Frjáls verslun - 01.04.1980, Blaðsíða 34
vælalöggjöf og matvælaeftirlit, svo að séö verði fyrir
lögmætum vöruskoðunum og útgáfu vottorða, bæði
fyrir útflutning og innflutning. Þetta gildir einnig um
endurútflutning vöru. Lagt er til, aö hafi landsyfirvöld
neitað innflutningi ákveðinnar vöru, vegna þess að
hún sé talin hættuleg heilsu manna eða svikin, þá
skuli þau með öllum tiltækum ráðum aðvara önnur
þau lönd, sem líklegt má telja, að varan verði send til.
Þátttaka íslands
ísland gerðist aðili að Staðlaskrárráðinu árið 1969,
en hafði þá áður tekið þátt í störfum Staðlaskrár-
nefndar fyrir fisk og fiskafurðir. Hefur ísland átt full-
trúa á öllum fundum þeirrar nefndar frá upphafi
(1964), en auk þess tekið þátt í einstaka fundum
annarra staðlaskrárnefnda, s.s. um kjöt og kjötvörur,
mjólk og mjólkurvörur, feiti og olíur, og aukaefni í
matvælum. Þátttaka íslendinga í þessum fundum
hefur mest ráðist af hagsmunum útflutningsfram-
leiðslunnar, einkum fiskiönaðarins, og afstaða (s-
lands til málanna aðallega mótast út frá sjónarmiði
framleiðandans. Á hinn bóginn hefur ísland ekki
ennþá sinnt neitt sérstaklega sjónarmiðum innflytj-
endanna. Til þess væri þó full ástæða, þar sem ís-
lendingar flytja inn mikið af matvælum og eru ekki
alltaf ánægðir með þau, svo sem kunnugt er. Er at-
hugandi, hvort ekki sé ráðlegt, út frá þessu sjónar-
miöi, að (sland samþykki fyrir sitt leyti nokkra af
Codex-stöðlunum. Ennþá hafa engir þeirra öðlast
gildi hérlendis.
Að fyrirmynd annarra aðildarþjóða Staölaskrár-
ráðsins hefur ísland sett hjá sér sérstaka nefnd,
staðlaskrárnefnd, til þess að fara með yfirstjórn þeirra
mála hérlendis, sem varða Codex Alimentarius.
Skipuð var af Sjávarútvegsráðuneytinu íslensk
staðlaskrárnefnd árið 1967 og starfaði hún til 1972.
Núverandi staðlaskrárnefnd var skipuð af Utanríkis-
ráðuneytinu árið 1977. Aðild að henni er ekki per-
sónubundin, heldur bundin við ríkisstofnanir, sem
tengdar eru matvælaframleiðslu, rannsóknum á mat-
vælum og matvælaeftirliti. Stofnanirnar eru þessar:
Rannsóknastofnun landbúnaðarins.
Rannsóknastofnun fiskiðnaðarins.
Rannsóknastofnun iönaðarins.
Framleiðslueftirlit sjávarafurða.
Heilbrigðiseftirlit ríkisins.
Matvælarannsóknir ríkisins.
Raunvísindastofnun Háskólans.
Yfirdýralæknirinn á íslandi.
Eiturefnanefndin á íslandi.
FAO-nefndin á (slandi.
Formaður nefndarinnar er forstöóumaður Rann-
sóknastofnunar landbúnaðarins, Björn Sigurbjörns-
son, Ritari nefndarinnar var tilnefndur Sigurður Pét-
ursson, gerlafræðingur, en hann hefur starfaö hér að
þessum staðlaskrármálum frá byrjun (1964). Ritarinn
er einnig viðtakandi (Codex Contact Point) hérlendis
að skjölum og ritum Staðlaskrárráðsins og annast um
dreifingu þeirra til viðkomandi aðila. Hann veitir og
upplýsingar um Codex Alimentarius, þegar þess er
óskaö.
Siglfirðingar
Tískufatnaður í miklu úrvali
fyrir alla á öllum aldri
Diddabúð
Aðalgötu 28 - 580 Siglufirði
Sími 96-71324
L
Siglfirðingar -
nærsveitamenn
Leitið ekki langt yfir skammt.
Við höfum gjafir og blóm við
hverskonar tækifæri.
Höfum einnig mikið úrval af
leikföngum.
Verslunin Ögn
Aðalgötu
Sírni 71120, Siglufirði
34