Frjáls verslun - 01.06.1951, Blaðsíða 6
ÖlvAFSVlKtTRKAUPTCN 183«.
Teikning gerð af Auguste Meyer.
og svo hafi sér líka viljað það til bjargar, að norskur
skipstjóri hafi skorist í leikinn.1 —• Þegar Plum nú
ekki tókst að koma neinu lauti við Ahlmann, náði
hann í tvo norska lausakaupmenn, sem lágu á Grund-
arfirði og seldi þeim allar ársafurðir sínar. Annar
þeirra var Lösevitz frá Þrándheimi, og keypti hann
harðfiskinn, lýsið og prjónlesið, en ullina og saltfisk-
inn seldi hann skipstjóra frá Björgvin, er fór með
það beint suður í Miðjarðarhafslönd og seldi þar.-
Það var oftar, að Plum varð í vandræðum með flutn-
ing á vörum sínum. Eitt sumarið hafði hann ekkert
skip og reyndi þá að fá alla, sem hann náði til og skip
áttu, til þess að flytja fyrir sig, en alll var það að ár-
angurslausu. Hann tók að lokum það ráð að senda
mann ríðandi úr Ólafsvík vestur á Isafjörð með bréf
til kaupmannsins þar og biðja hann að greiða úr fyrir
sér. Frásögn Plums um ferðina vestur er nokkuð reif-
arakennd. Hann segist hafa fengið Sumarliða nokkurn
Guðmundsson til ferðarinnar, sem var sá eini, er rat-
1 Plum: Historien o.s.v., bls. 54.
2 S. st„ bls. 57.
aði. Hálfan mánuð var hann á leiðinni og 20 Rd. kost-
aði ferðin. Segist Plum hafa fengið Sumarliða dug-
legan hest og beittan hníf til ferðarinnar, ef á þyrfti
að halda, til þess að drepa hestinn með, því að veg-
urinn væri svo hættulegur, þar sem m. a. væri yfir
Glámujökul að fara, er væri full dagleið.3 —
Haustið 1796 strandaði Ölafsvíkurskipið á útsigl-
ingu á Skarfsvík fyrir innan Öndverðarnes og fór þar
í spón. Þar missti Plum allar ársafurðir sínar, þó var
nokkru bjargað og selt á uppboði. Þar höfðust menn
við í hinum svokölluðu Jrskutóftum í hrauninu og
Ijölduðu yfir sig með seglum. Skipverjar björguðust
allir og voru í Ólafsvík um veturinn við allharðan
kost,4 en tap Plums á þessu strandi, reið honum að
fullu fjárhagslega. —
Plum hælir sér af ýmsu í bókinni, sem hann ritaði
um verzlunarhagi sína, þ. á m. segist hann ekki hafa
flutt til verzlunar sinnar í Ólafsvík árið 1795 nema
10 tunnur af brennivíni, af því að hann álíti það
3 S. st., bls. 158.
4 Espolin: Árbækur X, 80.
74
FRJÁLS VERZLUN