Frjáls verslun - 01.02.1980, Blaðsíða 42
Þaö skiptir miklu máli að þaö takist gott samstarf viö
þaö fólk sem fyrir hefur verið, sérstaklega við leiöandi
starfsmenn í fyrirtækinu. Mér hefur verið tekið af-
skaplega vel hér. Hér eru ekki innbyrðis vandamál af
því tagi að það hafi verið erfitt fyrir mig að koma
hingað inn. Ég get fullyrt að mér hafi almennt veriö
mjög vel tekið.“
F.V.: — Og kannski verið auðveldara að takast á
við þetta starf en þú áttir von á í upphafi?
Hörður: ,,Það vil ég nú ekki segja. Það er nú gjarn-
an svo, að þegar horft er á svona verkefni úr hæfilegri
fjarlægð sér maður ekki nema útlínurnar. Svo þegar
maður fer að kynna sér málin betur greinist þetta í
fleiri þætti og verður gjarnan umsvifameira. Ég held
að þetta hafi ekki orðið neitt auðveldara en ég bjóst
við.“
F.V.: — Nú hefur þú komið með nýja menn hér í
yfirmannastöður. Hefur það skapað einhver vanda-
mál gagnvart eldra starfsfólki?
Hörður: ,,Einn liðurinn í því að skoða skipulag
fyrirtækisins var að gera sér grein fyrir hvernig
aldurssamsetning leiðandi manna í fyrirtækinu væri.
Þetta var gert í samvinnu við þá starfsmenn sem hér
eru. Við komumst að þeirri niðurstöðu að hér væri
hópur manna sem byggi yfir mikilli þekkingu og
reynslu en að sama skapi væri hætta á því að eftir
nokkurt árabil væru ekki menn til þess að taka við,
ööruvísi en aö þeir væru fengnir utan að. Það var
þarna visst bil, sem við urðum að brúa með því að fá
til liðs við okkur unga, duglega menn meö reynslu. Ég
tel að það hafi ekki verið verulegt vandamál að sam-
eina hagsmuni eldri og nýrri starfsmanna í því sam-
bandi."
F.V.: — Nú er Eimskipafélagið gróið fyrirtæki og
virðist nokkuð gamaldags utanaðkomandi fólki.
Hvernig er að taka við fyrirtæki, sem á sér langa sögu
og færa það meira inn í nútíðina og framtíðina?
Hörður: „Þaö er vandi að koma inn í gamalt og
gróið fyrirtæki. Eimskipafélagiö er 66 ára og er eitt af
elstu fyrirtækjum landsins sem eitthvað kveður að.
Söm'uleiðis er það að í siglingum hefur til skamms
tíma gætt svolítillar íhaldssemi. Þarna hafa orðiö
miklar breytingar og framþróun í siglingum á undan-
förnum árum hefur verið ör. En þó það sé ekki
vandalaust þá erum við að færa Eimskip í nútímalegra
horf. Við horfum fram í tímann og stefnum að því að
það veröi á hverjum tíma nútímafyrirtæki."
F.V.: — Hvað með nýjungar í stjórnun? Kemurðu
til með að brjóta upp á mörgum slíkum?
Hörður: „Það er nú gjarnan þannig þegar nýr
maður tekur við að hann vill breyta ýmsum hlutum.
Við höfum gert nokkuð af því og eigum vafalaust eftir
að breyta meiru. Nýjungar í stjórnarháttum endur-
speglast vafalaust aö einhverju leyti í því skipulagi
sem við höfum komið á. Meðal annars höfum við reynt
að afmarka frekar ábyrgðarsvið og valdsvið einstakra
manna. Hér erum við að byggja upp upplýsingakerfi
þannig aö viö fáum meiri og betri upplýsingar fyrr en
áður. Þetta mundi ég nú telja meðal nýjunga í stjórn-
unarháttum."
F.V.: — Hvað með rekstur einstakra minni eininga
eins og t.d. skipa?
Hörður: „Það er mál sem við erum ennþá ekki
búnir að skoða til hlítar. Það hafa verið uppi hug-
myndir um það innan fyrirtækisins að líta á hvert skip
sem sjálfstæða rekstrareiningu. Skipin eru það að
sjálfsögðu en það má afmarka þetta frekar og gefa
þeim sem eru um borð í skipunum, yfirmönnum skip-
anna, meira tækifæri til þess að fylgjast með því
hvaða verðmæti þeir eru með í höndunum og hvað
þeir hafa verið settir til þess að forvalta. Sum erlend
skipafélög, sem við þekkjum, hafa gert skipin að
raunverulegum stjórnunareiningum með mjög góð-
um árangri, og vió erum með hugmyndir um að gera
slíkt hér en það er ennþá á óskalistanum hjá okkur."
F.V.: — Ert þú að flytja þá stjórnunarhætti sem
viðgengust hjá Flugleiðum hingað eða byrjið þið hér
alveg frá grunni? Manni sýnast vera hliðstæður í
stjórnskipulagi Flugleiða og því sem hér er í upp-
byggingu.
Hörður: „I fyrsta lagi byggjum við á þeirri stjórn-
unarþekkingu og reynslu sem var hér til staðar í
þessu fyrirtæki. í öðru lagi flyt ég vafalaust með mér
reynslu, hvort sem hún er frá Flugleiðum eða öðrum
og auðvitað þá þekkingu sem ég hef fengið með
mínu námi í sérhæfingu í rekstri fyrirtækja.
Þetta skipulag sem hér er hjá Eimskip er í sjálfu sér
heföbundiö skipulag. Efsta laginu er skipt í þrennt: í
fjármálasvið, flutningasvið og síðan tæknisvið. Þetta
er hefðbundin skipting í fyrirtækjum af ákveðinni
stærð. Það sem við höfum kannski gert í okkar
endurskipulagningu er að afmarka skýrar hvað er
hvað og kalla hlutina réttum nöfnum."
F.V.: — Þinn forveri í starfi er þekktur sem mjög
„impúlsívur" stjórnandi. Hvernig mundir þú lýsa
sjálfum þér sem stjórnanda?
Hörður: „Það er nú ekki auðvelt að lýsa sjálfum sér
og menn geta veriö kappsamir stjórnendur þó menn
hafi mismunandi aðferðir viö að koma því til fram-
kvæmda sem menn vilja gera.
Skipulagsbreytingin sem hér er komin til fram-
kvæmda endurspeglar vafalaust það hvernig ég vil
reyna aö stjórna. Ég hef þá skoöun að maður eigi að
stjórna í gegnum tiltölulega fáa undirmenn og koma
síðan fram í gegnum þá því sem maður vill ná. Ég legg
upp úr því að reyna að hafa samráð við mína næstu
undirmenn og ræða við þá. Viö höfum hér fundi þar
sem við tökum fyrir ákveðin verkefni, svo sem flutn-
ingaverkefni og ráðstöfun skipanna. Þaö er auðvitað
þungamiðjan í rekstri þessa fyrirtækis að þau séu vel
og skynsamlega nýtt.
Við höldum síðan reglulega fundi um ýmis önnur
málefni eins og markaðsmál og sitthvað fleira."
F.V.: — Nú hefur komið fram hjá yfirmönnum
Eimskipafélagsins, reyndar ekki frá þér, að íslenski
markaðurinn væri svo lítill að hann þyldi í raun ekki
40