Frjáls verslun - 01.06.1978, Blaðsíða 57

Pökkunarsalurinn.
Moet et Chandon hefur framleitt
kampavín síðan 1720, en Henn-
essy koníak síðan 1742.
Glæsileg bækistöð
Bækistöð Parfums Christian
Dior er eins og áður segir í Saint--
Jean-de-Braye, um 100 kílómetra
frá París. Við vörðum næstum
heilum degi í þessari nýtízkulegu
verksmiðju, sem þykir með þeim
fremstu í Frakklandi hvað útliti og
skipulagi viðkemur. Hún er byggö í
skóglendi fyrir utan Orleans, sem
segja má að sé 28 hektara lysti-
garður. Skrifstofu- og verksmiðju-
byggingin er mjög nútímaleg en
starfsemi hófst í henni árið 1975.
Það má segja, að Dior-andi svífi
þar yfir vötnunum: glæsilegar
byggingar, góð starfsaðstaða og
stööugt gæðaeftirlit á sérhverju
stigi framleiðslunnar og pökkunar,
allt frá því að hráefnin berast í
verksmiðjuna þar til vörurnar eru
settar í umbúðir og þær fara um
„dauðhreinsaða hlutann“ í verk-
smiðjunni.
Þannig veldur sérhver ójafna á
varalit því að honum er umsvifa-
laust fleygt. Allir smágallar gera
það að verkum að varan er algjör-
lega tekin úr umferð. Við sþurðum
fylgdarmann okkar, hvort svona
gallaðar vörur væru ekki seldar
starfsfólkinu á niðursettu verði.
Hann kvað nei við, en sagði að
starfsmenn gætu keypt allar vöru-
tegundir verksmiðjunnar á hálf-
virði í sérstakri starfsmannaverzl-
un.
Rannsóknarstofur í hverju horni
Þegar gengið er um verksmiðj-
una vekur það athygli, hve mikil og
margþætt rannsóknarstarfsemi fer
þar fram. Hvarvetna eru efna-
fræðingar og aðrir sérfræðingar
inni á rannsóknarstofum að gera
tilraunir með nýjungar eða kanna
gæði framleiöslunnar á sýnum.
Það má líkja meðferðinni á ilm-
vötnum við gerjun góðra vína.
Blómasafinn, sem notaður er til
ilmvatnsgerðarinnar, er geymdur í
stórum koparámum og látinn
þroskast í sérstökum klefum við 12
gráðu hita. Gestum er ráðlagt að
fara í sérstakar mohair-kápur, sem
eru við innganginn, áður en þeir
skoða þennan hluta verksmiðj-
unnar.
Varalitirnir eru geymdir í 20 kílóa
kökum og minna einna helzt á
osta, þar sem þeir bíða meðferðar.
Hópur sérfræðinga sér svo um að
varalitir, eins og öll önnur lituð
framleiðsla, sé í samræmi við tízk-
una hverju sinni, þegar hún er
send á markað.
Prófað á 300 konum
Læknisfræðilegir ráðgjafar,
lyfjafræðingar og snyrtisérfræö-
ingar eru hafðir með í ráðum í
Dior-verksmiðjunni í Saint-Jean-
de-Braye. Sérhver ný vörutegund
er prófuð undir læknisfræöilegu
eftirliti á 300 konum að minnsta
kosti.
Árið 1947 störfuðu 30 manns hjá
Parfums Christian Dior. Nú er
starfsliðið rúmlega 1000 manns,
þar af 900 í Saint-Jean-de-Braye.
Meðalaldur starfsmanna er 33 ár
og fólk úr nágrenninu var ráðið í
750 stöður, þegar verksmiðjan hóf
starfsemi sína, þar af 70% konur.
57