Frjáls verslun - 01.04.1960, Blaðsíða 8

Hin nýja bygging Landsbankans
á Isafirði
um sunnanvcrða Vestfirði og Barðaströnd. Isfirð-
ingar Jiafa mikinn hug á að hraðað verði vegagerð
fyrir firðina vestan megin ísafjarðardjúps, en Al-
þingi hefur mjög skorið við nögl framlag til þess-
arar vegagerðar.
Framkvæmdir bæjarfélagsins
Framkvæmdir bæjarfélagsins voru einna mestar
á árunum 1945 til 1950. Á þeim árum var byggð
sundhöll, íþróttahús, bókasafnshús, húsmæðraskóli
og viðbygging við gagnfræðaskóla. Hafnar voru
framkvæmdir við hafnarbakkann í Neðstakaup-
stað, en við hann geta fjórir togarar fengið af-
greiðslu samtímis. Á þeim árum voru báðir tog-
ararnir keyptir og lagt fram fé til kaupa á nýjum
vélbátum. En mikið er ógert, og margt hefur of
lengi dregizt að framkvæma. Vonandi verður nú
innan skamms hafin gatnagerð úr varanlegu efni
og meira gert til þess að fegra bæinn.
Félagslíf í kaupstaðnum er vonum framar. Leik-
starfsemi er nokkur. Íþróttalíf og íþróttaáhugi er
mikill, en bæjarfélagið hefur alls ekki veitt æsk-
unni nægilega góð skilyrði til íþróttaiðkana. Nýr
íþróttavöllur á að koma. Framkvæmdum við hann
hefur þó lítið miðað áfram, en áformað er að flýta
þeim. Tónlistarlíf er mikið, og stofnun tónlistar-
skólans og starfsemi hans í 11 ár á mesta þáttinn
í, að svo er.
Um framtíð kaupstaðarins
ísfirðingar hafa lifað tvenna tímana. Atvinnu-
leysi og fátækt herjuðu þennan stað, fyrr á árum,
eins og aðra staði, sem eiga lífsafkomu sína undir
því, sem sjórinn gefur. Lífsafkoman batnaði stór-
lega á stríðsárunum, en árin eftir stríðið dró ský
fyrir sólu, því að afli bátanna fór
minnkandi ár frá ári, eins og áður
er vikið að. En nú síðustu árin
liefur atvinnulíf bæjarbúa verið á
blómaskeiði, og lífsafkoma fólks-
ins farið mjög batnandi, og nú um
langan tíma hefur vantað fólk til starfa, sérstaklega
sjómenn.
Höfuðáhyggjur okkar eru, hve margir flytjast
burt úr þessu byggðarlagi. Á sama tíma og þjóð-
inni fjölgar, fækkar íbúum Vestfjarða, og þéttbýl-
asti staður þeirra, Isafjörður, gerir ekki betur en
að hakla í horfinu.
Hvernig stendur á því að fólkið flytur, þegar
vinna er stöðug og lífsafkoman er góð?
Til þess liggja margar orsakir, og tel ég þessar
vera veigamestar: Atvinnulífið er of fábrotið. Það
vantar sérstaklega aukinn iðnað, og meiri fjöl-
breytni í athafnalífið. Fólkið, sérstaklega unga
fólkið, vill skipta um atvinnuveg af og til, og er
það eðlilegt. Einangrun Vestfjarða, alltof lélegar
samgöngur, eiga þarna einnig mikla sök. Aukið
félagslíf, betri aðbúnaður fyrir unga fólkið til
íþróttaiðkana er bráðnauðsynlegur, til þess að gera
það ánægt. Framtíð hvers byggðarlags er komin
undir því, að unga fólkið uni þar hag sínum. ísa-
fjörður þarf að verða ferðamannabær. Það þarf að
byggja fullkomið gistihús á næstu árum. Vestfirðir
cru sumarfallegir, og náttúrufegurð þeirra er til-
komuinikil og fjölbreytileg. — Skilyrði til vetrar-
íþrótta. eru óvíða betri. Með bættum samgöngum
getur ísafjörður orðið ferðamannabær bæði sumar
og vetur. Þar sem margt fólk kemur, verður meira
b'f og fjör. Þegar íbúarnir verða þess áskynja, að
einangrunin heyrir fortíðinni til og bær þeirra er
orðinn líflegur ferðamannabær, þar sem atvinna
er mikil og atvinnulífið er fjölbreytt, þá trúi ég
því, að fólkið hætti að flytjast héðan, og þessi
gamli, góði bær okkar eigi bjarta framtíð fyrir
höndum.
8
FR.TÁLS VERZLUN