Frjáls verslun - 01.02.1954, Page 1
16. ARG. 1.—2. HEFTI —
Ar til §teíiiu
Það var í apríl-mónuði 1854, sem lög voru samþykkt um algert verzlunar-
frelsi Islendingum til handa. Frá því á einokunartímabilinu hafði verzlunar-
frelsið unnizt í áföngum fyrir þrotlausa baráttu landsmamia að fenginni dýr-
keyptri reynzlu. Lögin um ótakmarkað verzlunarfrelsi tóku þó ekki gildi fyrr
en ári seinna, eða 1. apríl 1855. Á nœsta ári eru því 100 ár liðin frá þeim
merkisdegi, sem telja má upphaf þess framfaraskeiðs í sögu hinnar íslenzku
þjóðar, sem glœsilegast hefur verið og fœrði landsmönnum langþráð stjórn-
arfarslegt sjálfstœði, menningarlegar framfarir og bœtt lífskjör.
Þessa fœðingardags frelsisins ber að minnast á verðugan hátt. Þar á
verzlunarstéttin að hafa forustuna. Um þá minningarhátíð á verzlunarstéttin
að standa einhuga og vanda svo til hennar, að yfir henni verði sá glœsi-
bragur, er tilefninu sœmir. Það er aðeins ár til stefnu, svo að tímabœrt er
að hefja vandaðan undirbúning. FRJÁLS VERZLUN hvetur Verzlunarráð Is-
'ands, Samband smásöluverzlana og Verzlunarmannafélag Reykjavíkur til
þess að taka höndum saman um að ýta undirbúningsstarfinu nú þegar úr vör.
Það vill svo til að á þessu sama ári er hálfraraldar afmœli Verzlunar-
skóla Islands. Verzlunarskólinn hefur unnið verzlunarstéttinni ómetanlegt gagn
á þeim fimm áratugum, er hann hefur starfað. Hann hefur og verið þjóðinni
í heild nytsöm stofnun. Þessi mœti skóli, sem nú mun vera einna fjölmenn-
asti framhaldsskóli landsins, býr við naumastan húsakost þeirra allra. Hér
bíður verzlunarstéttarinnar óleyst verkefni. Vœri ekki ný vegleg Verzlunar-
skólabygging fegursta minnismerkið, sem hinu 100 ára gamla verzlunarfrelsi
yrði reist. í þessu máli á verzlunarstéttin að ríða á vaðið og síðan að tryggja
sér stuðning Bœjarstjómar Reykjavíkur og Alþingis. Verzlunarmenn, þekkjum
nú okkar vitjunartima og munum, að menntun er máttur.