Frjáls verslun - 01.04.1960, Blaðsíða 7
ust atvinnuhættir, og var þá allur fiskur seldur
ísvarinn úr landi. Bæði innlend og erlend fisktöku-
skip fluttu fiskinn úr landi, og var þá mikil vinna
hjá verkamönnum við afgreiðslu skipanna. Eftir
styrjöldina jókst vinna mikið í hraðfrystihúsunum,
því þá var farið að auka mikið framleiðslu á
hraðfrystum fiski. Ennfremur hófst söltun fisks að
nýju úr togurum á þriðja ári síðasta áratugs og
skapaði það mikla vinnu. Þegar leyfð var frysting
á togarafiski, lagðist saltfiskverkun að mestu niður,
og var nú allur afli unninn í hraðfrystihúsum bæj-
arins og í nágrannakauptúnunum. Utanbæjar-
togarar lögðu á land þúsundir tonna af fiski árlega
til vinnslu, en eftir að togaraútgerðir komu sér
upp eigin hraðfrystihúsum lögðust þessar fiskland-
anir niður. A þessum árum átti vélbátaútgerðin
við mikla örðugleika að etja vegna aflaleysis á
bátamiðunum fyrir Vestfjörðum, og voru margir
bátar seldir úr bænum. En um það leyti sem fisk-
afli úr togurum fór að minnka glæddist mjög afli
vélbáta, og fóru útvegsmenn að láta smíða nýja
báta, cg er nú vélbátaútgerðin aftur búin að ná
sér og skipar nú aftur öndvegi í atvinnulifi kaup-
staðarins. En þótt óbyrlega blási fyrir togaraútgerð-
inni, er hún nauðsynlegur þáttur í atvinnulífinu,
og togararnir verða, þrátt fyrir allt, stórvirkustu
framleiðslutækin.
Þrjú hraðfrystihús eru í kaupstaðnum, og hafa
þau veitt mikla vinnu og hefur framleiðsla
þeirra farið vaxandi ár frá ári. Rækjuverksmiðj-
urnar eru orðnar þrjár og hefur starfræksla þeirra
stórfellda þýðingu fyrir bæjarfélagið. Vinnur þar
fjöldi fólks, og eru húsmæður í stórum meiri-
hluta. Fiskimjölsverksmiðja hefur verið ein, og er
nú búið að byggja aðra litla verksmiðju, sem vinn-
ur úr rækjuskel, en rækjuskelin og rækjuúrgang-
urinn hefur ekki áður verið nýttur. Það mun ekki
vera fjarri sanni, að þessi fyrirtæki hafi framleitt
á sl. dri útflutningsverðmæti fyrir um 40 milljónir
króna. Ennfremur er skreiðarverkun nokkur og
sömuleiðis harðfiskframleiðsla fyrir innanlandsmark-
að.
Iðnaðurinn þarf að aukast
í iðnaði hefur þróunin, því miður, orðið of hæg-
fara. Skipasmíðar standa fremstar á sviði iðnað-
arins. Erá því að skipasmíðar hófust á ísafirði árið
1916 hafa skipasmíðastöðvarnar báðar smíðað 59
vélbáta, og er nú byrjað á þeim sextugasta. Skipa-
viðgerðir eru miklar, og vantar tilfinnanlega stærri
dráttarbraut.
Ein stór vélsmiðja er í kaupstaðnum og nokkr-
ar litlar smiðjur, sem allar hafa nægileg verkefni
að vinna.
íbúðarhúsabyggingar hafa verið miklar á sið-
ustu árum, og mun láta nærri að nú séu í smíðum
um 30 íbúðir í kaupstaðnum. Stærsta byggingin
til atvinnurekstrar, sem reist hefur verið á síðustu
árum, er fiskiðjuver ísfirðings hf. og er það um
20 þús. rúmmetra bygging. Landsbanki íslands
byggði fyrir nokkrum árum vandað og veglegt hús
yfir útibú sitt og er aðbúnaður og fyrirkomulag allt
mjög rómað að verðleikum.
Verzlun og samgöngur
Verzlunin hefur dregizt saman. Því veldur, að
fólki í nágrenni kaupstaðarins hefur mjög fækkað
síðustu áratugina, og það að í byrjun þessarar
aldar seldu ísfirzku verzlunarfyrirtækin afurðir sín-
ar beint til útlanda og fluttu sjálfar inn allan verzl-
unarvarning sinn. Á þessu hefur orðið mikil breyt-
ing síðustu áratugina, og eiga viðskiptafjötrarnir,
sem dundu yfir þjóðina á árunum eftir 1930, þar
sök á. Skriffinnskan og hvers konar ríkisafskipti,
sem síðan hafa verið ríkjandi, hafa leitt til þess að
fyrirtæki úti um land hafa unnvörpum gefizt upp
við innflutningsverzlun.
Samgöngum við ísafjörð og Vestfirði almennt
er mjög ábótavant. Samgöngur á sjó, til og frá
Vestfjörðum, eru lakari en fyrir stríð. Þá voru
tíðar beinar skipaferðir á milli ísafjarðar og Reykja-
víkur, en nú telst það til viðburðar, ef svo er. Ferðir
Skipaútgerðarinnar eru með þeim hætti, að komið
er við á hverri höfn á Vestfjörðum, og tekur slíkt
ferðalag eigi skemmri tima en 30 klukkustundir.
ísfirðingar hafa aðallega ferðazt flugleiðis á síð-
ustu árum, en flugið er stopult, enda er nú aðeins
ein áætlunarflugvél til, sem getur lent á sjó, og
annastdiún flugferðir til Vestfjarða. Þessi vél hefur
fyrir löngu lifað sitt fegursta og þarf oft endurnýj-
unar og viðgerða við, og liggur þá áætlunarflug
niðri á meðan. Á þessu verður bót innan skamms,
því að flugvallargerð við ísafjörð er nú langt á
veg komin.
Að sumrinu hefur farþegaflutningur verið mikill
um ísafjarðardjúp og með bifreiðum frá Djúpi.
Á sl. hausti var ísafjörður, og nágrenni hans, tengt
akvegakerfi landsins. Það myndi fólki í öðrum
landshlutum hafa þótt löng bið. Þessi vegur liggur
FRJÁX.S TliRZLUN
7