Frjáls verslun - 01.04.1980, Blaðsíða 57
Það var Bjarni Bjarnason kaup-
maður í Kjörbúð Bjarna, sem
fyrstur hóf að veita þjónustu í
samræmi við þessar breyttu reglur
en nokkrum mánuðum seinna var
kvöldsala hafin í stærstu útibúum
Kaupfélags Eyfirðinga, KEA, og er
nú opið frá kl. 18.00 til 22.00 í fjór-
um útibúum kaupfélagsins.
Engin vandamál
vegna vinnutímans
Bjarni Bjarnason sagði, að
kvöldverzlunin hefði aukizt stöð-
ugt og væri sérstaklega mikil yfir
sumarið, þegar ferðamanna-
straumurinn til Akureyrar er mest-
ur og á annað hundrað tjöld á
tjaldstæðinu, sem liggur ekki fjarri
kjörbúð hans. En hafa samningar
við verzlunarfólkið ekki verið
hindrun í vegi þessa fyrirkomu-
lags? Bjarni kvað það ekki vera
svo. í Kjörbúð Bjarna hefur af-
greiðslufólk verið sérstaklega ráð-
ið í kvöldsöluna. Einhverjir
árekstrar urðu hjá kaupfélaginu
fyrst í stað vegna launamála en úr
því leystist fljótlega.
Og það er meira aö segja hægt
að kaupa algengustu „sjoppuvör-
ur‘‘ eftir hálftólf á Akureyri.
Nætursala við Ráðhústorg og
svokallaðar nestisverzlanir hafa
heimild til að hafa opið til kl. þrjú
að nóttu.
Hagkaup opnar sem
markaðsverzlun
Það er Kaupfélag Eyfirðinga.
Akureyri, KEA, sem er mest áber-
andi í matvörudreifingu á Akureyri.
Matvörudeild kaupfélagsins rekur
nú tólf verzlanir í bænum, sumar
þó smáar. Elzta búðin er í mið-
bænum en stærstu útibúin eru í
Glerárhverfi og við Hrísalund.
Kjörbúð Bjarna er eina kjörbúðin
með fjölbreyttu matvælaúrvali fyrir
utan kaupfélagsbúðirnar. Hag-
kaup rekur markaðsverzlun með
takmarkaðra vöruframboði í mat-
vælum — selur hvorki mjólk né
kjötvörur. í sumar mun Hagkaup
væntanlega opna nýja stórverzlun
á Akureyri, í húsnæði sem bíla-
verkstæðið Baugur hefur starfað í
viö Norðurgötu 62. Kaupfélag
verkamanna er enn einn aðili í
matvöruverzluninni og rekur það
nokkur smáútibú. „Kaupmenn á
horninu" eru hins vegar mjög fáir
á Akureyri.
Kjörbúð Bjarna er stærsta verzl-
unin í verzlunarmiðstöðinni Kaup-
angi við Mýrarveg sem tók til starfa
fyrir fjórum árum. Hún er verzlun
allra Akureyringa, ef svo má segja,
og eiga hin mörgu bílastæði við
Kaupang mestan þátt í þvi. Kemur
fólk alls staðar að úr bænum til að
gera innkaup í Kjörbúð Bjarna og
er föstudagsverzlun áberandi
mikil. Við spurðum Bjarna hvernig
til hefði tekizt með rekstur á svona
verzlunarmiðstöö á Akureyri, en
það var einmitt hann, sem fékk út-
hlutun fyrir henni á sínum tíma og
byggði upp aðstöðuna í samvinnu
við byggingafélagið Smára. Bjarni
sagði að sjálfur þyrfti hann að
stækka kjörbúð sína á næstunni
með því að flytja aðstöðu starfs-
fólksins sem nú er á verzlunar-
hæðinni upp á efri hæðina þar
sem nú er lagerpláss. öðrum
verzlunum og þjónustufyrirtækj-
um í húsinu hefði líka vegnað vel
og slegizt væri um pláss í við-
bótarálmu við húsið, sem er í
byggingu. Þarverður700fermetra
verzlunarhúsnæði og 500 fer-
metrar fyrir læknamiðstöð.
