Vísbending - 17.12.1999, Blaðsíða 30

Erlendir hlutabréfasjóðir
/ *
Agúst Freyr Ingason, sérfræðingur hjá Búnaðarbanka Islands
Fjárfesting í erlendum hlutabréfa-
sjóðum hefur vaxið veruiega sl. ár á
Islandi en ekki er langt síðan Islend-
ingar fóru að huga að fjárfestingum
erlendis. I kjölfarið hafa flest
verðbréfafyrirtæki boðið viðskipta-
vinum sínum upp á þann möguleika
að fjárfesta í erlendum hlutabréfa-
sjóðum með ýmsum hætti. Búnaðar-
banki íslands er engin undantekning
og stofnaði tvo alþjóðlega hluta-
bréfasjóði fyrir um ári síðan, Alþjóða
hlutabréfasjóðinn og Framsækna
alþjóða hlutabréfasjóðinn, og eru þeir
skráðir í Lúxeniborg. Sjóðirnir verða
notaðir sem útgangspunktur greinar-
höfundar í samanburði á mismun-
andi fjárfestingarstefnu og eigna-
samsetningu.
Fyrir þá sem eru að velta fyrir sér
fjárfestingum í erlendum hluta-
bréfasjóðum er mikilvægt að
skoða hver fjárfestingarstefna hluta-
bréfasjóðsins er og hvort eignasam-
setning hans er í samræmi við þá stefnu.
Til eru margs konar hlutabréfasjóðir
en þeir algengustu eru almennir
hlutabréfasjóðir og sérhæfðir
hlutabréfasjóðir (oftast þá í einni
atvinnugrein).
Mikilvægast er að skoða hver
fjárfestingarstefna erlendu hluta-
bréfasjóðanna er og hvort eignasam-
setning sjóðsins sé í samræmi við þá
stefnu. Erlendir hlutabréfasjóðir gefa
sig stundum út fyrir að vera almennir
hlutabréfasjóðir en fjárfestingar
þeirra eru síðan eins og um
sérhæfðan hlutabréfasjóð væri að
ræða og áhættan sem því fylgir er
yfirleitt meiri.
Sjóðir Búnaðarbankans
Búnaðarbankinn er með tvo erlenda
hlutabréfasjóði eins og áður var
nefnt. Verulegur munur er á þessum
tveimur sjóðum þar sem Alþjóða
hlutabréfasjóðurinn einbeitir sér að því
að fjárfesta í almennum, alþjóðlegum og
svæðisbundnum hlutabréfasjóðum og
hefur þá stefnu að dreifa fjárfestingum
á alþjóðlegum vettvangi, t.d. í samræmi
við heimsdreifingu MSCI (Morgan
Stanley Capital Intemational) með u.þ.b.
50% í Bandaríkjunum, 30% í Evrópu
og 20% í Asíu. Atvinnugreinaskipting
sjóðsins er síðan nokkuð vel dreifð í
samræmi við atvinnugreinaskiptingu
heimsvísitölunnar.
Framsækni alþjóða hlutabréfasjóð-
urinn sérhæfir sig hins vegar í því að
fjárfesta í vaxandi atvinnugreinum og
fjármálamörkuðum, þá aðallega á ný-
mörkuðum, og öðrum sérstökum
fjárfestingartækifærum með mikla
vaxtarmöguleika. Þær atvinnugreinar
sem Framsækni alþjóða hlutabréfa-
sjóðurinn hefur fjárfest í eru í tækni-,
fjarskipta-, lyfja- og líftæknigeiranum.
Sjóðurinn hefur einnig fjárfest í vaxandi
mörkuðum í Asíu.
Eignadreifing
Fjárfestirinn getur því með mjög
skýrum hætti valið hvers konar
tegund af erlendum hlutabréfasjóði hann
velur. Skoðum næst hvernig fjárfest-
ingarstefna og eignasamsetning annarra
erlendra hlutabréfasjóða sem seldir eru
á íslandi eru í samanburði við sjóði
Búnaðarbankans.
Fyrstan skal nefna erlendan
hlutabréfasjóð Kaupþings í Lúxemborg,
Kaupthing Global Equity Class.
