Vísbending - 16.07.1999, Qupperneq 4
aðalstign í öðrum löndum. Mér finnst
hún þó sýnu skaðlegri hjá okkur, þar
sem tigninni fylgja auðæfi með
sægreifanafnbótinni.
Um þetta atriði verður aidrei sátt við
mig, þó að dr. Hannes vilji neyðaþjóðina
til þess að kyngja kvótakerfinu, sem
einu réttu lausninni.
Þjóðin ræður
Ekki fannst mér tilvitnun dr. Hannesar
í einhverja Pareto-kenningu bæta
málstað hans, gat í rauninni ekki séð að
hún kæmi kvótamálinu hið minnsta við.
Grannt skoðað finnst mér einhver
Pareto-kenning um það, að hagsmunir
allra séu séu jafngildir hagsmunum
sumra, ofar mínum skilningi. Auðvitað
tapar einhver, ef hann missir af gróða.
Því miður finnst mér dr. Hannes grípa
einum of oft til þess að vitna í erlend
fræðimannanöfn til þess að reyna að
gefa sínu máli einhverja sankti Péturs
vigt. Þetta finnst mér persónulega of oft
lenda í ætt við semantíska rökfærslu,
skólaspeki og kjölfræði. En þetta er
auðvitað smekksatriði og spurning um
stílbrögð.
Ég mótmæli hins vegar þeirri
niðurstöðu dr. Hannesar, að veiðigjald
myndi valda miklu meiri óánægju en
óbreytt kerfi. Þetta er órökstudd
fullyrðing dr. Hannesar, sem hann hefur
engan veginn fært rök fyrir. Ég held því
fram, að það sé þjóðin, sem á þetta land
og fiskimiðin umhverfis það. Það er
þjóðin sem er ríkið. Það er ríkisins að
ráðstafa aðgangi að auðlindum þjóðar-
innar í hennar nafni. Það er þjóðin, sem
á að ráða fiskveiðikerfinu, ekki dr.
Hannes einn.
Sitji allir við sama borð, mun
markaðurinn finna rétt verð á fiskkílóið.
Þeir sem verða undir geta ekki farið á sjó
og verða að selja báta sína og veiðarfæri
úr landi og segja upp áhöfnum sínum.
Það er niðurstaðan sem dr. Hannes
kemst að í grein sinni um það, hvernig
kvótakerfið virki í rauninni. Það á bara
að vera meira hægdrepandi í kvóta-
kerfinu, skilst mér af orðum dr. Hannesar,
og það valdi þá ekki eins skyndilegum
erfiðleikum á vinnumarkaðnum eins og
uppboðsleiðin.
Sátt um kvótakerfið
Frumorsök vandræðanna við
fiskveiðistjórnuninafyrirmérerþað,
að það ríkir ekki lýðræði á Islandi vegna
kjördæmakerfisins. Fulltrúar minni-
hlutans sitja að völdum á Alþingi og
verja sérréttindi sín með með kjafti og
klóm í skjóli misvægis atkvæðanna. I
þessu atriði felst sú sátt um kvótakerfið,
sem dr. Hannes vill að ég j áti. Það verður
hins vegar ekki.
Frjáls markaður vinnur aðeins að
mínu viti á einn hátt. Það er sá slyngari,
sem vinnur mest. Þú getur hins vegar
ekki fundið þann slyngasta á hverjum
tíma, ef þú ert búinn að banna aðgang
að markaðnum, útnefna erfðaprinsa og
ákveða, hver skuli njóta forréttinda-
úthlutunar, án þess að kanna það nánar.
Nákvæmlega eins og nefndin hafði það
í gamla daga uppi á Skólavörðustíg. Sá,
sem hefur verið í útgerð síðan 1984, á
ekkert meira tilkall til veiðiréttar árið 2000
en Valdemar eða hver annar. Það er
blekkingin mikla um söguleg atvinnu-
réttindi sérstæðra hópa, sem notuð er
sem röksemdafærsla fyrir kvótakerfinu.
Allt á að verða gott, ef þessir aðilar selja
svo sjóðunum hlutabréf í útgerð sinni.
Kvótakerfið þýðir hins vegar eilífa
afgjaldsgreiðslu þjóðarinnar til
kvótaeigendanna, eins og Jón
Sigurðsson hefur sýnt fram á með
gildum rökum.
Allir Islendingareiga að fæðast jafnir
samkvæmt stjórnarskránni og eiga að
vera jafnir að lögum samkvæmt sömu
skrá. Óánægj an með kvótakerfið er bæði
víð og djúp, vegna þess að það
samrýmist ekki þessum ákvæðum
stjórnarskrárinnar. Enda sættir þjóðin
sig ekki við framhald þess, svo sem
skoðanakannanir sýna. Sátt um
aðalskerfi og forréttindi sumra verður
aldrei meðan ísland er byggt
afkomendum Sturlunga, Asbirninga og
Haukdæla.
