhlýði- lega kostgæfni og varfærni og gæta hagsmuna fyrirtækisins. B. Gætaverðurað sambærilegri meðferð allra hluthafa í stjórnarákvörðunum sem geta haft áhrif á ólíka flokka hlut- hafa. C. Stjórn á að tryggja að farið sé eftir lögum og að tekið sé tillit til hagsmuna hluthafa. D. Stjóm á að taka að sér ákveðin lykil- atriði, þ.m.t. að: 1. meta stefnu fyrirtækis, meiriháttar áætlanir, áhættustefnu, árlegar áætlanir og viðskiptaáætlanir, setja frammistöðu markmið, fylgjast með framkvæmd og frammistöðu fyrirtækis og hafa eftirlit með meiri- háttar fjárútlátum, yfirtökum og sölu á deildum eða fyrirtækjum, 2. velja, launa og hafa eftirlit með lykilstjórnendum og ef nauðsyn ber til að leysa þá undan starfs- skyldum ásamt því að skipuleggja endurráðningu, 3. ákveða laun stjórnenda, 4. hafa eftirlit með og grípa inní mögu- lega hagsmunaárekstra stjórn- enda, stjórnarmanna og hluthafa, t.d. vegna misnotkunar eigna fyrir- tækis eða óeðlilegra viðskipta tengdra aðila, 5. tryggja áreiðanleika kerfa sem sjá um reikningsskil og upplýsinga- gjöf um fjárhagsmálefni, þ.m.t. óháða endurskoðun og viðeigandi eftirlitskerfi, sérstaklega kerfi sem fylgjast með áhættu, fjárhagseftir- liti og löghlýðni, 6. fylgjast með gæðum stjórnunar- aðferða sem notaðar eru og stuðla að nauðsynlegum breytingum eftir því sem þörf er á og 7. hafa eftirlit með upplýsingamiðlun og samskiptum. E. Stjóm á að geta metið hlutlægt atriði er varða fyrirtækið, óháð stjómend- um. l.Stjórn ætti að hugleiða notkun viðeigandi fjölda stjórnarmanna sem ekki eru jafnframt stjómendur til að tryggja að óháð mat á málum þar sem hugsanlegt er að upp geti komið hagsmunaárekstrar. 2. Stjómamenn eiga að taka sér nægj- anlegan tíma til að sinna skyldum sínum. F. Stjómarmenn verða að hafa aðgang að nákvæmum, viðeigandi og tíman- legum upplýsingum til að geta upp- fyllt skyldur sínar. Heimild: Draft OECD Principles of Corportae Governance, 08/02/1999 Aðrir sálmar Framhald af síðu 3 Athygli vekur að ef um einstakling eða hjón er að ræða með háar tekjur sem búa í ódýrri íbúð þá þurfa þau að búa lengi í íbúðinni til að það borgi sig að kaupa hana. Astæðan fyrir því er að vaxta- bótakerfið hvetur til skuldsetningar. Þetta er ein af skýringunum á því að skuldir heimilana hafa vaxið. Hversu viðkvæm er niðurstaðan Þegar rannsóknir hafa verið fram- kvæmdar vaknar spurningin hvort niðurstaðan sé viðkvæm fyrir breyting- um á forsendum. Til að athuga þetta er framkvæmd svokölluð næmnigreining. Næmnigreining er gerð með því að breyta einni forsendu en halda öðmm föstum og athuga hvaða áhrif breyting- arnar hafa á niðurstöðuna. Niðurstaðan um að það sé hagkvæmara að kaupa heldur en leigja er viðkvæmust fyrir breytingum í húsaleigu. Ef fólk getur leigt íbúð á lágu verði þá getur verið hagkvæmara að leigja. Aðrar for- sendur skipta minna máli fyrir niður- stöðu. Hægt er ad nálgast reiknilikanið á slóð: http:// www.hi.is/~benedip/kaupleiga. TafJu 4. Nœmnigreining (m.v. 6.5 mkr. íbúð og 180. þkr. mán. laun) Ef eftirfarandi liækkar um 1%: |>á vænkast hagur: um krónur: Húsaleiga Kaupandi 