Frjáls verslun - 01.02.1954, Blaðsíða 5

að lifa á hálfgerðu betli hjá vinum sínum í tvö ár, þar
sem honum var forboðið að vinna nema almenna
verkamannavinnu á handaríska hernámssvæðinu, og
jafnvel slíka vinnu var enginn leikur að fá í þá tíð.
Bretar komu nú til skjalanna og fóru fram á, að hann
tæki að sér rekstur Volkswagenverksmiðjanna, sem cru
staðsettar á þeirra hernámssvæði. Bretar vildu láta
hefja þar framleiðslu að nýju til þess að skapa at-
vinnu fyrir íbúa Wolfsburg og næsta umhverfis, sem
var illa í sveit sett. Nordhoff var langt frá því að vera
ánægður með að taka að sér þessa stöðu. þar eð hann
sem gamall Oj>eI maður hafði mjög takmarkað álit
á framleiðslu hinna gömlu keppinauta sinna. Með
hálfum huga hóf hann þó sitt nýja starf í janúav 1948.
Sennilega myndu Bretar aldrei hafa gengið á eftir
Nordhoff með að taka að sér viðreisnarstarfið hjá
Volkswagen, hefðu þeir séð fyrir, að hann a'tti eftir
að höggva stórt skarð í bílaútflutning þeirra með sam-
keppni á erlendum markaði. Á meðan iðnaðarfram-
leiðsla Vestur-Þýzkalands var í molum fyrir gengis-
breytinguna, gátu Volkswagenverksmiðjurnar stöðugt
aukið afköst sín frá mánuði til mánaðar, þrátt fyrir
mikla erfiðleika með öflun hráefna. I dag er talið, að
Volkswagen sé orðinn fjórði stærsti bílaframleiðandi
í heimi næst á eftir ..hinum þremur stóru“ í Banda-
ríkjunum.
Vinsœldir Volkswagen.
Á s.l. ári framleiddu Volkswagenverksmiðjurnar
180.000 bíla, eða scm svarar einn bíl á hverjum 80
sekúndum, og útflutningurinn náði til 88 landa. Sala
Volkswagenbílanna erlendis hefur verið ör eins og
sjá má af því, að þeir seljasl betur eu nokkur önnur
bifreiðategund í fimm Evró])ulöndum. I Belgíu,
Frakklandi og Ílalíu hefur orðið að koma á ströngum
innflutningslakmörkunum sökum vaxandi vinsælda
Volkswagen. Nú er svo komið, að næstum annar hver
híll, sem ekur um þýzku þjóðvegina, er Volkswagen. í
Sviss selzt mun meira af Volkswagen en nokkrum
öðrum bílum að meðtöldum bandarískum gerðum.
Volkswagenverksmiðjurnar ráðgera að taka á næst-
unni í notkun þriðju framleiðsluæðina, en það þýðir
framleiðsluaukningu úr 750 bílum í 1000 á dag. Auk
þess hefur verið komið upp samsetningaverksmiðjum
í Belgíu, írlandi, Suður-Afríku og Brasilíu, og ráðgert
er, að ein verði sett á fót í Ástralíu á næstunni.
Mikið átak hefur þurft til að hyggja upp þessa
miklu framleiðslu, enda hefur það kostað sleytulausa
vinnu hjá þeim, sem lagt hafa hönd á plóginn. Heinz
Nordhoff lagði nótt við dag eftir að hann tók við fram-
kvæmdastjórn fyrirtækisins og veitti sér enga hvíld
Volkswagjen-verksmiðjurnar í Wolfsburg: munu bráðleffa fram-
leiða 1000 bíla á <lag.
frá störfum fyrstu árin. Hann hefur alltaf haft nána
samvinnu við hina 20 þúsund starfsmenn sína, enda
sýna afköstin, að sam.-larf undir- og yfirmanna hefui
J)orið góðan ávöxt. Nordhoff varði t.d. miklum tima
í að tala við starfsmenn sína á vinnustaðnum og skýra
út fyrir j>eim, livert markmið hans væri. Þegar hann
hóf starf sitt, nam framleiðslan ekki nema 700 bílum
á mánuði, og enginn hafði minnstu hugmynd um,
hvað þeir raunverulega kostuðu.
Aukning framleiðslunnar.
Framfarir voru hægfara fyrst í stað, því marga erf-
iðleika varð að yfirstíga. Til þess að unnt væri að
fá nægt vinnuafl varð að byggja 4000 íbúðir, og ein
aukamáltíð var gefin á dag, svo einhver von væri að
halda starfsfólkinu. Hafist var handa um að gera við
verksmiðjubyggingarnar og endurbæta vélakostinn.
Ákveðið var að gera ýmsar endurbætur á útliti og vél
Volkswagenbílsins, sem ekki var talinn uppfvlla þær
kröfur, er til hans voru gerðar.
Volkswagen var upphaflega teiknaður af Ferdinand
Porsche. Einir 210 vagna.r af þeirri frumsmíð liöfðu
verið framleiddir, áður en verksmiðjurnar voru látnar
hefja smíði flutningabíla fyrir þýzka herinn. Eftir að
Nordhoff breytti útliti Volkswagen, lét hann það boð
FRfÁLS VERZLUN
5