Frjáls verslun - 01.04.1954, Blaðsíða 6
Salka Valka í Grindavík
Myndir og frásögn: NJÁLL SÍMONARSON
Allt var á ferð og flugi á bryggjunni í Grinda-
vík, og þó var vertíðinni lokið. Fyrir nokkrum
vikum lögðu Grindavíkurbátarnir afla sinn á
land hér á bryggjunni, en nú var ný „útgerð“
komin á sömu slóðir, og Grindvíkingar hafa
sennilega aldrei látið sig dreyma um slíkan at-
vinnuveg í kyrrlátu víkinni á Suðurnesjum.
Kvikmyndaiðnaðurinn hafði nú haldið innreið
sína í þetta sunnlenzka sjávarþorp, sem á
skömmum tíma var gert að nokkurs konar
Hollywood Islands. Kvikmyndatökumennirnir
frá sænska félaginu Nordisk Tonefilm voru önn-
um kafnir við að undirbúa kvikmyndun Sölku
Völku niður við hafnargarðinn. Veðrið var ekki
sem hagstæðast til kvikmyndatöku, úðarigning
og úfinn sjór úti fyrir, en Svíarnir voru vel búnir
undir þessa óblíðu íslenzku veðráttu. Allir voru
þeir klæddir sjóstökkum og fullháum gúmmí-
stígvélum líkast því sem þeir væru nýkomnir úr
róðri. Kvikmyndatökustjórinn, Arne Mattsson,
gaf fyrirskipanir, og aðstoðarmenn hans hlupu
til og frá á bryggjunni með ýmiskonar tæki, sem
nota átti við væntanlega myndatöku. Þarna var
ldjómupptökuvagn og skammt frá honum sjálf
kvikmyndavélin, sem ungur maður að nafni
Sven Nyquist stjórnaði. Við komumst fljótt að'
því, að atriðið, sem kvikmynda á næst, er úr
þeim kafla sögunnar, sem segir frá því, er sá
stutti lendir í sjónum í lítilli þríhjóla kerru.
Sven Magnusson, sem leikur hlutverkið, kemur
nú út úr stórum langferðabíl, sem stendur á
bryggjunni. Við göngum að karli og virðum hann
fyrir okkur, en hann er býsna ófrýnilegur að sjá
í sínu tötralega gervi. Settur hefur verið á hann
plastskalli svo eðlilegur, að' ekki er mögulegt að
sjá annað en þetta sé sjálfur raunveruleikinn,
nema komið sé mjög nærri. Klínt hefur verið
rauðleitum farva framan í Magnusson, og líkist
hann einna helzt betlara í einhverri stórborg á
meginlandinu.
Allt virðist vera tilbúið til að hefja kvik-
myndatökuna, og Sven Magnusson klifrar í kerr-
una, sem rennur út í brimlöðrið fyrir framan
kvikmyndavélina. Utsogið' er þarna svo mikið,
að hætta er á að Magnusson berist með öldunum
langt frá landi. Kvikmyndatökustjórinn gefur
þá fyrirskipun um að binda nylonstreng utan
um hann, og eru tveir aðstoðarmenn látnir halda
í spottann, svo sænski leiðangurinn missi ekki
einn af sínum beztu leikurum á haf út. Þrisvar
Svíarnir við kvikmyndun ó bryqqjunni í Grindavík.
34
FHJÁLS VERZLUN