Mín tillaga
Ef menn vilja sjá mína tillögu til
lausnar fiskveiðideilunni, er hún
þessi:
Alþingi ákvarðar einhvern kvóta.
Ef til vill svipaðan og hann er um þessar
mundir. Núverandi handhöfum verður
leyft að hafa þennan kvóta í einhvern
árafjölda með einhverri sólarlagsaðferð
í sáttaskyni. Allri aukningu aflaheimilda
í framtíðinni ráðstafar Alþingi.
Við gætum kosið urn málið í stað
þess að drepa því sífellt á dreif.
( Vísbendingin '
r n
Auglýsingastofur eru í auknum mæli
að verða alþjóðlegri. Aukist hefur
að alþjóðleg fyrirtæki vilja versla við
eina alþjóðlega auglýsingastofu frekar
en margar litlar, ólíkar stofur í ólíkum
löndum. Enda er það skilvirkara og oft
markvissara. Auglýsingastofur geta
nýtt sér vöxt viðskiptavina sinna til þess
að vaxa alþjóðlega, fylgt þeim þangað
sem þeir fara. Þannig geta þær skotið
rótum á erlendri grundu og smám saman,
með aukinni reynslu og þekkingu, geta
þær svo aukið umfang sitt.
\-------------------------------^
ISBENDING
Aðrir sálmar
____________________________________/
/ ‘ \
Tvennirtímar?
Leníngrad 1985: 7. dagur. Gestur: Gott
kvöld, ég vildi gjarnan fá miða á
skemmtikvöldið á hótelinu í kvöld.
F ulltrúi KGB: Nei, því miður er það ekki
hægt, því að skemmtunin er byrjuð. En
prófaðu annað kvöld. 2. dagur. G: Gott
kvöld, ég vildi gjarnan fá miða á
skemmtikvöldið sem byrjar núna á eftir.
KGB: Nei, því miður er það ekki hægt,
því að þú ert hótelgestur. Hótelgestir
verða að panta fyrirfram.G: Hvenær geri
ég það? KGB: Mættu hingað klukkan 2
á morgun, þá getur þú tekið frá miða. 3.
dagur. G: Góðan dag, ég vildi gjaman
fá miða á skemmtikvöldið á hótelinu í
kvöld. KGB: Nei, það er því miður ekki
hægt. Það er aldrei skemmtun á
mánudagskvöldum. G: En hvað með
skemmtunina annað kvöld? KGB:
Hótelgestir geta bara pantað sama dag
og skemmtunin er.
Revkiavíkl999: 7. dagur. Notandisíma:
Góðan dag, ég vildi gjarnan fá ISDN-
tengingu heim til mín. Landssími Islands
hf: Þú þarft að senda umsókn í Armúlann.
N: Og komið þið þegar ég er búinn að
senda umsóknina? LI: Nei, þú verður
að mæta á skrifstofuna sjálfur til þess að
borga. N: Getið þið ekki bara sent
reikning? LI: Nei, reglurnar eru þannig,
greiða verðurfyrirí'ram. N: Núerégbúinn
að vera í viðskiptum við ykkur síðan
1945. Getið þið ekki bara flett því upp að
ég er skilvís? LI: Ég sem ekki reglurnar,
þær eru bara svona. 2. dagur. N: Góðan
dag, ég er hérna með umsókn fyrir ISDN-
tengingu heim til mín og ávísun. V2 tíma
síðar. LÍ: Það kemur maður eftir viku og
tengirþetta. 9. dagur. LI: Ef þú tekurinn
ISDN-tengingu kostar það 30 þúsund í
nýjum tækjum o.s frv. Það er miklubetra
að fá sérstaka ISDN-línu fyrir tölvuna.
N: Þakka þér fy rir. Vi 1 tu þá ekki bara gera
það? LI: Nei þú þarft að leggja inn nýja
umsókn í Armúlann. N: Ég bara skrepp
á meðan þú borar fyrir leiðslunum, ég
verð enga stund. LI: Nei, það þarf að
leggja beiðnina fyrir verkstjórann minn,
en hringdu bara aftur í mig á föstu-
daginn. 14. dagur. N: Blessaður. Ertu
búinn að fá beiðnina frá verkstjóranum?
LI: Ég bara veit það ekki, ég er kominn
í sumarfrí. 30. dagur. Enn engin lína.
Einkavæðingar þörf?
V___________________________________J
ríRitstjórn: Eyþór ívar Jónsson ritstjóri og\
ábyrgðarmaður, Benedikt Jóhannesson.
Útgefandi- Talnakönnun hf., Borgartúni 23,
105 Reykjavík.
Sími: 561-7575. Myndsendir: 561-8646.
Netfang:visbending@talnakonnun.is.
Málfarsráðgjöf: Málvísindastofnun Há-
skólans.
Prentun: Gutenberg. Upplag: 700 eintök.
Öll réttindi áskilin. © Ritið má ekki afrita án
leyfis útgefandæ__________________
4