„Hefur tekizt miklu betur
en menn reiknuðu með“
Fjölbreytileg verzlun og þjón-
usta er rekin í Kaupangi nú. Þar er
Landsbankinn með útibú. Önnur
fyrirtæki eru: Radiovinnustofan,
Blómabúðin Lilja, Rakarastofa
Sigvalda, Hárgreiðslustofa Diddu,
Byggingavöruverzlunin Norður-
fell, Heilsuræktin, Dúkaverk-
smiðjan, Smári hf. byggingaverk-
takar, tannlæknastofa, teiknfstofa
Hauks Haraldssonar og hið nýja
Listhús, gallerí, sem Jón Sólnes
hefur nýlega sett á stofn fyrir list-
sýningarog listaverkauppboð.
„Það má segja, að þetta hafi
tekizt miklu betur en nokkur
reiknaði með,“ sagði Bjarni í
Kaupangi um rekstur verzlunar-
miöstöðvarinnar. „Menn voru
svartsýnir á að þetta myndi
heppnast í Ijósi þess að kaupfé-
lagið var ákaflega sterkt hér og er
enn.“
En eru menn skelkaðir vegna
nýrra viðhorfa í smásöluverzlun-
inni sem skapast með tilkomu
hinnar nýju verzlunar Hagkaups?
„Það er ég ekki," svaraði Bjarni.
„Við viljum samkeppni, sem rekin
er á sanngirnis- og réttlætis-
grundvelli. Það má vel vera, að
verulega dragi úr sölu í verzlunum
í bænum, þegar þeir opna og
bjóða kjöt og mjólk. En við höfum
þá trú, að það muni fyrst og fremst
bitna á kaupfélaginu."
Kjörbúð Bjarna hefur dregið að
sér viðskiptavini úr öllum bæjar-
hlutum á Akureyri. Áður hefur ver-
ið minnzt á þátt bílastæðanna í því
en hitt er ekki síður mikilvægt, að
Bjarni hefur lagt mikið upp úr fjöl-
breyttu vöruúrvali á sama tíma og
helzti keppinauturinn, kaupfélag-
ið, hefur haldið sig að mestu við þá
vörúflokka, sem það flytur inn
sjálft. Hjá Bjarna eru á boðstólum
vörur sem ekki fást annars staðar
á Akureyri og eins og einn neyt-
andi orðaði það, þá vill fólk ekki
láta segja sér hvað það eigi
að kaupa og láta velja fyrir sig. Á
þessu fyrirkomulagi geta verið dá-
lítið skrítnar hliðar eins og til
dæmis það að KEA býður ekki
fram kjötvörur frá samvinnufyrir-
tækinu Goða í Reykjavík heldur
aðeins frá sinni eigin kjötiðnaðar-
stöö. Hins vegar fást Goða-vör-
urnar að sunnan í Kjörbúð Bjarna.
Auk þess hefur Bjarni á boðstólum
margs konar framleiðsluvörur
samvinnufélaganna í nágrenni
Akureyrar, bæði KEA og annarra.
Það styrkir líka stöðu hans, að
samkeppni er milli KEA og Kaup-
félags Svalbarðsstrandar, handan
Eyjafjarðar, í kjötvörunum og hef-
ur Bjarni verzlað við þau bæði.
Aðstöðumunur
kaupmanna
Er einhver greinilegur munur á
aöstöðu kaupmannsins í bæ eins
og Akureyri og hjá starfsbræðrum
hans í Reykjavík og á höfuðborg-
arsvæðinu? Bjarni taldi meginmun
fólginn í því, að kaupmennirnir úti
um landsbyggðina yrðu að hafa
miklu stærri lager, dýran og pláss-
frekan. Fólk gerir miklar kröfur til
vöruvalsins og því er ekki um ann-
að að ræða fyrir kaupmanninn en
að hafa stóran lager þegar langt er
að sækja með alla aðdrætti.
Kaupmaðurinn úti á landi verður
þar af leiðandi að hafa talsvert
pláss í tengslum við verzlunina
fyrir birgðageymslur, sem eru hins
vegar í algjöru lágmarki fyrir
sunnan, þar sem menn geta fengið
vörur nokkuð eftir hendinni inn í
sjálfa verzlunina.
53