Frjáls verslun - 01.03.1980, Blaðsíða 6

áfangar-
Ellert B. Schram hefur verið ráðinn ritstjóri
dagbiaðsins Vísis, og tekur hann við því starfi af
Herði Einarssyni, en hann er nú formaður
blaðstjórnar blaðsins.
Ellert er fæddur í Reykjavík þ. 10. október
1939, og lauk stúdentsprófi frá Verslunarskóla
íslands 1959. Þaðan lá leiðin í Háskóla íslands,
þaðan sem Ellert lauk kandídatsprófi árið 1966,
og að námi loknu hóf hann starf á lögmanna-
skrifstofunni Tryggvagötu 8. Á árunum 1966 til
áramóta 1971—72 gegndi Ellert starfi skrif-
stofustjóra borgarverkfræðings en vorið 1971
var hann kosinn til setu á Alþingi, sem lands-
kjörinn þingmaður. Frá kosningunum 1974 sat
Ellert síðan sem þingmaður Reykvíkinga.
Ellert hefur gegnt mörgum trúnaðarstörfum í
gegnum árin og má nefna aö hann var for-
maðurstúdentaráösárin 1963—64, hann hefur
gegnt formannsembætti Knattspyrnusam-
bands Islands síðan árið 1973, verið formaöur
fulltrúaráós Sjálfstæðisfélaganna í Reykjavík
frá árinu 1977 og setið í ýmsum ráðum og
nefndum, s.s. útvarpsráði og rannsóknarráði.
..Blaðamennska er mjög áhugavert starf og
blaðamenn koma víða við. Þeir fylgjast með
þjóðfélaginu, draga ályktanir af atburöum og
hafa þannig einnig áhrif, ásamt upplýsinga-
miðluninni. Islensk blaðamennska er aö þróast
á þá braut að flytja óhlutdrægar og vandaðar
fréttir og mér finnst reglulega skemmtilegt að fá
tækifæri til að spreyta mig á þessu sviði," sagöi
Ellert um hið nýja starf.
Ellert er kvæntur Önnu Ásgeirsdóttur og eiga
þau 4 börn.
Pétur Jónsson, viðskiptafræðingur, var hinn
fyrsta febrúar sl. ráöinn sem framkvæmdastjóri
stjórnunarsviðs ríkisspítalanna.
Pétur er fæddur hinn 12. janúar 1938. Hann
lauk stúdentsprófi frá Menntaskólanum á
Akureyri 1959, og síðan prófi frá viðskiptadeild
Háskóla Islands 1967.
Meðan á námi hans stóð vann Pétur við
vinnuhagræðingu hjá Sölumiðstöð hraðfrysti-
húsanna. Eftir nám vann hann um tíma með
hægri nefnd, vegna umferðalagabreytingar-
innar 1968. Hann rak um skeið eigin fasteigna-
sölu, en hóf árið 1971 störf hjá ríkisspítölunum.
Þar hefur hann gegnt störfum starfsmanna-
stjóra og innkaupastjóra.
Pétur kvaðst kunna ágætlega við sig í hinu
nýja starfi ekki síst þar sem hann hefur þurft að
vinna sig upp í starfiö og hefur því ýmsar hug-
myndir um hvað mætti betur fara í rekstri spít-
alanna og hverju sé ábótavant.
6