Frjáls verslun - 01.04.1942, Blaðsíða 10
SIGURÐUR KRISTJÁNSSON, ALRM.:
Stic
jornars
kipti
Alþingi fullnægir bjóðardómi.
Sá atburður gerðist hér á landi 15. maí s.l.,
að ráðherrar Framsóknarflokksins veltust af
valdastólum. Hafði Framsóknarflokkurinn þá
í’áðið stjórn landsins í 15 ár samfleytt.
Stjómarskipti eru, út af fyrir sig, ekki svo
sjaldgæfur atburður í lýðfrjálsu landi, að ástæða
sé til að veita því sérstaka athygli. En í lýð-
frjálsu landi er hitt fátítt, að sami flokkur haldi
völdum svona lengi. Þessi atburður knýr menn
því til umhugsunar um það, af hverjum orsök-
um þessi langi valdaferill stafar, og hvað valdið
hefir því, að hann slitnaði einmitt nú.
Nú skal litið fyrst á hið fyrra atriðið.
Ef ganga mætti út frá því, að stjórnskipun
landsins væri óbrjálað lýðræði, þyrfti ekki um
að villast. Ástæðan fyrir hinum langa valdaferli
væri þá blátt áfram lýðhylli, þ. e. þessi flokkur,
Framsóknarflokkurinn, hefði þá verið svona ást-
sæll hjá þjóðinni, að meiri hluti hennar hefði
allan þennan tíma, 15 ár, trúað honum öllum öðr-
um betur fyrir velferð sinni.
Fljótgert er, að leita óvéfengjanlegra vitnis-
burða um það, hvort þessu sé þann veg háttað,
því á þessu 15 ára tímabili hafa 5 sinnum farið
fram almennar alþingiskosningar, eða árin 1927,
1931, 1933, 1934 og 1937. — Fimm sinnum á 15
árum hefir verið borið undir kjósendur landsins,
hverjum þeir treystu bezt til að stjórna landinu.
Svörin voru þessi:
Árið 1927 fékk Framsóknarfl. 29.8% atkv.
1931 36.9 %
1933 23.9 %
1934 21.9%
1937 24.9 %
Við allar þessar almennu alþingiskosningar
fékk annar flokkur, Sjálfstæðisflokkurinn, at-
kvæði sem hér segir:
Árið 1927
— 1931
— 1933
— 1934
— 1937
42.5% atkv.
43.8% —
48.0% —
42.3 % —
41.3% —
Svona hefir dómur þjóðarinnar fallið. Fimm
sinnum er hún spurð hins sama, fimm sinnum
svarar hún eins, eða því sem næst. Einn fjórði
hluti hennar segist treysta Framsókn, þrír
f jórðu hlutar hennar segjast ekki treysta henni.
Og hvert sinni, sem þjóðin var spurð, fékk sami
flokkur, Sjálfstæðisflokkurinn, nál. tvöfallt fylgi
við Framsókn.
Þetta er dómur þjóðarinnar, fimm sinnum
endurtekinn á 15 árum. En Alþingi hefir ekki
fyrr en nú fullnægt dóminum.
Framsóknarflokkurinn
er eklti landsmálaflokkur.
Það er staðreynd að þingflokkur Framsókn-
ar er samtíningur manna með gjörólíkar lífs-
skoðanir, allt frá ítrustu hægrimönnum til rót-
tækustu vinstrimanna. Um sameiginlega þjóð-
málastefnu er því ekki að ræða hjá þessari hjörð.
F'ramsóknarflokkurinn er verzlunarfyrirtæki,
þar sem menn eru ráðnir upp á hlutdeild í arði.
Arðsvonin hefir haldið flokknum saman, og svo
verzlunarhyggnir og duglegir forstjórar, sem
verzlað hafa við aðra flokka til vinstri eða hægri,
eftir því sem hinn pólitízki markaður var á
hverri stundu.
Þetta eru ástæðurnar fyrir því, að tiltölulega
lítill minni hluti þjóðarinnar hefir stjórnað
landinu í 15 ár, sett þjóðinni lög og farið sínu
fram, samkvæmt og gagnstætt lögum, allt eftir
því sem þörfum fyrirtækisins hentaði hvert
sinni.
10
FRJÁLS VERZLUN