Landfræðileg skipting sjóðsins er í
nokkru samræmi við heimsvísitölu
Eignasamsetning Framsækna
alþjóða hlutabréfasjóðsins
□ Fjarskipti
o.fl.
39%
MSCI og fjárfestir sjóðurinn í u.þ.b. 70
þekktum, erlendum fyrirtækjum, skv.
síðustu ársskýrslu sjóðsins. Þar af eru
rúmlega 70% fjárfestinga sjóðsins í
tækni-, fjarskipta- og lyfjageiranum sem
bendir til þess að hlutabréfasjóðurinn
byggi aðallega á þessum þremur
atvinnugreinum.
Það má því segja að Kaupthing
Global Equity Class sé ekki almennur
hlutabréfasjóður heldur hlutabréfasjóður
sem sérhæfir sig í vaxandi atvinnugrein-
um svipað og Framsækni alþjóða hluta-
bréfasjóðurinn sem er með um 80%
eigna í þessum sömu atvinnugreinum.
Þessir sjóðir eru því nokkuð líkir.
Munurinn er hins vegar sá að í fjár-
festingarstefnu Framsækna alþjóða
hlutabréfasjóðarins er tekið fram að
hann einbeiti sér sérstaklega að vaxandi
atvinnugreinum á meðan Kaupþings-
sjóðurinn er með fjárfestingarstefnu sem
samræmist almennum hlutabréfasjóði
en eignasamsetningu sem er í samræmi
við sérhæfðan erlendan hlutabréfasjóð.
Nýr sjóður Kaupþings sem nefnist
alþjóðlegi tæknisjóðurinn verður hins
vegar ekki sambærilegur við Fram-
sækna alþjóða hlutabréfasjóðinn þar
sem hann mun sérhæfa sig í að fjárfesta
í einni atvinnugrein, þ.e. tækni-
geiranum.
Áhættudreifing
Annað dæmi eru erlendir sjóðir
Landsbréfa á Guernsey. Það eru
nokkur atriði sem valda þvf að þessir
sjóðir eru frábrugðnir erlendum sjóðum
Kaupþings og Búnaðarbankans. I fyrsta
lagi eru þeir blandaðir, þ.e. fjárfest er í
þeim í hlutabréfum, skuldabréfum og
lausu fé og eru þeir því skilgreindir sem
blandaðir verðbréfasjóðir. I öðru lagi er
það bundið í fjárfestingarstefnunni
að verðbréfasjóðirnir verði að
fjárfesta upp að lágmarkshlutfalli í
íslenskum verðbréfum. I Fortuna I er
það 60%, í Fortuna II er það 20% og
í Fortuna III er ekkert lágmark og er
það því eini sjóður Landsbréfa sem
með sanni má segja að sé alþjóðlegur
verðbréfasjóður. Hann má hins vegar
fjárfesta í skuldabréfum og er því
ekki hlutabréfasjóður. Sjóðirnir hafa
mun víðtækari fjárfestingarheimildir
en aðrir sjóðir og mega þeir hafa 60%
af eigum sínum í einum sjóði á
meðan alþjóðasjóðir Búnaðarbank-
ans mega að hámarki hafa 20% í
einum tilteknum sjóði. Þeir mega
einnig fjárfesta að hámarki 20% í
einstökum skráðum verðbréfum á
meðan aðrir sjóðir, s.s. sjóðir Kaupþings
og Búnaðarbankans mega ekki fjárfesta
fyrir meira en 10% í einstökum skráðum
verðbréfum. Áhættudreifing Fortuna-
sjóðanna er því ekki eins mikil og í
öðrum sjóðum.
Hin almenna regla er sú að gott er
að dreifa áhættunni milli nokkurra
atvinnugreina og/eða landsvæða/landa
sem vænleg eru til mikils vaxtar og
góðrar ávöxtunar í stað þess að einbeita
sér að einni atvinnugrein eða landsvæði.
Þetta dregur úr áhrifum mikillar lækk-
unar sem gæti verið í einni atvinnugrein,
á einu landsvæði eða í einstöku landi.
30