98.278 Tekjur Leigjandi 16.545 Avöxtunarkrafa Leigjandi 39.105 Arleg hækkun húsnæðisverðs Kaupandi 22.888 Fjármagnskostnaður við útborgun Leigjandi 18.602 Rekstrarkostnaður fasteigna Leigjandi 4.903 Vextir húsbréfa Leigjandi 4.361 ^Kaupverð Leigjandi 42.464 Búið er að dreifa möppum fyrir Vísbendingu. Ef mappa liefur ekki borist er viðkomandi beðinn um að hafa samband við Visbendingu í síma 5617575 og verður hún þá send um hæl. Ég vil eiga allan heiminn r Aviðskiptaþingi kvartaði forsvars- maður OZ undan því að bankar hefðu tekið fyrirtækinu illa þegar fors- varsmenn mættu á skrifstofur þeirra með ekkert nema viðskiptaáætlun að vopni. Ekkert hefði kornist að hjá bankastjór- unum nema steypa, þ.e. steypa í hefð- bundinni merkingu orðsins. Menn þyrftu að setja hús að veði fyrir láni. En ný er öldin önnur. Enginn er óhultur fyrir kostaboðum banka, verðbréfafyrir- tækja, fjármögnunarleiga, fjárfestinga- banka, tryggingafélaga og annarra sem þurfa nauðsynlega að koma peningum í lóg. Menn þurfa ekki lengur að hafa fyrir því að fylla út innskattsskýrslur á Hrauninu til þess að ná sér í pening. Nýlega hefur skotið upp kollinum ný fjármögnunarleið. Menn þurfa einungis að hringja í verðbréfafyrirtæki ef þeir hafa hug á því að eignast fyrirtæki. Ef hugmyndin er nógu stór er hún um- svifalaust samþykkt. Fjárfestar þurfa ekki að leggja fram eigið fé heldur fá þeir lán fyrir ákveðnum hlut en fjárfestinga- fyrirtækin tjármagna það sem á vantar fyrir eigin reikning. A leifturhraða geta menn eignast heilar fyrirtækjakeðjur og geta vitnað í gömlu tannkremsauglýs- inguna þegar þeir fara út: „Og svo þurfti ég ekkert að borga.“ Þessi aðferð hefur gert ákveðna ein- staklinga forríka víða um heim, ekki síst í Bandaríkjunum. Hlutimir sem keyptir eru hækka stórlega í verði meðan lánin fara sér hægar. En hugmyndin þekkist víðar. I Danmörku keypti trygginga- félagið Hafnia stóran hlut í kollegum sínum í Baltica með náin kynni í huga. Ekkert varð úr því, hlutabréf beggja féllu í verði og nú er hvorugt þessara stór- velda til. Vandinn er sá að stundum fer allt á versta veg. Bréfin sem virtust pott- þétt fjárfesting með mikla hagræðingar- möguleika og skjótfengin gróða reynast lakari en vonir stóðu til. Það er mjög gaman að standa í stórræðum og er sér- staklega auðvelt með peninga sem mað- ur á ekki sjálfur. Einmitt þess vegna er það mikilvægt að eigið fé sé lagt fram, peningar sem menn hafa efni á að tapa. ^Ritstjórn: Tómas Örn Kristinsson ritstjóri og ábyrgðarmaður., Benedikt Jóhannesson. Útgefandi: Talnakönnun hf., Borgartúni 23, 105 Reykjavik. Simi: 561-7575. Myndsendir: 561-8646. Netfang:visbending@talnakonnun.is. Málfarsráðgjöf: Málvisindastofnun Háskólans. Prentun: Gutenberg. Upplag: 700 eintök. Öll réttindi áskilin. © Ritið má ekki afrita án leyfis ^útgefanda.______________________________y 4

x

Vísbending

Beinleiðis leinki

Hvis du vil linke til denne avis/magasin, skal du bruge disse links:

Link til denne avis/magasin: Vísbending
https://timarit.is/publication/281

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.