Frjáls verslun - 01.06.1978, Blaðsíða 64
og selst þaö í 350 þús. eintökum.
Vinstri menn eiga líka sitt vikublað,
sem er Nouvel Observateur með
400 þús. eintaka upplag.
Helztu dagblöðin í París eru Le
Figaro, kemur út í 700 þús. ein-
tökum, Le Monde í 500 þús. og Le
Parisien Liberé, 600 þús. eintök.
Stærsta dagblað Frakklands er
ekki gefið út í París, heldur er það
eins konar héraðsblað, sem gefið
er út í vesturhluta Frakklands. Það
heitir Ouest-France og er milljón
eintök daglega.
Skilyrði til fréttaöflunar víða óvið-
unandi
f lok viðtals okkar við Jacques
Abelous hjá AFP, var vikið að
starfsaðstöðu fréttamanna víða
um heim og þeirri hættu, sem
frjálsum fréttaflutningi er búin í
mörgum löndum vegna íhlutunar
opinberra yfirvalda.
Sjálfur kvaðst Abelous hafa
kynnzt þessum aðstæðum nokkuð
er hann starfaði sem forstöðu-
maður AFP í Brasilíu. Þar fékk
hann iðulega ábendingar frá
ráðamönnum um að hann skrifaði
eins og stjórnarandstaðan í land-
inu. ( Urugay er ströng ritskoöun.
Fréttaskeyti eru lesin áður en þau
eru send úr landi en síðan er hafizt
handa í viðureigninni við frétta-
manninn, ef ástæða þykir til. Er-
lendir fréttamenn eru sendir úr
landi umsvifalaust, en hafi heima-
maður skrifað skeytið, er honum
fleygt í fangelsi.
Allir erlendir fréttamenn hafa
verið reknir frá Eþíópíu og fréttir
þaðan eru komnar frá innlendum
blaðamönnum, sem eru háðir rit-
skoðun og þora ekki að segja allt
af létta. í Sovétríkjunum og A.-
Evrópu eru starfsskilyrði frétta-
manna „langt frá því að vera eðli-
leg“ eins og Abelous orðaði það.
Vandamálin í sambandi við
fréttir frá einræðisríkjum og þró-
unarlöndum hafa verið sérstak-
lega til umfjöllunar á ráðstefnu í
Istanbúl og Túnis. Abelous sagði,
að blaðamenn frá viðkomandi
löndum skildu vel óánægju vest-
rænna fréttamanna með starfs-
skilyrðin.
,,En ráðamennirnir í viðkomandi
löndum vilja ekki skilja orsakirnar
fyrir óánægju okkar. Það eina sem
þeir vilja sjá á prenti eru fréttir um
að þjóðarframleiðslan hafi aukizt
um 1,5% eða svo, og að lokið hafi
verið við stíflugerð í einhverju
fljótinu", sagði Jacques Abelous
hjá AFP.
Á ritstjórnarskrifstofu AFP. Fréttamennirnir skrifa frásagnlr sínar Inn á tölvu, sem sfðan annast út-
sendlngu þeirra um vfða veröld.
64