Frjáls verslun - 01.04.1980, Blaðsíða 43

Lúxus á hjólum
Af áþreifanlegri hlutum, sem við
kusum að fella undir lúxusvörur,
skulum við byrja á bílunum. Við
byrjuðum á því að hafa samband
við Vökul h/f og athuga hvað dýr-
ustu bílarnir hjá þeim kostuðu.
Upp úr kafinu kom að Dodge
Aspen og Plymouth Volare stóðu
á toppnum en verðið á þeim var í
kringum 10 milljónir. Þó væru dýr-
ustu bílarnir, sem fyrirtækið út-
vegaði af gerðinni Chrysler New
York og kostuðu þeir nýir um 15
milljónir. Aldrei hefur þó slíkur
verið fluttur hingað, þ.e.a.s. alveg
nýr, en fyrir kemur að þeir slædd-
ust hingað á afsláttarverði, árs
gamlir.
Veltir tjáði okkur að dýrasti
Volvoinn (264) kostaöi 13.3 mill-
jónir króna í dag. Range Roverinn
frá Heklu kostar nú á götuna um
20 milljónir en Ræsir gerði betur
þegar forsvarsmaður fyrirtækisins
sagði að dýrasti Bensinn kostaði
160 milljónir ísl. króna. Þegar við
spurðum um dýrustu týpuna, sem
æki um götur íslands, var svarið
að engum kæmi við hvaö þeir
Bensar kostuðu, sem væru undir
rössunum á eigendum sínum hérá
íslandi.
Sambandið flytur inn margar og
ólíkar tegundir bifreiða en sú bif-
reið, sem er dýrust (og flottust) og
er til hjá þeim á lager, að öllu jöfnu,
er Chevrolet Caprice Classic.
Slíkur gripur kostar 12.5 milljónir
króna. Þá er sjálfsagt að nefna
Cadillac Eldorado, sem kostar á
götuna í dag um 26 milljónir
króna, en lítið er flutt inn af slíkum
bílum eða 1—2 á ári. Af jeppum frá
Sambandinu er Chevrolet Blazer
sá dýrasti, á 14—15 milljónir. Fiat
hefur ekki orð á sér fyrir að fram-
leiða dýra lúxusbíla þrátt fyrir aö
margt afkvæmi ítölsku verksmiðj-
anna sé mjög álitlegt. Hinn al-
menni lúxusbíll Fiat og sá sem
Davíð Sigurðsson h/f býður upp
á, er Fiat 132, sem kostar 8.5 mill-
jónir. En fyrir nokkrum árum var til
tegund er einkennd var með töl-
unni 130 og var þar um hreina
lúxuskerru að ræða enda var
veröið 15—18 milljónir, á núgild-
andi verðlagi. Fiat ætlar þó að
hefja framleiðslu á svipuöum bíl á
næsta ári og er ekki að efa að þar
verður mjög athyglisverður bíll á
ferðinni því að ítalir eru frægir fyrir
fallega, kraftmikla og skemmtilega
lúxusbíla.
39