Frjáls verslun - 01.03.1980, Blaðsíða 75

I Magnúsarbakaríl
Hún væri þeim eiginleikum gædd
að geta sett fyllingar inn í deigið,
hvort sem um væri að ræða
hamborgara, pylsu, fíkju eða
hvaðeina og síðan væri brauðið
bakað með innanstokksgóðgæt-
inu og á eftir sæi enginn mun á.
Þetta staðfestu Andrés og Bergur
við okkur blaðamennina og sýndu
okkur fíkjukökurnar sem til stend-
ur að setja á hinn íslenska markað
í pakkningum.
,,Við höfum hugsað okkur að
fara út í matarbakka, sem útbúnir
verða þannig, að þeir verða frystir
með hráu innihaldinu og síðan
þyrftu neytendur einungis að
stinga matnum inn í ofninn til að
baka. Hér er bæði um kökur og
mat að ræða," sagði Andrés og
sýndi okkur girnilegar myndir af
framleiðslunni.
Þeir bræðurnir prófuðu að
blanda saman svínakjöti og
nautakjöti, bökuðu það innan í
brauði, og gáfu heilum dansleik að
smakka á og kom í Ijós að mönnum
þótti þetta hin Ijúffengasta fæða.
Magnúsarbakarí er eina
bakaríið í Vestmannaeyjum.
„Lifi þokkalega af þessu“
Bjarni Jónasson, rekur Eyjaflug.
Sjálfur er hann flugmaður og seg-
ist lifa þokkalegu lífi af því að reka
fyrirtækið. Hann á tvær flugvélar,
eina níu farþega Islander-vél og
aðra fjögurra manna Piper
Cherokee.
„Það var árið 1969 að ég keypti
mér fyrstu flugvélina en 1973 byrj-
aði ég í þessum „bransa".
„Bissnissinn" hefur verið fádæma
lélegur í vetur, en nú er aflinn far-
inn að glæðast, og þá má búast
við, aö hann fari líka að glæðast
hjá mér, þegar fólk má vera að því
áð líta upp úrfiskinum."
Bjarni flýgur á alla nálæga staöi.
Skemmst er á flugvöll sem Vest-
mannaeyjabær og Landeyja-
hreppur létu gera að Bakka í
Landeyjum, fimm mínútna flug.
Þangað ferjar Bjarni fólk. Einu
sinni flutti hann allan barnaskól-
ann þangað á þremur tímum, að
eigin sögn.
Tveir leigubflar
„Við erum tveir í þessu í aðal-
starfi, sá þriðji kemur þegar mikið
er að gera," sagði Sigurvin Sigur-
vinsson, leigubílstjóri í Vest-
mannaeyjum. Hann ásamt Óskari
Elíasi Óskarssyni og Óskari
Björnssyni sjá um að skjóta fólki
bæjarleið í Eyjum. Sá síðarnefndi
kemur þó aðallega inn í þegar
mikið er að gera, eins og Sigurvin
sagði.
Eins og víða annars staðar er
mest að gera á kvöldin og um
helgar en þess utan slæðingur,
enda eru eyjaskeggjar farnir að
átta sig á að þessi þjónusta er fyrir
hendi.
Ófremdarástand
Mikið ófremdarástand er í gisti-
húsamálum Vestmannaeyinga.
Þar er ekkert gistihús starfandi og
þykir fleirum en eyjaskeggjum
miður. Hótel Berg lagði niður
starfsemi sína fyrir nokkrum árum
og síðan hefur lítið verið um gisti-
aðstöðu. Blaðamenn Frjálsrar
verslunar fengu þó inni aö
Heiðarvegi 20, en þar reka hjónin
BrynhildurBrynjólfsdóttirog Hrafn
Pálsson gistingu fyrir níu manns í
fjórum herbergjum á heimili sínu.
Von er á viðbót þar sem veitinga-
húsið Skútinn er að innrétta nokk-
ur herbergi sem verða leigð út
ferðamönnum.
Það er alls ekki vansalaust fyrir
Vestmannaeyinga að ekki skuli
vera rekið almennilegt gistihús á
þessum fagra stað.
75