Frjáls verslun - 01.04.1951, Blaðsíða 19

Félagsmál
V.R. minntist 60 ára afmælis síns 27. jan. s.l. á veg-
legan hált. Að morgni afmælisdagsins var settur upp
minningarskjöldur á húsið Lækjargata 4, en í því húsi
var Verzlunarmannafélag Reykjavíkur stofnað. Flutti
varaform. félagsins, Sveinbjörn Árnason, stutta ræðu
við það tækifæri.
Hófið að Hótel Borg hófst kl. rúmlega sex síðdeg-
is, én áður en það byrjaði, kom stjórn félagsins og
nokkrir gestir saman að Félagsheimilinu í Vonarstræti
til þess að útnefna nýja heiðursfélaga. Að þessu sinni
voru tilnefndir þrír nýir heiðursmeðlimir, þeir Hall-
grímur Benediktsson, stórkaupm., Sigurður Þorsteins-
son, verzlunarm. og Sigurgísli Guðnason, skrifstm.
Sveinbjörn Árnason afhenti þeim heiðursfélagaskír-
teinin. Allir hafa þessir menn unnið vel og lengi fyrir
V.R. og verzlunarstéttina.
í hófinu að Hótel Borg flutti Hallgrímur Benedikts-
son aðalræðu dagsins fyrir minni félagsins og verzl-
unarstéttarinnar. Aðrir ræðumenn voru Gunnar Thor-
oddsen, borgarstj., Eggert Kristjánsson, form. Verzl-
unarráðsins, Erlendur Ó. Pétursson, forstj., er flutti
ávarp frá eina eftirlifandi stofnanda V.R., Pétri Jóns-
syni, en hann sat einnig hófið og var hyltur mjög af
veizlugestum, og Sveinbjörn Árnason, varaform. V.R.
Skemmtiatriði meðan á borðhaldi stóð voru Glunt-
arnir, sungnir af Ágústi Bjarnasyni og Jakobi Haf-
stein, og nýjar gamanvísur eftir einn félaga V.R.,
sungnar af Soffíu Karlsdóttur.
Veizlustjóri var Vilhjálmur Þ. Gíslason, skólastjóri.
Frá 7 núlifandi formönnum V.R. barst félaginu
veglegur fundarhamar að gjöf. Einnig afhenti Sigur-
jón Pétursson, verksm.eigandi, félaginu bók að gjöf,
bundna í forláta selskinnsband. Mikill fjöldi skeyta
barst félaginu, svo og blómakörfur. Hátíðahöldin fóru
hið bezta fram og voru félaginu í hvívetna til sóma.
Ljóður var þó á þessum afmælisdegi félagsins, hversu
fá verzlunarfyrirtæki og stofnanir dróu fána að hún
til þess að minnast dagsins og stéttarinnar. Er það
augljóst merki þess, hversu verzlunarstéttin er skiln-
ingslítil á gildi samtaka og samstarfsvilja.
★
Aðalfundur styrktar- og sjúkrasjóðs verzlunar-
manna var haldinn 22. janúar s.l. í Tjarnarcafé. í
stjórn til eins árs voru kosnir: Helgi Bergs formaður,
Ingimar Brynjólfsson gjaldkeri, Guðmundur Þórðar-
son ritari og meðstjórnendur þeir Sigurjón Jónsson
og Erlendur Ó. Pétursson. Tekjur umfram gjöld á
árinu námu kr. 14.754,00. Sjóðurinn er nú að upp-
hæð kr. 391.276,12. ★
Launakjarasamningur félagpins með síðustu breyt-
ingum hefur nú verið prentaður að nýju, og geta fé-
lagsmenn fengið hann á skrifstofu félagsins.
★
Félagsheimili V.R. var opnað að nýju miðvikudag-
inn 21. febr. s. I., eftir að gagngerðar endnrbætur
höfðu farið fram á húsnæðinu. Verða salarkynnin
og einstök herbergi leigð út fyrir fundi, skemmtanir
og veizlur í framtíðinni.
Frá 60 ára at'raælishófi V.K.
FRJÁLS verzlun
59