Frjáls verslun - 01.04.1960, Blaðsíða 34
og eru einna afkastamestir allra þjóða á því sviði.
Stærstu frystihúsin hafa flökunarvélar af fullkomn-
ustu gerð og ýmsar aðrar vinnusparandi vélar. Eru
flestar þeirra keyptar í Vestur-Þýzkalandi.
Vegna nálægðar við ein beztu fiskimið í heimi
hafa íslendingar aðstöðu til framleiðslu á úrvals
fæðu. Og fiskur, sem er frystur nýr, kemur sem
nýr á borð kaupenda þótt þeir búi í fjarlægð. Full-
komnari vinnslu- og dreifingaraðferð þekkist ekki.
Nú er svo komið, að um 40% af heildarútflutn-
ingi Islendinga eru hinar ýmsu tegundir af freð-
fiski. Útflutningur til Vestur-Þýzkalands er enn
sem koinið er enginn, svo sem áður var sagt. Bæði
hafa háir tollar, en þó einkum erfiðleikar á dreif-
ingu valdið þessu. Til þess að sala á freðfiski geti
komið neytendum að fullum notum, þurfa, auk
stórra kæligeymsla við hafnir og aðrar umferðar-
miðstöðvar og vel einangraðra flutningatækja, að
vera kæligeymslur í verzlunum og helzt á heimilum
(ísskápar). Aðstæður til að dreifa frystum matvæl-
um í Vestur-Þýzkalandi munu hafa stórbatnað að
undanförnu og sú þróun mun halda áfram.
Þrátt fyrir erfiðleika vegna innflutningstollsins
á frystum fiski hjá löndum liins sameiginlega mark-
aðar, gera íslendingar sér vonir um að geta farið
að selja hraðfrystan fisk í Vestur-Þýzkalandi. Og
vegna hinnar nýju aðstöðu varðandi dreifingu munu
þeir geta boðið úrvalsfisk á stöðum, þar sem slíkrar
fæðu hefur lítt verið neytt fram til þessa vegna
fjarlægðar frá sjó.
Vera má að áheyrendum mínum hafi fundizt ég
tala of mikið um útflutningsverzlun tslendinga og
þá einkum fiskverzlunina. En eins og öllum má
ljóst vera, byggjast möguleikar íslenzku þjóðar-
innar Lil innflutnings, frá þessu eða öðrum löndum,
nær eingöngu á útflutningnum, og hann er að
mestu leyti fiskafurðir.
Hvað viðvíkur innflutningi frá Vestur-Þýzka-
landi, þá get ég fullyrt, að íslendingar eru mjög
áhugasamir í því efni. Sést þetta til dæmis á því,
að innflutningurinn frá Vestur-Þýzkalandi hefur
yfirleitt verið töluvert meiri en útflutningurinn
þangað.
Ef íslendingar fá aðstöðu til að auka vörusölu
til Vestur-Evrópu, er ég viss um, að sá aukni kaup-
máttur, sem af því myndi leiða á íslandi myndi
ekki hvað sízt auka kaupin í þessu landi. Enda
metum við þýzkan iðnað mikils, og get ég í því
sambandi bent á, sem dæmi, ýmiss konar vélar,
bifreiðir og margvísleg áhöld.
Frá
aðalíundi
Verzlunar-
sparisjóðsins
Aðalfundur Verzlunarsparisjóðsins var haldinn í
Þjóðleikhússkjallaranum laugardaginn 5. marz sl.
Formaður stjórnar sparisjóðsins, Þorvaldur Guð-
mundsson forstjóri, setti fundinn og stakk upp á
Hirti Jónssyni, kaupmanni, sem fundarstjóra, en
fundarritarar voru kjörnir þeir Hrafn Þórisson og
Guðjón Eyjólfsson.
Þorvaldur Guðmundsson, forstjóri, flutti skýrslu
stjórnar sparisjóðsins um starfsemi síðastliðins árs.
Bar hún með sér, að starfsemi sparisjóðsins hafði
vaxið mjög á árinu. Höfðu innstæður aukizt á
árinu um 37,8 milljónir króna, þar af 25,4 milljónir
króna í almennum sparisjóðsinnstæðum, en heildar-
innstæður í Verzlunarsparisjóðnum í lok síðasta
árs námu 153,5 milljónum króna, þar af 113,5
milljónir króna í almennum sparisjóðsinnstæðum.
Er Verzlunarsparisjóðurinn nú stærsti sparisjóður
landsins.
I skýrslunni kom fram, að stjórn sparisjóðsins
hafði hafið undirbúning að stofnun verzlunarbanka
í samræmi við ályktun aðalfundar 7 marz 1959.
Var viðskiptamálaráðherra skrifað um málið og ósk-
Að lokum vil ég bera fram beztu þakkir mínar
og félaga míns til stjórnarnefndar Hannover-vöru-
sýningarinnar fyrir að hafa boðið okkur að vera
viðstaddir á þessum sérstaka Norðurlandadegi. Ég
er sannfærður um, að hér eru til sýnis flestar þær
vélar sem íslendingar þurfa að flytja inn, og þess
vegna er áhugi okkar á vörusýningunni vissulega
mjög mikill. Sýninguna mun án efa sækja fjöldi
íslenzkra kaupsýslumanna, og áhugi þeirra er meiri
en nokkru sinni. Ekki sízt vegna hinna frjálsu við-
skiptahátta, sem nú er verið að taka upp á íslandi,
og munu leiða til þess, að við getum keypt meira
hér en verið hefur um áratugi.
34
FRJÁLS VERZLUN