Frjáls verslun - 01.02.1951, Blaðsíða 32
ERLENDUR O. PÉTURSSON:
TIU ÁRA MINNINGAR
Mér er sönn ánægja að verða við þeim tilmælum,
að skrifa nokkur orð um það 10 ára tímabil í sögu
V.R., er mér hlotnaðist sá heiður að þjóna sem for-
maður.
Má með sanni segja, að um það bil er ég gekk í
V.R. hæfist nýtt tímabil í sögu þess, því um sama
leyti gengu í félagið um 70 nýir félagar.
Á þessu tímabili og nokkuð lengur voru haldnir
reglulegir fundir vikulega 7 mánuði ársins. Var þeim
skipt þannig, að tveir voru spilafundir, einn umræðu-
fundur eða fyrirlestur um ýms vandamál verzlunar-
stéttarinnar og svo einn skemmtifundur.
í stjórn félagíins voru mjög samtaka menn, enda
var oft erfitt að halda uppi af fullum krafti svo fjör-
ugu félagslífi. Allt þetta tímabil var haft fast forrn
á byrjun fundanna. Fundur settur, sungið: „Ung er
stétt vor“, lesinn kafli úr hinni ágætu bók Swett Mar-
dens ,,Áfram“. í þeirri bók eru mörg ágæt heilræði
til ungra manna og yfirleitt manna á öllum aldri.
Síðan hófust svo hin ýmsu fundaratriði. Á hverjum
fundi var bókaútlán. Á þessum árum hafði félagið
fasta fundarstaði á Vatnsstíg 4, Hótel Skjaldbreið,
Hótel Heklu, en lengst af í Kaupþingssalnum í Eim-
skipafélagshúsinu. Húsnæðið í Kaupþingssalnum var
hentugast.
Helzlu baráttumál félagsins á þessu límabili voru:
Mótmæli gegn ríkiseinkasölum á ýmsum vörutegund-
um, lokun tóbaks- og sælgætisbúða og verzlana al-
mennt, barátta fyrir því að verzlunarstéttin fengi við-
urkenningu Alþingis sem stétt, þannig að verzlunar-
menn og kau|)menn gætu þeir einir orðið, sem full-
nægðu vissum skilyrðum, hefðu t. d. verzlunarskóla-
próf eða aðra jafngilda menntun. Barátta fyrir hús-
byggingu félagsins. Þá var öll þessi ár haldinn há-
tíðlegur 2. ágúst.
Jólatrésskemmtun var árlega haldin fyrir fátæk börn
og sannarlega var það oft ánægjulegasta starfið að
gleðja þessi börn.
Stjórn félagsins tók þann sið upp að halda 2
stjórnarfundi í mánuði og voru þeir haldnir á heim-
ilum stjórnenda til skiptis. Eftir að félagsmál höfðu
verið rædd, var rabbað um daginn og veginn fram
eftir kvöldi og góðgerðir fram bornar. Voru fundir
þessi hinir skemmtilegustu og urðu til j>ess að efla
vináttu og samhug stjórnarinnar.
Margir færustu menn verzlunarstéttarinnar og aðr-
ir menntamenn héldu oft fróðlega fyrirlestra á fund-
um félagsins eða hófu máls á mikilvægum málum,
sem svo urðu fjörugar umræður um. Margar mikils-
varðandi samþykktir voru gerðar í sambandi við slík
mál.
Milli jóla og nýárs var alllaf haldinn sérstakur
jólafundur. Var vel til hans vatidað og salarkynni fag-
urlega skreytt. Jólasálmar voru sungnir og ]>restur
fenginn til að flytja jólahugleiðingu. Voru fundir
jtessir hinir virðulegustu og enduðu venjulega með
sameiginlegri kaffidrykkju. Fundir þessir voru ávallt
mjög vel sóttir.
Við, sem gengum í félagið á þessu tímabili, vorum
ávallt sannfærðir um að V.R. mundi í framtíðinni
geta sinnt kaupgjaldsmálum verzlunarmanna alveg
eins og öðrum sameiginlegum velferðarmálum stétt-
ainnar.
Með j)ví að starfa með húsbændum að Jteirra sér-
stöku áhugamálum, eem oft eru um leið mál verzl-
unarmanna sjálfra á breiðari grundvelli, mundi sam-
úð húsbændanna aukast og greiða j)ar með fyrir því,
að kaupgjaldsmálin yrðu leyst á vingjarnlegan hátt
innan félagsins. Þróun }>essa máls hefur líka orðið sú,
að kaupgjaldsmálin eru nú til lykta leidd innan vé-
banda félagsins.
Framhald á bls. 39.
32
FRJÁLS verzlun